Паповагорскі раён: розьніца паміж вэрсіямі

	Краснагорскі раён
	Красногорский район
Агульныя зьвесткі
Краіна	Расея
Статус	раён
Уваходзіць у	Бранскую вобласьць
Адміністрацыйны цэнтар	Красная Гара
Дата ўтварэньня	1929
Насельніцтва	16 000
Плошча	1120 км²
Месцазнаходжаньне Краснагорскага раёну
Мэдыя-зьвесткі
Часавы пас	UTC +3
Тэлефонны код	+7 48346
Код аўтам. нумароў	32
	Афіцыйны сайт
	Дадатковыя мультымэдыйныя матэрыялы

Інтэрактыўны прагляд гісторыі

← Папярэдняя зьмена Наступная зьмена →

Вэрсія ад 22:19, 10 сакавіка 2019

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Краснагорскі раён.

Краснаго́рскі раён — адміністрацыйна-тэрытарыяльная адзінка на захадзе Бранскай вобласьці Расеі. Адміністрацыйны цэнтар — мястэчка Красная Гара.

Геаграфія

Плошча раёну — 1120 км². Раён разьмешчаны на захадзе Бранскай вобласьці.

Мяжуе:

на поўначы з Касьцюковіцкім і Краснапольскім раёнамі Магілёўскай вобласьці Беларусі;
на захадзе з Чачэрскім і Веткаўскім раёнамі Гомельскай вобласьці Беларусі;
на ўсходзе з Гардзееўскім раёнам Бранскай вобласьці;
на поўдні з Навазыбкаўскім раёнам Бранскай вобласьці.

Асноўныя рэкі — Бесядзь, Віхолка.

Экалёгія

Краснагорскі раён — адзін з найбольш пацярпелых ад аварыі на Чарнобыльскай АЭС і радыёактыўных ападкаў у наступныя дні пасьля катастрофы. Чатыры населеныя пункты раёну — Барсукі, Князяўшчына, Прагрэс і Ніжні Млын былі ўлучаныя ў зону адчужэньня. Шматлікія населеныя пункты раёну былі аднесеныя да зоны адсяленьня і зоне з правам на адсяленьне. Максымальнае разьліковае значэньне радыяцыйнага забруджваньня — 9,4 мзв/год — адзначана ў мястэчку Забор’е.^[1]

Гісторыя

У 1929 годзе, з фармаваньнем раённага дзяленьня, Краснагорская воласьць была скасаваная, а на яе тэрытарыяльнай аснове сфармаваны Краснагорскі раён Клінцоўскай акругі Заходняй вобласьці. 5 ліпеня 1944 году ўказам Прэзыдыюму Вярхоўнага савету СССР была ўтвораная Бранская вобласьць, у склад якой, нароўні зь іншымі, быў улучаны і Краснагорскі раён. У 1963 годзе раён быў скасаваны, у 1966 годзе — адноўлены. У 2004 годзе ў сувязі з працяглай эканамічнай стагнацыяй каля 5 тыс. чал. насельніцтва раёну (г. зн. прыкладна палова насельніцтва тагачаснага раёну) сабрало подпісы на карысьць пераходу тэрыторыі раёну ў склад Рэспублікі Беларусь^[2].

Дэмаграфія

Насельніцтва раёну складае 16,1 тыс. чалавек. Усяго налічваецца 53 населеныя пункты.

Адміністрацыйна-тэрытарыяльны падзел

Па муніцыпальнай рэформе (2005) у раёне маецца 1 мескае і 6 сельскіх паселішчаў:

Мескае паселішча:

Краснагорскае мескае паселішча

Сельскія паселішчы:

Эканоміка

Сыраробны завод у мяст. Красная Гара

Транспарт

Маршрут 540 «Красная Гара — Бранск».

Славутасьці

Гарадзішча ў мяст. Красная Гара.
Курганы радзімічаў у мяст. Красная Гара.
Царква Раства Хрыстова ў с. Калюды.
Вятрак у в. Марозаўка.
Царква Покрыва Прасьв. Багародзіцы ў с. Медзьведзі.
Царква Покрыва Прасьв. Багародзіцы ў с. Ялоўка.

Асобы

Васіль Арсеньцевіч Цымбаліст — заслужаны вынаходнік Расеі, нарадзіўся 20 траўня 1935 году ў в. Рубаны Краснагорскага раёну Бранскай вобласьці ў вялікай сялянскай сям’і