Сан-Антоніё Спэрз

Сан-Антоніё Спэрз
Заснаваны	1967
Месцазнаходжаньне	Сан-Антоніё, Тэхас, ЗША
Арэна	Фрост Банк Сэнтар
Галоўны трэнэр	Мітч Джонсан[d]
Чэмпіянат	Нацыянальная баскетбольная асацыяцыя
Форма
Клюбныя колеры
Хатняя Выязная
Спасылкі
Афіцыйная бачына
Галерэя здымкаў у Вікісховішчы

«Сан-Анто́ніё Спэрз» (па-ангельску: San Antonio Spurs) — прафэсійны баскетбольны клюб, які выступае ў Нацыянальнай баскетбольнай асацыяцыі. Каманда была заснаваная ў 1967 годзе і спачатку базавала ў Даласе ды спаборнічала ў Амэрыканскай баскетбольнай асацыяцыі (АБА). «Спэрз» ёсьць адной з чатырох былых камандаў АБА, якія засталіся ў НБА па зьліцьця дзьвюх ліг у 1976 годзе. Клюб месьціцца ў горадзе Сан-Антоніё, штат Тэхас, а хатнія матчы ладзіць на арэне Фрост Банк Сэнтар.

Клюб рабіўся чэмпіёнам НБА ў 1999, 2003, 2005, 2007 і 2014 гадах. З 1999–2000 па 2016—2017 гады «Спэрз» сьвяткаваў ня менш за 50 перамог за рэгулярны сэзон, усталяваўшы такім чынам рэкорд з 18 сэзонаў запар з 50 перамогамі. У сэзоне 2018—2019 гадоў клюб Сан-Антоніё паўтарыў рэкорд НБА паводле колькасьці выхадаў у плэй-оф запар, якіх стала на рахунку каманды 22. Посьпех каманды супаў з тэрмінам знаходжаньня на пасадзе галоўнага трэнэра Грэга Попавіча, а таксама з гульнёй знакамітых гульцоў Дэйвіда Робінсана і Тыма Данкана.

Гісторыя

«Сан-Антоніё Спэрз» пачыналі як «Далас Чапаралз», які спаборнічаў у Амэрыканскай баскетбольнай асацыяцыі (АБА) з канца 1960-х гадоў. Каманда пакутавала на нізкую наведвальнасьць і агульную адсутнасьць цікавасьці да клюбу. У сэзоне 1970—1971 гадоў назва «Далас» была замененая на «Тэхас», што было зроблена ў спробе зрабіць каманду рэгіянальнай, пачаўшы гуляць у Форт-Ўэрце і Лабаку. Аднак, гэтая спроба была няўдалай, у выніку чаго каманда павярнулася ў Далас.

Джордж Гевін быў галоўным баскетбалістам клюбу з 1976 па 1985 гады.

Хутка пачаліся фінансавыя цяжкасьці, якія ў значнай ступені былі выкліканыя адмовай групы ўладальнікаў укладваць грошы ў каманду. СТан пагоршыўся ў сэзоне 1972—1973 гадоў, калі яны ўпершыню за сваё існаваньне ня трапілі ў плэй-оф, і амаль усе ўладальнікі пажадалі сысьці з клюбу. Кіраўніцтва пастанавіла прадаць франшызу іншаму гораду, таму «Чапаралз» давялося выбіраць паміж Сан-Антоніё і Эль-Паса. Больш пераканаўчай была прапанова групы бізнэсоўцаў з Сан-Антоніё, якія арандавалі каманду на тры гады з правам выкупу. Па складаньні пагадненьня каманда была перайменаваная ў «Сан-Антоніё Гансьлінгерз». Аднак, перш чым яны згулялі гульню пад гэтай назвай, назоў была зьменены на «Спэрз». Ужо ў першы сэзон каманда прабілася ў плэй-оф, дзе саступіла ў сямі гульнях «Індыяне Пэйсэрз». Паводле вынікаў сэзону стала відавочна, што Сан-Антоніё цёпла сустрэў новую каманду, бо на кожную гульню ў сярэднем зьбіралася 6303 заўзятары, што пераўзыходзіла ўсю агульную наведвальнасьць «Чапаралз» усяго за 18 гульняў. Бізнэсоўцы Дросас, Шэфэр і Макомбс адразу зразумелі, што клюб стаў сапраўдным гітом, таму ўсяго праз год яны скарысталіся сваім правам скасаваць дамову арэнды, цалкам выкупіўшы франшызу і пакінуўшы яе ў Сан-Антоніё.

