Бостан Сэлтыкс

Бостан Сэлтыкс
Заснаваны	1946
Месцазнаходжаньне	Бостан, Масачусэтс, ЗША
Арэна	ТД-Гардэн
Галоўны трэнэр	Джо Мазула[d]
Чэмпіянат	Нацыянальная баскетбольная асацыяцыя
Форма
Клюбныя колеры
Хатняя Выязная
Спасылкі
Афіцыйная бачына
Галерэя здымкаў у Вікісховішчы

«Бо́стан Сэ́лтыкс» (па-ангельску: Boston Celtics) — прафэсійны баскетбольны клюб, які выступае ў Нацыянальнай баскетбольнай асацыяцыі. Каманда была заснаваная ў 1946 годзе як адная з васьмі першых камандаў лігі. Клюб месьціцца ў горадзе Бостан, Масачусэтс. Свае хатнія матчы «Сэлтыкс» гуляюць на арэне ТД-Гардэн, якую падзяляюць з хакейным клюбам «Бостан Бруінз». «Сэлтыкс» уважаюцца адной з самых пасьпяховых клюбаў у гісторыі НБА. Яны ўтрымліваюць рэкорды паводле колькасьці здабытых чэмпіёнстваў і паводле колькасьці зафіксаваных перамогаў сярод усіх франшызаў НБА.

Гісторыя

«Бостан Сэлтыкс» быў створаны 6 чэрвеня 1946 году прэзыдэнтам карпарацыі Бостан-Гардэн-Арэны Ўолтэрам Браўнам як каманда Амэрыканскай баскетбольнай асацыяцыі. У 1948 годзе каманда ўпершыню трапіла ў плэй-оф, але саступіла «Чыкага Стэгс» зь лікам 4:1. У 1949 годзе каманда ня трапіла ў плэй-оф, заняўшы пятае месца ва Ўсходнім дывізіёне. Затым, 3 жніўня 1949 году, каманда стала часткай Нацыянальнай баскетбольнай асацыяцыі па зьліцьці ліг. У 1950 годзе «Сэлтыкс» падпісалі кантракт з Чакам Купэрам, стаўшы першай франшызай НБА, якая задрафтавала чарнаскурага гульца. «Сэлтыкс» мелі цяжкасьці ў першыя гады свайго існаваньня, пакуль ня быў наняты трэнэр Рэд Аўэрбах.

Біл Расэл у складзе «Бостан Сэлтыкс».

У пачатку існаваньня франшызы ў Аўэрбаха не было памочнікаў, ён асабіста ладзіў усе трэнаваньні, рупіўся разборам камандаў супернікаў, а таксама шукаў патэнцыйных гульцоў на драфце каледжаў ды плянаваў усе выезды. Па сэзоне 1955—1956 гадоў Аўэрбах зрабіў ашаламляльны абмен, адправіўшы стала ўдзельніка Матчу ўсіх зорак Эда Маколі ў «Сэнт-Луіс Гокс» на другі агульны выбар на драфце. Аўэрбах скарыстаў гэты выбар, каб узяць цэнтравога Ўнівэрсытэту Сан-Францыска Біла Расэла. Аўэрбах таксама набыў выдатнага гульца і пачаткоўца году НБА 1957 году Тома Гэйнсана. І Расэл, і Гэйнсан надзвычай добра працавалі з Бобам Кузі, ды ўтрох яны сталіся гульцамі, вакол якіх Аўэрбах збудаваў новы «Сэлтыкс». Зь Білам Расэлам «Сэлтыкс» выйшлі ў фінал НБА 1957 году і перамаглі «Сэнт-Луіс Гокс» у сямі гульнях, здабыўшы свой першы тытул у НБА. Па набыцьці Кей-Сі Джонза ў 1958 годзе ў «Сэлтыкс» ужо цалкам склала чэмпіёнская дынастыя, якая праіснавала больш за дзесяць гадоў. У 1959 годзе «Сэлтыкс» зноў здабылі перамогу ў НБА, абгуляўшы «Мінэапаліс Лэйкерз», што стала першым зь іх рэкордных васьмі запар чэмпіёнскіх тытулаў. За гэты час «Сэлтыкс» пяць разоў сутыкаліся з «Лэйкерз» у фінале, што стала пачаткам напружанага і часта жорсткага суперніцтва, якое ахапіла некалькі пакаленьняў. «Сэлтыкс» канца 1950-х і пачатку 1960-х гадоў шырока лічацца адной з самых дамінантных камандаў усіх часоў. Аўэрбах сышоў з пасады трэнэра па сэзоне 1965—1966 гадоў, а Расэл заняў пасаду гульца-трэнэра, што было хітрыкам Аўэрбаха, які, такім чынам, намагаўся ўтрымаць Расэла ў Бостане. Зь ягоным прызначэньнем Аўэрбах заняў пасаду генэральнага кіраўніка, дзе працаваў да 1980-х гадоў.

