Ніцца (футбольны клюб)

	Ніцца
Поўная назва	Olympique Gymnaste Club de Nice-Côte d'Azur
Заснаваны	1904
Горад	Ніцца, Францыя
Стадыён	Альянц Рывіера; Умяшчальнасьць: 35 624
Галоўны трэнэр	Франк Айз[d];
Чэмпіянат	Ліга 1
· 2023—2024	5 месца
	Галерэя здымкаў у Вікісховішчы; Афіцыйны сайт

«Ніцца» (па-француску: Olympique Gymnaste Club de Nice-Côte d'Azur) — францускі футбольны клюб з гораду Ніцца. Клюб быў заснаваны ў 1904 годзе. Чатырохразовы чэмпіён Францыі й трохразовы ўладальнік Кубка Францыі. Свае хатнія матчы «Ніцца» раней праводзіла на муніцыпальным стадыёне «Стад дзю Рэй», які месьціцца ў межах гораду. У 2013 годзе клюб пераехаў на новы стадыён «Альянц Рывіера»^[1].

«Ніцца» была заснавана пад назвай «гімнастычны клюб Ніццы» (франц. Gymnaste Club de Nice) і зьяўляецца адным з чальцоў-заснавальнікаў першага дывізіёну францускага футболу. Сярод першых клюбаў першага чэмпіянату Францыі сэзону 1932—1933 гадоў на сёньняшні момант працягваюць выступаць у ім клюбы «Марсэль», «Манпэлье», «Рэн», «Сашо». Большасьць перамогаў у розных спаборніцтвах выпадала ў асноўным на 1950-я гады, калі клюб трэнэравалі такія спэцыялісты, як Нума Андуа, ангелец Ўільям Бэры, і Жан Лючыяна. Апошнім на сёньня трафэем для клюбу зьяўляецца Кубак Францыі, які «Ніцца» здабыла ў 1997 годзе пасьля перамогі над «Генгамам» па пэнальці ў фінале. Традыцыйнымі колерамі клюбу зьяўляюцца чырвоны й чорны.

Падчас пасьпяховых выступаў клюбу ў 1950-х гадох «Ніцца» была аднымі зь першых францускіх клюбаў, у якім пасьпяхова выступалі замежныя гульцы. Сярод вядомых гульцоў тых часоў былі аргентынцы Эктар дэ Бургаін і Панча Гансалес, люксэмбуржац Віктар Нюрэнбэрг, швэд Янэ Гэстакук і гішпанец Хаакін Вальле. Вальле, акрамя таго, зьяўляецца найлепшым бамбардзірам клюбу ўсіх часоў і найвялікшым гульцом клюбу^[2].

Гісторыя

Гімнастычны клюб «Ніцца» быў заснаваны ў жылым раёне Ле Бамэт 9 ліпеня 1904 году маркізам дэ Масэнжы д’Азакам, які служыў у якасьці прэзыдэнта спартовай фэдэрацыі рэгіёну Прыморскія Альпы. Клюб быў сканцэнтраваны галоўным чынам на гімнастыцы й лёгкай атлетыцы. 6 ліпеня 1908 году ў спробе застацца філіялам спартовай фэдэрацыі рэгіёну прыморскія Альпы й, таксама, далучыцца да аматарскай фэдэрацыі футболу Францыі, гімнастычны клюб «Ніцца» быў падзелены на дзьве сэкцыі. Новая сэкцыя спарадзіла стварэньне футбольнага клюбу, які пасьля двух сэзонаў аб’яднаўся з гімнастычным клюбам. 20 верасьня 1919 году «Ніцца» зьлілася зь мясцовым клюбам Gallia Football Athlétic Club, пасьля чаго былі прынятыя традыцыйныя клюбныя колеры на сёньня — чырвоны й чорны. У 1920 годзе клюб гуляў у адной з рэгіянальных лігаў Францускай фэдэрацыі футболу. Падчас гэтых гульняў акрэсьлілася суперніцтва з клюбамі «Канны» й «Марсэлем». Дэрбі паміж «Ніццай» і «Каннамі» атрымала назоў Дэрбі дэ-ля-Кот д’Азур. 22 сьнежня 1924 году клюб зьмяніў сваю назву на Olympique Gymnaste Club de Nice.

