Дэпартыва Алявэс Віторыя

	Дэпартыва Алявэс
Поўная назва	Deportivo Alavés, S.A.D.
Заснаваны	23 студзеня 1921
Горад	Віторыя, Гішпанія
Стадыён	Мэндысароца(es); Умяшчальнасьць: 19 840
Кіраўнік	Хасэ Антоніё Керэхэта[d]
Галоўны трэнэр	Люіс Гарсія Пляса[d];
Чэмпіянат	Ля Ліга
· 2023—2024	10 месца
	Галерэя здымкаў у Вікісховішчы; deportivoalaves.com (гішп.) (баск.)

«Дэпарты́ва Алявэ́с» (па-гішпанску: Deportivo Alavés) — гішпанскі футбольны клюб з гораду Віторыі, сталіцы аўтаномнае супольнасьці Краіны Баскаў. Заснаваны ў 1921 годзе. «Алявэс» зьяўляецца трэцім самым пасьпяховым басконскім клюбам пасьля «Атлетыка» і «Рэал Сасьедаду». Фіналіст Кубка УЭФА 2001 году, калі ў свой дэбютны сэзон у эўрапескіх турнірах клюб здолеў дасьці ажно да фіналу, дзе саступіў «Лівэрпулу» зь лікам 5:4, прапусьціўшы залаты гол. Свае хатнія матчы клюб праводзіць на стадыёне Мэндысароца, які здольны зьмясьціць 19 840 гледачоў.

Гісторыя

Клюб быў заснаваны ў 1920 годзе і першапачаткова быў вядомы пад назовам «Сябры спорту», але 23 студзеня 1921 году назва была зьмененая на цяперашнюю^[1]. «Алявэс» стаў першым клюбам, які атрымаў падвышэньне з Сэгунды ў Ля Лігу паводле вынікаў сэзону 1929—1930 гадоў. Дэбютны сэзон у эліце атрымаўся няўдалым, бо клюб фінішаваў на 8 месцы з 10 удзельнікаў, усяго толькі на адзін пункт пераўзышоўшы дружыну, якая вылецела з дывізіёну^[2]. У сэзоне 1931—1932 гадоў клюб захаваў месца ў Ля Лізе, толькі дзякуючы вынікам асабістых матчаў з апошняй дружынай лігі. А ўжо паводле вынікаў наступнага сэзону баскі ня ўтрымаліся ад вылету з эліты. У наступныя гады калектыў гуляў у ніжэйшых лігах, працяглы час правёўшы ў тым ліку ў трэцім паводле моцы дывізіёне краіны.

Вяртаньне ў Лі Лігу адбылося толькі ў сэзоне 1953—1954 гадоў, якое, аднак, не было працяглым, бо клюб разьвітаўся з элітай пасьля другога сэзону. У 1960-х «Алявэс» паспусьціўся ў трэці дывізіён, а сэзон 1970—1971 гадоў нават правёў у рэгіянальнай лізе. Ачолены Раманам Галярагам, клюб дасягнуў доўгачаканага падвышэньня ў Сэгунду ў сэзоне 1973—1974 гадоў^[1]. У чэрвені 1983 году, пазьбегнуўшы вылету ў папярэднім сэзоне, «Алявэс» усё ж такі патрапіў у ніжэйшую Сэгунду Б, дзе заставаўся да кампаніі 1985—1986 гадоў^[3]. Пасьля некалькіх гадоў сур’ёзнага заняпаду, які доўжыўся да пачатку 1990-х гадоў, «Алявэс», нарэсьце, дамогся выхаду з гаротнага стану і цягам дзесяцігодзьдзя паступова падвышаўся ў лігавай сыстэме.

