Сьлёнск Уроцлаў

Сьлёнск Уроцлаў
Поўная назва	па-польску: Wrocławski Klub Sportowy Śląsk Wrocław Spółka Akcyjna
Заснаваны	1947
Горад	Уроцлаў, Польшча
Стадыён	Гарадзкі Умяшчальнасьць: 45 105
Галоўны трэнэр	Яцак Магера[d]
Чэмпіянат	Экстракляса
· 2023—2024	2 месца
Галерэя здымкаў у Вікісховішчы slaskwroclaw.pl (пол.)

«Сьлёнск» (па-польску: Śląsk) — польскі футбольны клюб з гораду Ўроцлава. Заснаваны ў 1947 годзе. Двухразовы чэмпіён Польшчы, двухразовы ўладальнік Кубка Польшчы. Хатнія матчы клюб ладзіць на Гарадзкім стадыёне, які здольны зьмясьціць каля 45 тысяч заўзятараў. Гэты стадыён прымаў матчы чэмпіянату Эўропы 2012 году. Раней «Сьлёнск» свае хатнія матчы гуляў на Алімпійскім стадыёне, а таксама стадыёне Апароўская.

Гісторыя

У 1946 годзе зь Пярэмышлю ва Ўроцлаў была пераведзеная афіцэрская школа сапэраў. Пры ёй у сакавіку 1946 году паўстаў спартовы клюб «Піянэр». У закладзеным клюбе зьявіліся сэкцыі па футболе, хакеі, боксе і веславаньню. «Піянэр» узяў удзел у розыгрышы клясы Б Ніжнясылескае лігі. У першы ж сэзон 1946—1947 гадоў клюб здабыў перамогу і ўзвысіўся ў клясу А. У 1947 годзе да гораду з Кракава пераехала афіцэрская школа пяхоты №1, пры якой быў утвораны свой спартовы клюб. Неўзабаве ў тым жа 1947 годзе абодва клюбы аб’ядналіся. Каманда працягнула выступы ў Ніжнесылескае лізе пад назвай «Піянэр», але ў красавіку 1949 году клюб зьмяніў назоў на «Легія».

Сэзон 1950—1951 гадоў дружына як звычайна пачала ў Ніжнясылескае лізе, але на пачатку 1951 году ўжо да спаборніцтваў не вярнулася, бо далучылася да Другой лігі чэмпіянату Польшчы, якая тады ладзілася паводле сыстэмы вясна—восень. Зьмяніўшы чэмпіянат, клюб зьмяніў і назву, стаўшы ОВКС, які з польскае мовы перакладалася як Спартовы акруговы вайсковы клюб. Уроцлаўцы паводле выніку дэбютнага першынства адразу страцілі месца ў Другой лізе і былі пераведзеныя ў Трэцюю лігу. У 1956 годзе ОВКС здабыў перамогу ў лізе і вярнуўся ў Другую лігу, зноўку зьмяніўшы назву на «Сьлёнск».

Па вяртаньні гульцы каманды правялі неблагі сэзон, але прасунуцца вышэй ім зашкодзіла быдгашчанская «Палёнія». «Сьлёнск» у тым сэзоне меў найлепшую абарону ў Другой лізе. У наступным сэзоне каманда таксама змагаліся за прасоўваньне, але задача выглядала складанай праз наяўнасьць сярод супернікаў шчэцінскай «Погані» і познанскага «Леху». Клюб зноўку фінішаваў другім па-за месцам прасоўваньня, як і год таму. Уроцлаўцы ў той сэзон забілі найбольшую колькасьць галоў ва ўсёй лізе — ажно 56. У той час каманда перамагла познанскую «Варту» зь лікам 8:0. У наступныя гады вынікі пагоршыліся, і каманда за звычай сканчавала сэзон у сярэдзіне табліцы. Сэзон 1963—1964 гадоў апынуўся гістарычным для ўроцлаўскага клюбу. У выдатным стылі «Сьлёнск» упершыню ў гісторыі прабіўся ў найвышэйшы дывізіён Польшчы. У 30 матчах дружына зьведала паразу толькі тройчы, але 19 разоў здабывала перамогу.

Склад

Актуальны на 19 верасьня 2024 году

№ Пазыцыя Імя Год нараджэньня 1 Бр Томаш Лёска 1996 2 Аб Аляксандар Палюшак 2001 3 Аб Сэрафін Шота 1999 4 Аб Лукаш Бэйгер 2002 5 Аб Алекс Петкаў (капітан) 1999 6 Аб Лукаш Герстэнштайн 2004 7 Нап Пётар Самец-Таляр 2001 9 Нап Жуніёр Эямба 2001 11 Нап Сэбастыян Мусёлік 1996 12 Бр Рафал Ляшчынскі 1992 13 Аб Кшыштаф Куроўскі 2006 14 Аб Матэвуш Барталеўскі 1998 15 Аб Аляксандар Гаўрыленка 2006 16 ПА Пэтар Пакорны 2001 17 ПА Пэтар Шварц 1991 18 ПА Зыман Шырак 2005

№ Пазыцыя Імя Год нараджэньня 19 Нап Арнаў Артыс 2001 20 ПА Аляксандар Воўчак 2005 21 ПА Тудар Бэлуцэ 1999 22 Аб Матэвуш Жукоўскі 2001 26 Нап Бурак Інджэ 2004 27 ПА Філіп Рэйчык 2006 29 ПА Якуб Язерскі 2004 30 Бр Барташ Глагоўскі 2005 33 Аб Ягор Мацэнка 2002 44 Бр Губэрт Сьлічняк 2007 70 Нап Якуб Сьверчак 1992 77 ПА Марцін Цэбуля 1995 78 Аб Тамаза Гуэрча 2005 87 Аб Сімеон Петраў 2000 — Аб Конрад Паправа 1998

Вонкавыя спасылкі

• Афіцыйны сайт