Не зважаючы на тое, што да аб’яднаньня ліг каманда не магла дасягнуць посьпехаў у плэй-оф, яна лічылася сярод найлепшых каманд АБА. Больш за тое, іхныя высокія паказьнікі наведвальнасьці зрабілі іх вельмі прывабнымі для Нацыянальнай баскетбольнай асацыяцыі (НБА), нават з улікам таго, што Сан-Антоніё тады, як і цяпер, быў рынкам сярэдняга памеру. У чэрвені 1976 году адбылося зьліцьцё АБА і НБА, у выніку чаго «Спэрз» поруч з «Дэнвэр Нагетс», «Індыяна Пэйсэрз» і «Нью-Ёрк Нэтс» трапілі да НБА ў сэзоне 1976—1977 гадоў. Не зважаючы на тое, што ў кіраўніцтве лігі спачатку існаваў пэўны скептыцызм адносна патэнцыйнага посьпеху і спартовага ўзроўня новых камандаў АБА, «Спэрз» аказаліся вартымі далучэньня да НБА, здолеўшы спыніцца на чацьвертым радку Ўсходняй канфэрэнцыі. Гэта было зроблена, не зважаючы на значныя перашкоды, якія НБА ўсталявала для новых камандаў, абмяжоўваючы іхны выбар на драфце і прыбыткі ад тэлебачаньня ў пачатку іхняга знаходжаньня ў аб’яднанай лізе. Сам клюб таксама атрымаў новага лякальнага суперніка ў выглядзе «Г’юстан Рокетс», якія гулялі ў Тэхасе пяць гадоў да аб’яднаньня. У сэзоне 1977—1978 гадоў галоўнай зоркай каманды быў Джордж Гервін, які цягам сэзону стаў найлепшым бамбардзірам лігі. У наступным сэзоне каманда трапіла ў фінал канфэрэнцыі, дзе клюб з Сан-Антоніё меў лідэрства ў сэрыі зь лікам 3:1 над «Вашынгтон Булетс», але ў выніку «Спэрз» саступілі супернікам.

На Алама Дом клюб прымаў гасьцей з 1993 па 2002 гады.

Усьцяж 1980-х гадоў «Спэрз» мелі ўзьлёты і падзеньні. Цягам першых некалькіх сэзонаў дзесяцігодзьдзя яны працягвалі свой посьпех 1970-х гадоў у рэгулярным сэзоне, маючы рэкордны балянс 52–30 у сэзоне 1980—1981 гадоў , 48–34 у сэзоне 1981—1982 гадоў і 53–29 у сэзоне 1982—1983 гадоў. Не зважаючы на такія паказьнікі ў рэгулярным сэзоне, камандзе бракавала посьпехаў у плэй-оф. Гэтак яны зазналі паразу ўва ўсіх хатніх гульнях у абедзьвюх сэрыях у 1982 і 1983 гадах супраць «Лос-Анджэлес Лэйкерз», бо Мэджык Джонсан, Карым Абдул-Джабар і кампанія былі занадта моцнымі для «Спэрз». Наступныя чатыры сэзоны былі цёмным часам у гісторыі каманды. Агулам з 1985—1986 па 1988—1989 гады «Спэрз» меў агульны балянс перамогаў і паразаў 115–213. Дрэнныя выступы і зьніжэньне наведвальнасьці часта прыводзілі да таго, што клюб часам згадваўся як патэнцыйны кандыдат на пераезд у іншы горад. Адзіным сьветлым момантам таго часу было тое, што «Спэрз» атрымалі першы выбар на драфце НБА 1987 году празь лятарэю. Яны выкарысталі гэты выбар на выдатнага гульца вайскова-марской акадэміі ЗША Дэйвіда Робінсана, але мусілі пачакаць пакуль той выканае свае абавязацельства службы ў войску. Многія меркавалі, што прыход Робінсана зноў зробіць каманду з Сан-Антоніё паважанай дружынай, але аніхто не чакаў таго, што гэта адбылося ў ягоным дэбютным сэзоне. Пад лідэрствам Робінсана, а таксама абранага ў 1989 годзе Шона Эліята з Арызоны і набытага на абмене Тэры Камінгса зь «Мілўокі Бакс», «Спэрз» дасягнуў найбуйнейшага перапавароту за адзін сэзон у гісторыі НБА, скончыўшы сэзон з паказьнікам 56–26, пераскочыўшы з найгоршага паказьніка ў гісторыі франшызы да найлепшага. Робінсан правёў адзін з самых пасьпяховых дэбютных сэзонаў для цэнтравога ў гісторыі НБА. Ён скончыўшы сэзон як найлепшы пачатковец году, зьбіраючы ў сярэднім 24,3 пунктаў і робячы 12,0 падбораў.

«Спэрз» на ўрачыстым прыёме ў Белым доме па чэмпіёнстве ў 2003 годзе.