Лары Бэрд бараніў колеры «Сэлтыкс» з 1979 па 1992 гады.

Сэзон 1969—1970 гадоў быў годам перабудовы. З набыцьцём Пола Сайласа і будучых баскетбалістаў Залі славы Дэйва Коўэнза і Джо-Джо Ўайта, «Сэлтыкс» неўзабаве зноў вярнуўся да ліку лідэраў. Па паразе ў фінале Ўсходняй канфэрэнцыі ў 1972 годзе «Сэлтыкс» перагрупаваліся, але новы сэзон скончыўся расчараваньнем, бо ў сямі гульнях фіналу канфэрэнцыі яны саступілі «Нью-Ёрк Нікс». Джон Гаўлічэк атрымаў траўму правага пляча ў шостай гульні і быў вымушаны гуляць у сёмай гульні, кідаючы левай рукою. «Сэлтыкс» вярнуліся ў плэй-оф у наступным годзе, перамогшы «Мілўокі Бакс» у фінале НБА 1974 году і здабыўшы свой 12-ы чэмпіёнскі тытул.

Чэмпіёнскія банэры «Бостан Сэлтыкс» пад столяй арэны.

У 1976 годзе каманда выйграла чарговы чэмпіянат, але пасьля гэтага і выхаду ў плэй-оф у 1977 годзе бостанцы перайшлі ў чарговую фазу перабудовы. На драфце НБА 1977 году «Сэлтыкс» абралі маладога нападніка з унівэрсытэту Шарлот на імя Сэдрык Максўэл. А праз год Аўэрбах рызыкнуў і абраў на драфце юніёра Лары Бэрда з Індыянскага ўнівэрсытэту пад шостым агульным нумарам, ведаючы, што Бэрд застанецца ў каледжы яшчэ на адзін год. Тым часам адносіны паміж уладальнікам франшызы Браўнам і дырэктарам Аўэрбахам пагоршыліся, асабліва пасьля таго, як Браўн пастанавіў набыць Боба Макаду ў лютым 1979 году ў абмен на тры выбары ў першым раўндзе драфту, якія Аўэрбах спадзяваўся выкарыстаць дзеля аднаўленьня франшызы. Праз спрэчкі Аўэрбах ледзь не пакінуў Бостан, каб уладкавацца на працу ў «Нью-Ёрк Нікс», але маючы моцную падтрымку грамадскасьці, усё склалася на карысьць Аўэрбаха. Браўн прадаў каманду новаму ўласьніку ў 1979 годзе.

Тым часам у сэзоне 1979—1980 гадоў за «Сэлтыкс» дэбютаваў Бэрд. З новым уладальнікам Аўэрбах зрабіў шэраг крокаў, якія вярнулі каманду на вяршыню. «Вялікая тройка» ў складзе Бэрда, Кевіна Макгэйла і Робэрта Пэрыша гуляла разам за «Сэлтыкс» да 1992 году ды тройчы прыносіла клюбу тытул чэмпіёнаў НБА, а пазьней была названая найлепшай лініяй нападу НБА ўсіх часоў. У 1981 годзе бостанцы выйгралі чэмпіянат, выгуляўшы «Г’юстан Рокетс», а Максўэл быў названы самым каштоўным гульцом фіналу НБА. Наступны фінал для клюбу быў праз тры гады, дзе іх чакалі «Лос-Анджэлес Лэйкерз». Бэрд быў названы найлепшым гульцом фіналу. У 1985 годзе «Лэйкерз» і «Сэлтыкс» зноў сышліся ў фінале, але ўжо «Лэйкерз» сьвяткавалі перамогу.

