Кэрлінг

Зьвесткі зь Вікіпэдыі — вольнай энцыкляпэдыі
кэрлінг
12-01-20-yog-674.jpg
від спорту
Падкляса адзімовы від спорту, камандны від спорту, лядовы спорт, алімпійскі від спорту Рэдагаваць
Выканаўчы органСусьветная кэрлінгавая фэдэрацыя Рэдагаваць
Кляса спаборніцтваўмужчынскі кэрлінг, жаночы кэрлінг Рэдагаваць
Краіна паходжаньняШатляндыя Рэдагаваць
Афіцыйны вэб-сайтhttp://www.worldcurling.org Рэдагаваць
Практыкуеццакэрлер Рэдагаваць
Выкарыстоўваекэрлінгавы камень, кэрлінгавая шчотка, кэрлінгавая пляцоўка, лёд Рэдагаваць
Спаборніцтвы па кёрлінгу

Кэ́рлінг (па-ангельску: curling) — зімовы алімпійскі від спорту, гульня на лёдзе паміж дзьвюма камандамі, мэта якой разьмясьціць цяжкую гранітную шайбу (камень) бліжэй да цэлі, чым шайба каманды-суперніка.

Гульня зарадзілася ў XVI стагодзьдзі ў Шатляндыі. Гранітныя шайбы важаць 19,96 кг[1]. Па сваім прынцыпе гульня падобная на боўлінг на траве. У кэрлінг гуляюць дзьве каманды па чатыры гульцы, якія па чарзе кідаюць гладкія адпаліраваныя гранітныя шайбы па ледзяной дарожцы ў напрамку да цэлі, адзначанай на дарожцы канцэнтрычнымі коламі. Два гульцы дапамагаюць накіраваць шайбу ў патрэбную кропку з дапамогай адмысловых шчотак, якімі яны націраюць лёд у напрамку руху шайбы. Гульня дзеліцца на энды, у кожным зь якіх камандам налічваюцца ачкі, у залежнасьці ад таго, колькі сваіх шайбаў апынуліся бліжэй да цэлі, чым бліжэйшая шайба каманды-суперніка. Гульня складаная, як тэхнічна, так і стратэгічна.

Кэрлінг уваходзіць у праграму Алімпійскіх гульняў, пачынаючы з Алімпіяды 1998 году ў Нагана. У 2006 годзе Міжнародны алімпійскі камітэт прыняў рашэньне рэтраспэктыўна прызнаць афіцыйным спаборніцтвы па кэрлінгу, якія праводзіліся ў рамках Міжнароднага спартыўнага тыдню ў 1924. Падчас Алімпіяды 1932 таксама праводзіўся паказальны матч па кэрлінгу паміж камандамі ЗША й Канады.

Беларусь[рэдагаваць | рэдагаваць крыніцу]

У 1997 годзе беларуская дружына «Грэміа» выступіла на міжнародным Зутэрмерскім кубку ў Паўднёвай Галяндыі. 11 лютага 1997 году зацьвердзілі Статут Беларускай асацыяцыі кэрлінгу, які Міністэрства юстыцыі Беларусі ўлічыла 24 сакавіка за № 876. За 2013 год дарожкі для кэрлінга ў «Менск-Арэне» наведала каля 1700 чалавек. У 2013 годзе жаночая зборная Беларусі па кэрлінгу выйграла залатыя мэдалі ў групе Ц і выйшла ў групу Б. У сакавіку 2014 году Беларуская асацыяцыя кэрлінгу правяла на «Менск-Арэне» Адкрыты кубак Беларусі па кэрлінгу з удзелам 12 дружынаў. Па выніках трох спаборніцтваў уладальнікам куба стала дружына Аляксея Валашэнкі. На 2014 год у Менску налічвалася 8 прафэсійных дружынаў і звыш 30 спартоўцаў, якія ўстоліва бралі ўдзел у міжнародных спаборніцтвах. Беларускія спартоўцы выступалі на жаночых, мужчынскіх і мяшаных пяршынствах Эўропы. Беларуская асацыяцыя кэрлінгу ўступіла ў Сусьветны саюз кэрлінгу (Шатляндыя), ад якога атрымала гульнявыя камяні цаной па 500 эўра і канадзкую машыну падрыхтоўкі льду. Таксама праводзілі першынство Беларусі па кэрлінгу. У красавіку 2014 году прадстаўнікі Беларусі выступілі на першынстве сьвету ў Шатляндыі[1].

На канец 2020 году Беларуская асацыяцыя кэрлінгу налічвала 52 чалавекі на чале з Алегам Лаўрэнцьевым[2]. На «Менск-Арэне» дзейнічала школа кэрлінгу з групамі для дзяцей і дарослых, а таксама прафэсійнай групай[3].

Крыніцы[рэдагаваць | рэдагаваць крыніцу]

  1. ^ а б Дар’я Лабажэвіч. Шатляндзкія камяні на беларускім лёдзе // Зьвязда : газэта. — 28 сакавіка 2014. — № 57 (27667). — С. 12. — ISSN 1990-763x.
  2. ^ Інфармацыя(рас.) // Беларуская асацыяцыя кэрлінгу, 2021 г. Праверана 18 студзеня 2023 г.
  3. ^ Школа кэрлінгу(рас.) // Беларуская асацыяцыя кэрлінгу, 2021 г. Праверана 18 студзеня 2023 г.

Вонкавыя спасылкі[рэдагаваць | рэдагаваць крыніцу]