Асіпавічы (футбольны клюб)
Гэтая назва мае некалькі сэнсаў. Калі вас цікавяць іншыя сэнсы, глядзіце таксама Асіпавічы (неадназначнасьць), Асіповічы (неадназначнасьць).
| Асіпавічы | |
 | |
| Поўная назва | па-беларуску: Асіповічы |
|---|---|
| Заснаваны | 1994 |
| Горад | Асіпавічы, Беларусь |
| Стадыён | Юнацтва Умяшчальнасьць: 2500 |
| Галоўны трэнэр | |
| Чэмпіянат | Першая ліга |
| · 2025 | 17 месца |
«Асіпавічы» — беларускі футбольны клюб з гораду Асіпавічаў. Заснаваны ў 1994 годзе. У 1999 годзе клюб выступаў у Найвышэйшай лізе, дзе заняў 15 месца і апусьціўся ў Першую лігу. У 2003 годзе каманда пад ужо сучаснай назвай трапіла ў Другую лігу, дзе і праводзіла большую частку сваёй гісторыі. У 2022 годзе зноўку павярнулася ў Першую лігу.
Гісторыя
[рэдагаваць | рэдагаваць код]Клюб быў заснаваны ў 1994 годзе і першапачаткова меў назву КРЗ, пазьней у 1996 годзе атрымаў назву «Сьвіслач-Дах». У 1998 годзе клюб выйшаў у Першую лігу, а на наступны год дэбютаваў у Найвышэйшай лізе. Выступ у найвышэйшым дывізіёне, аднак, быў нядоўгім, то бок клюб заняў апошняе месца і апусьціўся назад у Першую лігу. Найлепшымі бамбардзірамі той каманды былі Сяргей Крот, Ігар Паркулевіч і Максім Самушчык, кожны зь якіх запісаў 4 галы на свой рахунак у чэмпіянаце. «Сьвіслач-Дах» у тым сэзоне двойчы вырагуляў «Маладэчна», а таксама здабыў перамогі над «Тарпэда-Кадзіна» і «Лідай». Праз тры гады ўвогуле апынуўся ў Другой лізе. З 2002 году клюб мае сучасную назву.
У сэзоне 2016 году, пасьля доўгіх безвыніковых гадоў у трэцім дывізіёне, «Асіпавічы» сталіся адным з асноўных прэтэндэнтаў на павышэньне ў клясе. Каманда амаль увесь сэзон трымала другое месца ў табліцы і, не зважаючы на няўдалы фініш, здолела захаваць яго паводле вынікаў чэмпіянату і прасунуцца ў Першую лігу. Па вяртаньні ў другі дывізіён дружына з пачатку турніру апынулася ў зоне вылету. У другой палове сэзону «Асіпавічы» замацаваліся на перадапошнім месцы і, не зважаючы на барацьбу да апошняга тура, выбылі ў Другую лігу. У сэзоне 2018 году ў Другой лізе каманда месьцілася ў верхняй частцы табліцы, але не прэтэндавала на прызавыя месцы, і скончыла сэзон на шостым радку. Сытуацыя захавалася і ў сэзоне 2019 году, калі «Асіпавічы» сталі восьмымі.
Паводле вынікаў сэзону 2021 году асіпавіцкі клюб скончыў першынство на пятымі радку і ў пачатку 2021 году атрымалі прапанову заявіцца ў Першую лігу замест камандаў, якія адмовіліся ад удзелу, аднак у сакавіку 2021 году клюб вырашыў працягнуць свае выступы ў Другой лізе[2]. «Асіпавічы» выйшлі ў плэй-оф Другой лігі, дзе ў выніку занялі чацьвертае месца ў атрымалі месца ў Першай лізе. У сэзоне 2022 году ў Першай лізе клюб быў сярод аўтсайдэраў, аднак за некалькі тураў да фінішу здолеў пакінуць апошні радок і фінішаваць на 12 месцы перад «Баранавічамі».
Склад
[рэдагаваць | рэдагаваць код]- Актуальны на 3 верасьня 2026 году
|
|
.svg){kind=small}
Статыстыка
[рэдагаваць | рэдагаваць код]| Сэзон | Ліга | Месца | Г | В | Н | П | РМ | Пкт | Кубак |
|---|---|---|---|---|---|---|---|---|---|
| 2012 | Другая | 18 | 36 | 8 | 9 | 19 | 47–74 | 33 | 1/32 |
| 2013 | Другая | 9 | 24 | 5 | 8 | 11 | 28–35 | 23 | 1/32 |
| 2014 | Другая | 11 | 24 | 9 | 6 | 9 | 32–33 | 33 | 1/64 |
| 2015 | Другая | 8 | 26 | 12 | 1 | 13 | 48–45 | 37 | 1/32 |
| 2016 | Другая | 2 ▲ | 24 | 13 | 6 | 5 | 50–29 | 45 | 1/32 |
| 2017 | Першая | 15 ▼ | 30 | 6 | 7 | 17 | 30–62 | 25 | 1/32 |
| 2018 | Другая | 6 | 28 | 11 | 7 | 10 | 51–42 | 40 | 1/32 |
| 2019 | Другая | 8 | 28 | 10 | 5 | 13 | 32–48 | 35 | 1/32 |
| 2020 | Другая — група Б | 3 | 20 | 12 | 1 | 7 | 44–35 | 37 | 1/32 |
| Другая — фінальны этап | 5 | 10 | 3 | 0 | 7 | 14–27 | 9 | ||
| 2021 | Другая — Магілёўскі | 2 | 18 | 12 | 3 | 3 | 60–16 | 39 | 1/32 |
| Другая — плэй-оф | 4 ▲ | 7 | 3 | 2 | 2 | 12–12 | |||
| 2022 | Першая | 12 | 24 | 3 | 4 | 17 | 21–53 | 13 | 1/16 |
| 2023 | Першая | 17 ▼ | 32 | 1 | 2 | 29 | 21–85 | 5 | 1/8 |
| 2024 | Другая — Магілёўскі | 1 | 18 | 18 | 0 | 0 | 102–9 | 54 | 1/32 |
| Другая — плэй-оф (Група Г) | 3 ▲ | 3 | 1 | 1 | 1 | 4–4 | 4 | ||
| 2025 | Першая | 17 | 34 | 6 | 6 | 22 | 41–78 | 24 | 1/16 |
Галоўныя трэнэры
[рэдагаваць | рэдагаваць код]- Аляксандар Кавалеўскі (з 2019 году)
- Вадзім Чэчат (верасень — сьнежань 2018 году)[3]
- Канстанцін Чахаў (ліпень — верасень 2018 году)[4]
- Дзяніс Дрыгалёў (красавік 2017 году — ліпень 2018 году)[5]
- Аляксандар Кончыц (да 2016 году)
Крыніцы
[рэдагаваць | рэдагаваць код]- ↑ https://football.by/news/214074
- ↑ "Осиповичи" заявили, что не пойдут в первую лигу (рас.). Football.by
- ↑ Вторая лига. 24 тур. Брожение в райцентрах(недаступная спасылка)
- ↑ «Осиповичи» возглавил Константин Чахов (рас.)
- ↑ Дригалев стал играющим главным тренером «Осиповичей» (рас.)