Голдэн Стэйт Ўорыярз

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

«Го́лдэн Стэйт Ўо́рыярз» (па-ангельску: Golden State Warriors) — прафэсійны баскетбольны клюб, які выступае ў Нацыянальнай баскетбольнай асацыяцыі. Клюб месьціцца ў горадзе Оклэнд, штат Каліфорнія. Каманда была заснаваная ў 1946 годзе як «Філадэлфія Ўорыярз» (па-ангельску: Philadelphia Warriors) ў Філадэлфіі, штат Пэнсыльванія. У дэбютным сэзоне каманда выйграла чэмпіянат Баскетбольнай асацыяцыі Амэрыкі (БАА), якая пасьля стала Нацыянальнай баскетбольнай асацыяцыяй, пасьля аб’яднаньня з Нацыянальнай баскетбольнай лігай (НБЛ).

У 1962 годзе каманда пераехала ў Сан-Францыска, зьмяніла назву на «Сан-Францыска Ўорыярз» (па-ангельску: San Francisco Warriors). З гэтай назвай клюб выступаў да 1971 году, пасьля чаго пераназваўся на «Голдэн Стэйт Ўорыярз». З 1966 году каманда праводзіць свае хатнія гульні ў мясьціне, цяпер вядомай як «Оракл арэна», за выключэньнем 1972 году, калі падчас рэканструкцыі арэны «Ўорыярз» гулялі ў Сан-Хасэ, штат Каліфорнія. Акрамя чэмпіёнскага тытула, атрыманага ў сэзоне 1946/47, каманда яшчэ чатыры разы рабілася чэмпіёнам НБА: у сэзоне 1955/56 у Філядэльфіі, у сэзонах 1974/75, 2014/15 і 2016/2017 як Голдэн Стэйт.

13 красавіка 2016 году клюб паставіў новы рэкорд НБА па колькасьці перамог-параз у рэгулярным сэзоне — 73:9, пераўзышоўшы тым самы папярэдні, усталяваны клюбам «Чыкага Булз» у сэоне 1995—1996 гадоў. Пры гэтым клюб усталяваў антырэкорд — ведучы ў фінале у «Кліўлэнд Кавальерз» зь лікам 3-1, ён прайграў тры наступныя матчы і ўсю сэрыю, што адбылося ў НБА ўпершыню[1].

Вонкавыя спасылкі[рэдагаваць | рэдагаваць крыніцу]

Commons-logo.svg Голдэн Стэйт Ўорыярзсховішча мультымэдыйных матэрыялаў

  1. ^ НБА. «Кливленд» стал первой командой, которой удалось отыграться с 1-3 в финальной серии