У ліпені 1930 году Нацыянальная рада Фэдэрацыі футболу Францыі прагаласавала ў падтрымку прафэсіяналізму ў францускім футболе. «Ніцца», разам з большасьцю клюбаў з поўдня, была адным зь першых клюбаў, якія прынялі новы статут, а пасьля стаў чальцом-заснавальнікамі новай лігі. У першым сэзоне лігі «Ніцца» скончыла сэзон на сёмым месцы ў сваёй групе. У наступным сэзоне «Ніцца» фінішавала 13-й і вылецела з розыгрышу. На наступны сэзон клюб вярнуўся ў элітны дывізіён. У 1939 годзе прафэсійны футбол у Францыі быў адменены з-за пачатку Другой сусьветнай вайны. Нягледзячы на гэта, «Ніцца» працягвала гуляць у футбольных аматарскіх лігах падчас вайны.

Стадыён

«Ніцца» праводзіла свае хатнія матчы на муніцыпальным стадыёне «Стад дзю Рэй». Аднак афіцыйнай назвай стадыёну ёсьць «Стад Лео-Лянгранж», названы ў францускага палітыка, які займаў пасаду памочніка дзяржаўнага сакратара па спорце. «Стад дзю Рэй» перанёс мноства рэканструкцыяў, апошняя зь якіх была скончана ў 1997 годзе, і мае магутнасьць у 17 415 чалавек. Стадыён карыстаўся папулярнасьцю ў заўзятараў за тое, што разьмешчана ў цэнтры гораду, але пакутуе ад сваёй старой інфраструктуры й малой магутнасьці, бо гарадзкая аглямэрацыя Ніццы налічвае больш за 1 млн жыхароў.

«Ніцца» пачала спрабаваць будаўніцтва новага стадыёну ў 2002 годзе. У сваёй першай спробе, клюб быў рэзка скрытыкаваны з боку мясцовых палітыкаў, якія паставілі пад сумнёў карыснасьць і фармат стадыёну. Будаўніцтва «Альянц Рывіера» пачалося ў 2011 годзе й было завершана ў 2013 годзе.

Дасягненьні

Чэмпіён Францыі (4): 1951, 1952, 1956, 1959
Уладальнікі Кубка Францыі (3): 1952, 1954, 1997

Склад

Актуальны на 13 верасьня 2024 году

№	Пазыцыя	Імя	Год нараджэньня
1	Бр	Марцін Булка	1999
2	Аб	Алі Абдзі	1993
4	Аб	Дантэ (капітан)	1983
5	Аб	Магамэд Абдэльманэм	1999
6	ПА	Ішам Будаўі	1999
7	Нап	Жэрэмі Бага	1997
8	ПА	Паблё Расарыё	1997
9	Нап	Тэрэм Мофі	1999
10	Нап	Сафіян Дыёп	2000
11	ПА	Марган Сансон	1994
15	Нап	Юсуфа Мукако (ар. Барусія Д.)	2004
18	ПА	Рарэш Іліе	2003
19	Нап	Бадрэдын Буанані	2004
22	ПА	Тангі Ндамбэле	1996

№	Пазыцыя	Імя	Год нараджэньня
24	Нап	Гаэтан Ляборд	1994
25	Нап	Маамэд-Алі Шо	2004
26	Аб	Мэльвэн Бар	2000
29	Нап	Эван Гесан	2001
31	Бр	Максім Дзюпэ	1993
32	ПА	Том Люшэ	2003
33	Аб	Антуан Мэндзі	2004
44	Аб	Аміду Думбуя	2007
45	Нап	Віктар Аракпа	2006
55	ПА	Юсуф Ндаішымі	1998
64	Аб	Мойс Бамбіто	2000
77	Бр	Тэдзі Булендзі	2001
92	Аб	Жанатан Клёс	1992

Крыніцы

^ "New Nice stadium to be finished by 2013". ESPN.
^ "Joaquin Valle Benitez: 339 buts en 407 matchs avec le Gym". OGC Nice.

Вонкавыя спасылкі

Афіцыйны сайт

[1] "New Nice stadium to be finished by 2013". ESPN.

[2] "Joaquin Valle Benitez: 339 buts en 407 matchs avec le Gym". OGC Nice.

[1]

[2]