«Спэрз» пачалі 1990-я гады зь вялікім аптымізмам. Каманда стала сталым удзельнікам плэй-оф, хоць пад кіраўніцтвам трэнэра Лары Браўна ня здолела прабіцца далей за другі раўнд плэй-оф. У 1993 годзе мясцовы бізнэсовец Пітэр М. Голт і група з 22 інвэстараў набылі клюб у Рэда Макомбса за 75 мільёнаў даляраў. Каманда завяршыла сэзон 1994—1995 гадоў з найлепшым паказьнікам у НБА 62–20, упершыню ў гісторыі франшызы пераадолеўшы адзнаку ў 60 перамог. Робінсан быў названы самым каштоўным гульцом лігі. Клюб пракрочыў да фіналу Заходняй канфэрэнцыі, але прагуляў будучым чэмпіёнам НБА «Г’юстан Рокетс». На драфце 1997 году на драфце быў абраны Тым Данкан. Разам з Робінсанам яны ўдвох сфармавалі атакоўны дуэт, вядомы як «Вежы-блізьняты». Яны гулялі разам за «Спэрз» з 1997 па 2003 гады, дапамогшы камандзе выйграць чэмпіянаты НБА ў 1999 і 2003 гадах. У 2005 годзе «Спэрз» сутыкнулася ў фінале НБА зь дзейным чэмпіёнам лігі «Дэтройт Пістанз». Дзеля высьвятленьня пераможцы спатрэбілася сем матчаў. У сёмай гульні Данкан набраў 25 пунктаў, што дапамагло «Спэрз» перамагчы і ўзяць свой трэці тытул НБА за сем гадоў. Дункан быў названы самым каштоўным гульцом фіналу, стаўшы чацьвертым гульцом, які тройчы атрымліваў гэтую ўзнагароду, стаўшы ў адзін шэраг з Мэджык Джонсанам, Шакіл О’Нілам і Майклам Джорданам.

