Перайсьці да зьместу

Гурнік Забжэ

Зьвесткі зь Вікіпэдыі — вольнай энцыкляпэдыі
Гурнік Забжэ
Поўная назва па-польску: Górnik Zabrze Spółka Akcyjna[1][2]
Заснаваны 1948
Горад Забжэ, Польшча
Стадыён Эрнэст Поль
Умяшчальнасьць: 24 563
Галоўны трэнэр
Чэмпіянат Экстракляса
 · 2023—2024 6 месца
Галерэя здымкаў у Вікісховішчы
gornikzabrze.pl (пол.)

«Гу́рнік» (па-польску: Górnik) — польскі футбольны клюб з гораду Забжэ. Заснаваны ў 1948 годзе. 14-разовы чэмпіён Польшчы, шасьціразовы ўладальнік Кубка Польшчы, што робіць яго адным з самых пасьпяховых футбольных клюбаў краіны. Клюб быў дамінуючай сілай у мясцовым футболе ў 1960-х і 1980-х гадох, дасягнуўшы ў сэзоне 1969—1970 гадоў фіналу Кубка ўладальнікаў кубкаў. «Гурнік» ёсьць рэкардсмэнам паводле колькасьць здабытых запар тытулаў чэмпіёну Польшчы, маючы 5 трафэяў у адным шэрагу. Клюбная дружына выступае ў белых або цёмнасініх і чырвоных колерах. Хатнія матчы праводзіць на стадыёне імя Эрнэста Поля, які апошнім часам зьведаў буйную перабудову. Асноўным супернікам клюбу ёсьць клюб «Рух» з суседняга места Хожава.

Гісторыя[рэдагаваць | рэдагаваць крыніцу]

Клюб быў закладзены ў 1948 годзе пасьля таго як некалькіх невялікіх спартовых аб’яднаньняў, як то «Зьедначэне», «Скра» і «Канкордыя», пастанавілі зьяднаць свае высілкі, утварыўшы адзіны клюб, які атрымаў назву «Гурнік». Назва адсылае да шахтароў, бо Забжэ заўсёды быў важным вугальным цэнтрам. У 1950 годзе «Гурнік» далучыўся да рэгіянальнай лігі Аполе—Сылезіі. У 1952 годзе клюб далучыўся да агульнапольскага першынства, увайшоўшы да складу ўдзельнікаў другога дывізіёну. Сваю першую сустрэчы ў новым турніры забжаўцы згулялі супраць чанстахоўскай «Скры». Сьведкамі таго, як «Гурнік» здабыў перамогу зь лікам 5:1, сталі 20 тысяч гледачоў. Увесь сэзон агулам склаўся для сылесцаў добра, бо каманда фінішавала на 2 радку, прапусьціўшы наперад толькі валбжыскі «Гурнік».

У элітны дывізіён гарнякі трапілі ў 1955 годзе. У сваім першым матчы на найвышэйшым узроўні «Гурнік» выгуляў сваіх суседзяў з хожаўскага «Руху» зь лікам 3:1. На матчы прысутнічалі 25 тысяч заўзятараў. Дэбютны сэзон скончыўся для клюбу шостым месцам. У 1957 годзе, усяго праз год па прасоўваньні, забжаўцы здабылі тытул чэмпіёнаў Польшчы. У наступных сэзонах клюб амаль штогод здабываў мэдалі і тытулы, а яскравымі гульцамі дружыны таго часу былі Эрнэст Поль, Станіслаў Асьлізла і Губэрт Костка. У 1961 годзе «Гурнік» дэбютаваў у Кубку эўрапейскіх чэмпіёнаў, дзе сустрэўся з ангельскім «Тотэнгэм Готспурам».

Квіток з матчу «Манчэстэр Сіці»—«Гурнік» у розыгрышы Кубка ўладальнікаў кубкаў 1970—1971 гадоў.

Свой наступны тытул чэмпіянаў краіны клюб здабыў у 1963 годзе, заклаўшы пачатак моцнай чарады перамог. «Гурнік» па чэмпіёнстве чатыры разы запар пасьпяхова абараняў свой тытул, усталяваўшы рэкорд Польшчы. Найбольшага посьпеху сылесцы здабылі ў эўрапейскім футболе ў сэзоне 1969—1970 гадоў. Праз тое, што за сэзон да гэтага «Гурнік» заняў другое месца ўсьлед за варшаўскай «Легіяй», каманда брала ўдзел у розыгрышы Кубка УЭФА. Забжаўцы перамаглі ўсіх сваіх супернікаў, як то «Алімпіякос», «Рэйнджарз», «Леўскі» і «Рома», дасягнуўшы фіналу, які ладзіўся ў Вене. Яшчэ ў першым тайме «Манчэстэр Сіці» атрымаў перавагу ў ліку, двойчы ўлучыўшы мяч у браму палякаў. Пасьля перапынку Асьлізла здолеў скараціць лік толькі на адзін гол. У наступным сэзоне «Гурнік» яшчэ раз сустрэўся з «Манчэстэр Сіці», але гэтым разам у чвэрцьфінале Кубка ўладальнікаў кубкаў.

У сярэдзіне 1970-х гадоў выніку «Гурніка» пагоршыліся, а паводле вынікаў сэзону 1977—1978 гадоў забжаўцы страцілі месца ў элітным дывізіёне.

Склад[рэдагаваць | рэдагаваць крыніцу]

Актуальны на 10 лютага 2024 году
Пазыцыя Імя Год нараджэньня
1 Сьцяг Польшчы Бр Даніель Бяліца 1999
2 Сьцяг Славаччыны Аб Борыс Сэкуліч 1991
5 Сьцяг Польшчы Аб Крысьпін Шчэсьняк 2001
6 Сьцяг Польшчы ПА Даміян Расак 1996
7 Сьцяг Славаччыны Нап Адрыян Капралік (ар. Жыліна) 2002
8 Сьцяг Гішпаніі ПА Даніель Пачэка 1991
9 Сьцяг Польшчы Нап Сэбастыян Мусёлік 1996
10 Сьцяг Нямеччыны Нап Лукаш Падольскі 1985
11 Сьцяг Нямеччыны Нап Лоўрэнс Эналі 2002
13 Сьцяг Грэцыі Аб Костас Трыянтафілёпуляс 1993
16 Сьцяг Польшчы Нап Павал Алькоўскі 1990
17 Сьцяг Польшчы Нап Каміль Люкошак 2002
19 Сьцяг Польшчы Аб Норбэрт Барчак 2005
Пазыцыя Імя Год нараджэньня
21 Сьцяг Польшчы Нап Пётар Краўчык 1994
24 Сьцяг Польшчы Нап Кшыштаф Калянка 2006
25 Сьцяг Славаччыны Аб Міхал Сіпляк 1996
26 Сьцяг Польшчы Аб Рафал Яніцкі 1992
27 Сьцяг Польшчы Аб Дамінік Шаля 2006
29 Сьцяг Польшчы ПА Кацпэр Цапыга 2005
31 Сьцяг Польшчы Бр Матэвуш Елень 2007
32 Сьцяг Партугаліі ПА Філіпэ Нашымэнту 1995
32 Сьцяг Польшчы Бр Міхал Шромнік 1993
35 Сьцяг Польшчы Бр Каміль Сабэрка 2006
41 Сьцяг Японіі Нап Сайсіра Козукі (ар. Шальке-04) 2000
55 Сьцяг Польшчы ПА Шыман Чыж (ар. Ракаў) 2001
64 Сьцяг Славеніі Аб Эрык Янжа (капітан) 1993

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]