Статыстыка

В = выйгрышы, П = паразы, А% = адсотак выйграных матчаў

«Бостан Сэлтыкс» у НБА
Сэзон	В	П	А%	Плэй-оф	Вынікі
1946—1947	22	38	.367	Прайгралі ў чвэрцьфінале	Чыкага Стэгс 2, Бостан 1
1947—1948	20	28	.417
1948—1949	25	35	.417
1949—1950	22	46	.324
1950—1951	39	30	.565	Прайгралі ў паўфінале дывізіёну	Нью-Ёрк 2, Бостан 0
1951—1952	39	27	.591	Прайгралі ў паўфінале дывізіёну	Нью-Ёрк 2, Бостан 1
1952—1953	46	25	.648	Выйгралі ў паўфінале дывізіёну Прайгралі ў фінале дывізіёну	Бостан 2, Сайрэк’юз 0 Нью-Ёрк 3, Бостан 1
1953—1954	42	30	.583	Round-Robin Round-Robin Прайгралі ў фінале дывізіёну	Сайрэк’юз 2, Бостан 0 Бостан 2, Нью-Ёрк 0 Сайрэк’юз 2, Бостан 0
1954—1955	36	36	.500	Выйгралі ў паўфінале дывізіёну Прайгралі ў фінале дывізіёну	Бостан 2, Нью-Ёрк 1 Сайрэк’юз 3, Бостан 1
1955—1956	39	33	.542	Прайгралі ў паўфінале дывізіёну	Сайрэк’юз 2, Бостан 1
1956—1957	44	28	.611	Выйгралі ў фінале дывізіёну Выйгралі ў фінале	Бостан 3, Сайрэк’юз 0 Бостан 4, Сэнт-Луіс 3
1957—1958	49	23	.681	Выйгралі ў фінале дывізіёну Прайгралі ў фінале	Бостан 4, Філадэлфія 1 Сэнт-Луіс 4, Бостан 2
1958—1959	52	20	.722	Выйгралі ў фінале дывізіёну Выйгралі ў фінале	Бостан 4, Сайрэк’юз 3 Бостан 4, Мінэапаліс 0
1959—1960	59	16	.787	Выйгралі ў фінале дывізіёну Выйгралі ў фінале	Бостан 4, Філадэлфія 2 Бостан 4, Сэнт-Луіс 3
1960—1961	57	22	.722	Выйгралі ў фінале дывізіёну Выйгралі ў фінале	Бостан 4, Сайрэк’юз 1 Бостан 4, Сэнт-Луіс 1
1961—1962	60	20	.750	Выйгралі ў фінале дывізіёну Выйгралі ў фінале	Бостан 4, Філадэлфія 3 Бостан 4, Лос-Анджэлес 3
1962—1963	58	22	.725	Выйгралі ў фінале дывізіёну Выйгралі ў фінале	Бостан 4, Цынцынаці 3 Бостан 4, Лос-Анджэлес 2
1963—1964	59	21	.738	Выйгралі ў фінале дывізіёну Выйгралі ў фінале	Бостан 4, Цынцынаці 1 Бостан 4, Сан-Францыска 1
1964—1965	62	18	.755	Выйгралі ў фінале дывізіёну Выйгралі ў фінале	Бостан 4, Філадэлфія 3 Бостан 4, Лос-Анджэлес 1
1965—1966	54	26	.675	Выйгралі ў паўфінале дывізіёну Выйгралі ў фінале дывізіёну Выйгралі ў фінале	Бостан 3, Цынцынаці 2 Бостан 4, Філадэлфія 1 Бостан 4, Лос-Анджэлес 3
1966—1967	60	21	.741	Выйгралі ў паўфінале дывізіёну Прайгралі ў фінале дывізіёну	Бостан 3, Нью-Ёрк 1 Філадэлфія 4, Бостан 1
1967—1968	54	28	.659	Выйгралі ў паўфінале дывізіёну Выйгралі ў фінале дывізіёну Выйгралі ў фінале	Бостан 4, Дэтройт 2 Бостан 4, Філадэлфія 3 Бостан 4, Лос-Анджэлес 2
1968—1969	48	34	.585	Выйгралі ў паўфінале дывізіёну Выйгралі ў фінале дывізіёну Выйгралі ў фінале	Бостан 4, Філадэлфія 1 Бостан 4, Нью-Ёрк 2 Бостан 4, Лос-Анджэлес 3
1969—1970	34	48	.415
1970—1971	44	38	.537
1971—1972	56	26	.683	Выйгралі ў паўфінале канфэрэнцыі Прайгралі ў фінале канфэрэнцыі	Бостан 4, Атланта 2 Нью-Ёрк 4, Бостан 1
1972—1973	68	14	.829	Выйгралі ў паўфінале канфэрэнцыі Прайгралі ў фінале канфэрэнцыі	Бостан 4, Атланта 2 Нью-Ёрк 4, Бостан 3
1973—1974	56	26	.683	Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале	Бостан 4, Бафала 2 Бостан 4, Нью-Ёрк 1 Бостан 4, Мілўокі 3
1974—1975	60	22	.732	Выйгралі ў паўфінале канфэрэнцыі Прайгралі ў фінале канфэрэнцыі	Бостан 4, Г’юстан 1 Вашынгтон 4, Бостан 2
1975—1976	54	28	.659	Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале	Бостан 4, Бафала 2 Бостан 4, Кліўлэнд 2 Бостан 4, Фінікс 2