Статыстыка

В = выйгрышы, П = паразы, А% = адсотак выйграных матчаў

«Сан-Антоніё Спэрз» у НБА
Сэзон	В	П	А%	Плэй-оф	Вынікі
Далас Чэпэрэлз (АБА)
1967—1968	46	32	.590	Выйгралі ў першым раўндзе Прайгралі ў паўфінале АБА	Далас 3, Г’юстан 0 Нью-Арлеан 4, Далас 1
1968—1969	41	37	.526	Прайгралі ў першым раўндзе	Нью-Арлеан 4, Далас 3
1969—1970	45	39	.536	Прайгралі ў першым раўндзе	Лос-Анджэлес 4, Далас 2
Тэхас Чэпэрэлз (АБА)
1970—1971	30	54	.357	Прайгралі ў першым раўндзе	Юта 4, Тэхас 0
Далас Чэпэрэлз (АБА)
1971—1972	42	42	.500	Прайгралі ў першым раўндзе	Юта 4, Далас 0
1972—1973	28	56	.333
Сан-Антоніё Спэрз (АБА)
1973—1974	45	39	.536	Прайгралі ў першым раўндзе	Індыяна 4, Сан-Антоніё 3
1974—1975	51	33	.607	Прайгралі ў першым раўндзе	Індыяна 4, Сан-Антоніё 2
1975—1976	50	34	.595	Прайгралі ў першым раўндзе	Нью-Ёрк 4, Сан-Антоніё 3
Сан-Антоніё Спэрз (НБА)
1976—1977	44	38	.537	Прайгралі ў першым раўндзе	Бостан 2, Сан-Антоніё 0
1977—1978	52	30	.634	Прайгралі ў паўфінале канфэрэнцыі	Вашынгтон 4, Сан-Антоніё 2
1978—1979	48	34	.585	Выйгралі ў паўфінале канфэрэнцыі Прайгралі ў фінале канфэрэнцыі	Сан-Антоніё 4, Філадэлфія 3 Вашынгтон 4, Сан-Антоніё 3
1979—1980	41	41	.500	Прайгралі ў першым раўндзе	Г’юстан 2, Сан-Антоніё 1
1980—1981	52	30	.634	Прайгралі ў паўфінале канфэрэнцыі	Г’юстан 4, Сан-Антоніё 3
1981—1982	48	34	.585	Выйгралі ў паўфінале канфэрэнцыі Прайгралі ў фінале канфэрэнцыі	Сан-Антоніё 4, Сіетл 1 Лос-Анджэлес 4, Сан-Антоніё 0
1982—1983	53	29	.646	Выйгралі ў паўфінале канфэрэнцыі Прайгралі ў фінале канфэрэнцыі	Сан-Антоніё 4, Дэнвэр 1 Лос-Анджэлес 4, Сан-Антоніё 2
1983—1984	37	45	.451
1984—1985	41	41	.500	Прайгралі ў першым раўндзе	Дэнвэр 3, Сан-Антоніё 2
1985—1986	35	47	.427	Прайгралі ў першым раўндзе	Лэйкерз 3, Сан-Антоніё 0
1986—1987	28	54	.341
1987—1988	31	51	.378	Прайгралі ў першым раўндзе	Лэйкерз 3, Сан-Антоніё 0
1988—1989	21	61	.256
1989—1990	56	26	.683	Выйгралі ў першым раўндзе Прайгралі ў паўфінале канфэрэнцыі	Сан-Антоніё 3, Дэнвэр 0 Портлэнд 4, Сан-Антоніё 3
1990—1991	55	27	.671	Прайгралі ў першым раўндзе	Голдэн Стэйт 3, Сан-Антоніё 1
1991—1992	47	35	.573	Прайгралі ў першым раўндзе	Фінікс 3, Сан-Антоніё 0
1992—1993	49	33	.598	Выйгралі ў першым раўндзе Прайгралі ў паўфінале канфэрэнцыі	Сан-Антоніё 3, Портлэнд 1 Фінікс 4, Сан-Антоніё 2
1993—1994	55	27	.671	Прайгралі ў першым раўндзе	Юта 3, Сан-Антоніё 1
1994—1995	62	20	.756	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Сан-Антоніё 3, Дэнвэр 0 Сан-Антоніё 4, Лэйкерз 2 Г’юстан 4, Сан-Антоніё 2
1995—1996	59	23	.720	Выйгралі ў першым раўндзе Прайгралі ў паўфінале канфэрэнцыі	Сан-Антоніё 3, Фінікс 1 Юта 4, Сан-Антоніё 2
1996—1997	20	62	.244
1997—1998	56	26	.683	Выйгралі ў першым раўндзе Прайгралі ў паўфінале канфэрэнцыі	Сан-Антоніё 3, Фінікс 1 Юта 4, Сан-Антоніё 1
1998—1999	37	13	.740	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале	Сан-Антоніё 3, Мінэсота 1 Сан-Антоніё 4, Лэйкерз 0 Сан-Антоніё 4, Портлэнд 0 Сан-Антоніё 4, Нью-Ёрк 1
1999—2000	53	29	.646	Прайгралі ў першым раўндзе	Фінікс 3, Сан-Антоніё 1
2000—2001	58	24	.707	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Сан-Антоніё 3, Мінэсота 1 Сан-Антоніё 4, Далас 1 Лэйкерз 4, Сан-Антоніё 0
2001—2002	58	24	.707	Выйгралі ў першым раўндзе Прайгралі ў паўфінале канфэрэнцыі	Сан-Антоніё 3, Сіетл 2 Лэйкерз 4, Сан-Антоніё 1
2002—2003	60	22	.732	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале	Сан-Антоніё 4, Фінікс 2 Сан-Антоніё 4, Лэйкерз 2 Сан-Антоніё 4, Далас 2 Сан-Антоніё 4, Нью-Джэрзі 2
2003—2004	57	25	.695	Выйгралі ў першым раўндзе Прайгралі ў паўфінале канфэрэнцыі	Сан-Антоніё 4, Мэмфіс 0 Лэйкерз 4, Сан-Антоніё 2
2004—2005	59	23	.720	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале	Сан-Антоніё 4, Дэнвэр 1 Сан-Антоніё 4, Сіетл 2 Сан-Антоніё 4, Фінікс 1 Сан-Антоніё 4, Дэтройт 3
2005—2006	63	19	.768	Выйгралі ў першым раўндзе Прайгралі ў паўфінале канфэрэнцыі	Сакрамэнта 4:2 Далас 3:4
2006—2007	58	24	.707	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале НБА	Дэнвэр 4:1 Фінікс 4:2 Юта 4:1 Кліўлэнд 4:0
2007—2008	56	26	.683	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Фінікс 4:1 Нью-Арлеан 4:3 Лэйкерз 1:4
2008—2009	54	28	.659	Прайгралі ў першым раўндзе	Далас 1:4
2009—2010	50	32	.620	Выйгралі ў першым раўндзе Прайгралі ў паўфінале канфэрэнцыі	Далас 4:2 Фінікс 0:4
2010—2011	61	21	.744	Прайгралі ў першым раўндзе	Мэмфіс 2:4
2011—2012	50	16	.758	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Юта 4:0 Кліпэрз 4:0 Аклагома-Сіці 2:4
2012—2013	58	24	.707	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Прайгралі ў фінале НБА	Лэйкерз 4:0 Голдэн Стэйт 4:2 Мэмфіс 4:0 Маямі 3:4
2013—2014	62	20	.756	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале НБА	Далас 4:3 Портлэнд 4:1 Аклагома-Сіці 4:2 Маямі 4:1
Усяго	2477	1738	.588
Плэй-оф	215	188	.533	5 тытулаў

Вонкавыя спасылкі

• Афіцыйная старонка