Садкаўшчына

Садкаўшчына
трансьліт. Sadkaŭščyna
Краіна:	Беларусь
Вобласьць:	Менская
Раён:	Койданаўскі
Сельсавет:	Бараўскі
Насельніцтва:	4 чал. (2010)
Часавы пас:	UTC+3
Тэлефонны код:	+375 1716
Нумарны знак:	5
Геаграфічныя каардынаты:	53°41′52″ пн. ш. 27°4′3″ у. д.
Садкаўшчына на мапе Беларусі ± Садкаўшчына Садкаўшчына

Са́дкаўшчына — вёска ў Бараўскім сельсавеце Койданаўскага раёну Менскай вобласьці Беларусі. За 5 км ад Койданава, 52 км ад Менску, 8 км ад чыгуначнай станцыі Койданава.

Гісторыя

У пачатку XX стагодзьдзя ў Койданаўскай воласьці Менскага павету, 11 двароў, 76 жыхароў. У 1909 г. вёска, 6 двароў, 26 жыхароў, фальварак, 1 двор, 14 жыхароў. Раніцай 2 лютага 1943 г. карны атрад паліцаяў з Койданава раптоўна акружыў з усіх бакоў вёску, сагнаў яе 96 жыхароў у вялікае гумно на ўскраіне, што з боку Койданава. Адна жыхарка вёскі, бачачы аблаву, хуценька сабрала сваіх і чужых дзяцей, якіх змагла знайсьці, усяго 8 чалавек, і адправіла ў хмызьняк у бок в. Дзягільна. Гэта і выратавала іх. Паліцаі абклалі гумно саломай, аблілі яго газай і падпалілі. Пасьля вайны вёска была адноўлена. У 1957 г. на магіле ахвяр фашызму пастаўлены помнік-стэла з надпісам: «Здесь похоронено 96 человек советских граждан деревни Садковщина, зверски замученных 2 февраля 1943 г. немецкими захватчиками».

Насельніцтва

• 20 стагодзьдзе: 1996 год — 11 двароў, 18 жыхароў; 1999 год — 11 жыхароў
• 21 стагодзьдзе: 1 студзеня 2004 году — 4 двары, 4 жыхары; 2010 год — 4 жыхары

Літаратура

• Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.