1976—1977	44	38	.537	Выйгралі ў першым раўндзе Прайгралі ў паўфінале канфэрэнцыі	Бостан 2, Сан-Антоніё 0 Філадэлфія 4, Бостан 3
1977—1978	32	50	.390
1978—1979	29	53	.354
1979—1980	61	21	.744	Выйгралі ў паўфінале канфэрэнцыі Прайгралі ў фінале канфэрэнцыі	Бостан 4, Г’юстан 0 Філадэлфія 4, Бостан 1
1980—1981	62	20	.756	Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале	Бостан 4, Чыкага 0 Бостан 4, Філадэлфія 1 Бостан 4, Г’юстан 2
1981—1982	63	19	.768	Выйгралі ў паўфінале канфэрэнцыі Прайгралі ў фінале канфэрэнцыі	Бостан 4, Вашынгтон 1 Філадэлфія 4, Бостан 3
1982—1983	56	26	.683	Прайгралі ў паўфінале канфэрэнцыі	Мілўокі 4, Бостан 0
1983—1984	62	20	.756	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале	Бостан 3, Вашынгтон 1 Бостан 4, Нью-Ёрк 3 Бостан 4, Мілўокі 1 Бостан 4, Лос-Анджэлес 3
1984—1985	63	19	.768	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Прайгралі ў фінале	Бостан 3, Кліўлэнд 1 Бостан 4, Дэтройт 2 Бостан 4, Філадэлфія 1 Лос-Анджэлес 4, Бостан 2
1985—1986	67	15	.817	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале	Бостан 3, Чыкага 0 Бостан 4, Атланта 1 Бостан 4, Мілўокі 0 Бостан 4, Г’юстан 2
1986—1987	59	23	.720	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Прайгралі ў фінале	Бостан 3, Чыкага 0 Бостан 4, Мілўокі 3 Бостан 4, Дэтройт 3 Лос-Анджэлес 4, Бостан 2
1987—1988	57	25	.695	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Бостан 3, Нью-Ёрк 1 Бостан 4, Атланта 3 Дэтройт 4, Бостан 2
1988—1989	42	40	.512	Прайгралі ў першым раўндзе	Дэтройт 3, Бостан 0
1989—1990	52	30	.634	Прайгралі ў першым раўндзе	Нью-Ёрк 3, Бостан 2
1990—1991	56	26	.683	Выйгралі ў першым раўндзе Прайгралі ў паўфінале канфэрэнцыі	Бостан 3, Індыяна 2 Дэтройт 4, Бостан 2
1991—1992	51	31	.622	Выйгралі ў першым раўндзе Прайгралі ў паўфінале канфэрэнцыі	Бостан 3, Індыяна 0 Кліўлэнд 4, Бостан 3
1992—1993	48	34	.585	Прайгралі ў першым раўндзе	Шарлот 3, Бостан 1
1993—1994	32	50	.390
1994—1995	35	47	.427	Прайгралі ў першым раўндзе	Арланда 3, Бостан 1
1995—1996	33	49	.402
1996—1997	15	67	.183
1997—1998	36	46	.439
1998—1999	19	31	.380
1999—2000	35	47	.427
2000—2001	36	46	.439
2001—2002	49	33	.598	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Бостан 3, Філадэлфія 2 Бостан 4, Дэтройт 1 Нью-Джэрзі 4, Бостан 2
2002—2003	44	38	.537	Выйгралі ў першым раўндзе Прайгралі ў паўфінале канфэрэнцыі	Бостан 4, Індыяна 2 Нью-Джэрзі 4, Бостан 0
2003—2004	36	46	.439	Прайгралі ў першым раўндзе	Індыяна 4, Бостан 0
2004—2005	45	37	.549	Прайгралі ў першым раўндзе	Індыяна 3:4
2005—2006	33	49	.402
2006—2007	24	58	.293
2007—2008	66	16	.805	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале	Атланта 4:3 Кліўлэнд 4:3 Дэйтройт 4:2 Лэйкерз 4:2
2008—2009	62	20	.756	Выйгралі ў першым раўндзе Прайгралі ў паўфінале канфэрэнцыі	Чыкага 4:3 Арланда 3:4
2009—2010	50	32	.610	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Прайгралі ў фінале	Маямі 4:1 Кліўлэнд 4:2 Арланда 4:2 Лэйкерз 3:4
2010—2011	56	26	.683	Выйгралі ў першым раўндзе Прайгралі ў паўфінале канфэрэнцыі	Нью-Ёрк 4:0 Маямі 1:4
2011—2012	39	27	.591	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Атланта 4:2 Філадэлфія 4:3 Маямі 3:4
2012—2013	41	40	.506	Прайгралі ў першым раўндзе	Нью-Ёрк 2:4
2013—2014	25	57	.305
Усяго	3452	2378	.592
Плэй-оф	344	253	.576	17 тытулаў

Вонкавыя спасылкі

• Афіцыйная старонка