Пасьля перамогі ў Сэгундзе сэзону 1997—1998 гадоў^[4], басконскі клюб вярнуўся на найвышэйшы ўзровень пасьля 42-гадовага перапынку. Па вяртаньні, тым ня менш, клюб ледзьве зачапіўся за месца ў эліце, апярэдзіўшы клюб з зоны вылету на адзіны пункт. Але ў наступным сэзоне дружына сэнсацыйна двойчы перамагла «Барсэлёну», заняўшы ў выніку рэкордны для сябе 6 радок, што забясьпечыла клюбу месца ў Кубку УЭФА. Апроч завяршэньня чэмпіянату на 10-й пазыцыі, у сэзоне 2000—2001 гадоў басконскі клюб дасягнуў фіналу Кубка УЭФА, пасьлядоўна выгуляўшы «Інтэрнацыянале»^[5], «Раё Вальекана» і «Кайзэрсьляўтэрн», апошні зь якіх быў ушчэнт разгромлены з агульным лікам 9:2^[6]. Фінал скончыўся паразай ад «Лівэрпула» зь лікам 4:5. Пры гэтым, у асноўны час палтацы скончыліся ўнічыю 4:4, а перамогу ангельцам забясьпечыў залаты аўтагол Дэльфі Гелі. У матчы таксама былі паказаныя дзьве чырвоныя карткі і былі забітыя ў дадатак да 9 галоў яшчэ 2, які не былі залічаныя. Гульня лічыцца некаторымі аглядальнікамі як адна з найвялікшых гульняў у гісторыі кубка^[7].

Склад

Актуальны на 12 верасьня 2024 году

№	Пазыцыя	Імя	Год нараджэньня
1	Бр	Антоніё Сывэра (капітан)	1996
3	Аб	Ману Санчэс (ар. Сэльта)	2000
4	Аб	Аляксандар Сэдлар	1991
5	Аб	Абдэль Абкар	1999
6	ПА	Андэр Гевара	1997
7	Нап	Карляс Вісэнтэ	1999
8	ПА	Антоніё Блянка	2000
9	Нап	Асьер Вільялібрэ	1997
10	Нап	Тамас Канэчны	1998
11	Нап	Тоні Мартынэс	1997
12	Аб	Сант’яга Маўрыньнё	2002
13	Бр	Хэсус Авона	2001

№	Пазыцыя	Імя	Год нараджэньня
14	Аб	Наўэль Тэнальля	1996
15	Нап	Карляс Мартын (ар. Атлетыка)	2002
16	Аб	Уга Навоа	2003
17	Нап	Кіке	1989
18	ПА	Ён Гурыдзі	1995
19	Нап	Стоічкаў	1993
20	Нап	Люка Рамэра (ар. Мілян)	2004
21	Нап	Абдэ Рэбаш	1998
22	Аб	Муса Дыяра	2000
23	ПА	Карляс Бэнавідэс	1998
24	ПА	Жаан Жардан (ар. Сэвільля)	1994

Крыніцы

^ ^а ^б «La historia del Club». Alavés.
^ «Primera División, Temporada 1930/1931». Resultados Futbol.
^ «Historia del Deportivo Alavés»(недаступная спасылка). El Correo.
^ «Deportivo Alavés, S.A.D.» La Futbolteca.
^ «El Alavés incendia San Siro». El País.
^ «What the heck happened to Alaves after 2001?». FourFourTwo.
^ «The greatest matches of all time». The Daily Telegraph.

Вонкавыя спасылкі

Афіцыйны сайт (гішп.)

[deportivoalaves-1] а ^б «La historia del Club». Alavés.

[2] «Primera División, Temporada 1930/1931». Resultados Futbol.

[3] «Historia del Deportivo Alavés»(недаступная спасылка). El Correo.

[4] «Deportivo Alavés, S.A.D.» La Futbolteca.

[5] «El Alavés incendia San Siro». El País.

[6] «What the heck happened to Alaves after 2001?». FourFourTwo.

[7] «The greatest matches of all time». The Daily Telegraph.

[1]

[2]

[3]

[4]

[5]

[6]

[7]