Манпэлье (футбольны клюб)

	Манпэлье
Поўная назва	Montpellier Hérault Sport Club
Заснаваны	1974
Горад	Манпэлье, Францыя
Стадыён	Стад дэ ля Масон; Умяшчальнасьць: 32 950
Кіраўнік	Ляран Нікален[d]
Галоўны трэнэр	Зумана Камара[d];
Чэмпіянат	Ліга 1
· 2023—2024	12 месца
	Галерэя здымкаў у Вікісховішчы; Афіцыйны сайт

«Манпэлье» (па-француску: Montpellier Hérault Sport Club) — францускі футбольны клюб з гораду Манпэлье, дэпартамэнту Эро. Заснаваны ў 1974 годзе ў выніку зьліцьця двух клюбаў «Montpellier-Littoral FC» і «AS Paillade». Чэмпіён Францыі (2012) і двухразовы ўладальнік Кубка Францыі. Хатняй арэнай з 1976 году зьяўляецца стадыён «Стад дэ ля Масон», які здольны зьмясьціць амаль 33 тысячы чалавек. Пасьля перамогі ў Кубку Францыі ў 1929 годзе, «Манпэлье» ў 1932 годзе прымаў удзел у першым сэзоне чэмпіянату Францыі па футболе разам зь дзевятнаццацю іншымі клюбамі. У 1974 годзе клюб быў набыты францускім прадпрымальнікам Люі Нікаленам, які зьяўляецца прэзыдэнтам і асноўным акцыянэрам клюбу й па сёньняшні дзень. Цяперашнюю назву каманда атрымала ў 1989 годзе, а да гэтага часу каманда называлася «Montpellier Paillade Sport Club».

За клюб у свае часы гулялі некалькі вядомых гульцоў, у першую чаргу Ляран Блян, які ў цяперашні час зьяўляецца галоўным трэнэрам зборнай Францыі па футболе. Блян таксама зьяўляецца найлепшым бамбардзірам клюбу ўсіх часоў. Эрык Кантана, Ражэ Міла й Карляс Вальдэрама таксама абаранялі колеры клюбу. У 2001 годзе «Манпэлье» стварыў жаночую футбольную каманду.

Гісторыя

Манпэлье быў заснаваны ў 1919 годзе пад назвай «Stade Olympique Montpelliérain» асацыяцыяй «Générale Sportive Montpelliéraine», якая складалася з заможных і амбіцыйных грамадзянаў Манпэлье. Стварэньне спартовага клюбу ў горадзе вялося з 1914 году, аднак, ідэя памерла з-за Першай сусьветнай вайны. Пасьля стварэньня спартовы клюб налічваў каманды па такім відам спорту як футбол, рэгбі, лёгкая атлетыка, тэніс і бокс. Штаб-кватэра клюбу знаходзіцца ў мясцовым кафэ. Празь некалькі месяцаў існаваньня футбольная каманда клюбу аб’ядналася зь іншым мясцовым клюбам «La Vie au Grand Air du Languedoc» (VGAL), які быў сфармаваны ў жніўні 1917 году й спэцыялізавалася выключна на футболе.

Пасьпяховае зьліцьцё з VGAL і набыцьцё гульцоў клюбу дазволіла «Манпэлье» лёгка адаптавацца ў спорце. Клюб у першыя гады свайго станаўленьня гуляў у лізе Division d'Honneur Sud-Est. У 1925 годзе клюб кіраваўся шатляндцам Вікторам Гібсанам. У тым жа годзе, «Манпэлье» перажыў унутраны крызіс пасьля таго, як Футбольная фэдэрацыя Францыі выявіла, што клюб быў вінаваты ў фінансавых злоўжываньнях. Прэзыдэнт клюбу быў адхілены ад футболу на пяць гадоў і «Манпэлье» быў паніжаны ў клясе. У выніку штрафы прывялі да сыходу шэрагу гульцоў. У рамках намаганьняў па аднаўленьні, клюб зьмяніў сваю назву на «Sports Olympiques Montpelliérains» і запрасіў шэраг новых гульцоў, у першую чаргу Браніслава Секуліча, Ражэра Ральё й трох братоў Крамэраў са Швайцарыі. Працэс аднаўленьня быў неадкладны, клюб адразу ж вярнуўся ў лігу пасьля аднаго сэзону. У 1929 годзе клюб выйграў свой першы буйны трафэй, Кубак Францыі. У фінальнай гульні супраць клюбу «Сэт» каманда дамаглася перамогі зь лікам 2:0, галы ў той сустрэчы забілі Агюст Крамэр і Эдмон Крамэр.

Дасягненьні

Чэмпіён Францыі: 2012
Уладальнікі Кубка Францыі: 1929, 1990

Склад

Актуальны на 15 лютага 2025 году

№	Пазыцыя	Імя	Год нараджэньня
1	Бр	Бэльмін Дыздаравіч	2001
2	Аб	Бамо Мэйтэ (ар. Марсэль)	2001
3	Аб	Ісыяга Сыльля	1994
4	Аб	Бубакар Куятэ	1997
5	Аб	Мадыбо Саньян	1999
6	Аб	Крыстафэр Жульен	1993
9	Нап	Андзі Дэлёр (ар. МК Альжыр)	1991
10	Нап	Вагбі Хазры	1991
11	ПА	Тэжы Саванье	1991
12	ПА	Жардан Фэры	1992
13	ПА	Жарыс Шатар	2001
14	Нап	Атман Маама	2005
16	Бр	Дымітры Бэрто	1998

№	Пазыцыя	Імя	Год нараджэньня
17	Аб	Тэо Сэнт-Люк	1998
18	ПА	Нікаля Пэі	2003
19	ПА	Рабі Нзынгуля (ар. Страсбург)	2005
21	Аб	Люка Мінкарэльлі	2004
22	ПА	Каліль Фаяд	2004
27	Аб	Бэчыр Амэрагіч	2002
28	Нап	Глен Нгасо	2004
29	Аб	Энзо Чато	2002
40	Бр	Бэнжамэн Лякомт (капітан)	1991
52	Аб	Нікала Максімавіч	1991
70	Нап	Тангі Кулібалі	2001
77	Аб	Фаляй Сако	1995