Дакар

Дакар
Населены пункт
Сьцяг Герб
Краіна	Сэнэгал
Акруга	Дакар
Першыя згадкі	1857
Кіраўніцтва і ўлада
Кіраўнік адміністрацыі	Бартэлемі Дыяс[d]
Геаграфія
Плошча	82,38 км²
Вышыня НУМ	10 м
Часавы пас	UTC+0
Каардынаты	14°43′55″ пн. ш. 17°27′26″ з. д.
Насельніцтва
Колькасьць	2 452 656 чал.
Афіцыйная мова	валоф[d] і француская мова
Этнахаронімы	Dakaroise і Dakarois
Лічбавыя ідэнтыфікатары
Тэлефонны код	8
Паштовы індэкс	11000
Сайт	www.dakarville.sn
Дакар на мапе Сэнэгалу Дакар

Дака́р (па-француску: Dakar, на мове валоф: Ndakaaru) — сталіца і самы вялікі горад Сэнэгалу. Разьмяшчаецца ў заходняй частцы краіны, на ўзьбярэжжы Атлянтычнага акіяна, на паўвостраве Зялёны мыс. Колькасьць насельніцтва складае 2,4 млн чалавек.

Назва гораду паходзіць ад валофскага dakhar. З прычыны таго, што Дакар разьмешчаны на скрыжаваньні гандлёвых шляхоў з Эўропы ў Паўднёвую Афрыку і Паўднёвую Амэрыку, тут быў пабудаваны вялікі марскі порт. Таксама існуе і міжнародны аэрапорт.

У XVI—XIX стагодзьдзях на месцы будучага Дакару быў буйны цэнтар гандлю рабамі, якіх набывалі ў асноўным для адпраўкі ў Амэрыку.

Пасьля захопу французамі Сэнэгалу, тут, у 1857 годзе быў заснаваны горад. Да 1940 году Дакар заставаўся адміністрацыйным цэнтрам Францускай Заходняй Афрыкі (з 1902 году быў яе сталіцай). Пад час Другой сусьветнай вайны да 1942 году ў горадзе кіравала адміністрацыя падпарадкаваная Францыі Вішы (у 1940 годзе адбылася няўдалая спроба захопу гораду саюзьнікамі). У 1942 годзе Дакар быў захоплены амэрыканскімі войскамі. Пасьля вайны Дакар некаторы час быў сталіцай фэдэрацыі Малі, а з 1960 году сталіцай незалежнага Сэнэгалу.

Дакар зьяўляецца фінішнай кропкай папулярнага штогадовага ралі Парыж-Дакар.