Перайсьці да зьместу

Шарлот Горнэтс

Зьвесткі зь Вікіпэдыі — вольнай энцыкляпэдыі
Шарлот Горнэтс
Заснаваны 1988
Месцазнаходжаньне Шарлот, Паўночная Караліна, ЗША
Арэна Спэктрум-Цэнтар
Галоўны трэнэр
Чэмпіянат Нацыянальная баскетбольная асацыяцыя
Форма
Клюбныя колеры              


Камандныя колеры


Камандныя колеры


Хатняя


Камандныя колеры


Камандныя колеры


Выязная
Спасылкі
Афіцыйная бачына
Галерэя здымкаў у Вікісховішчы

Шарлот Горнэтс (па-ангельску: Charlotte Hornets) — прафэсійны баскетбольны клюб, які выступае ў Нацыянальнай баскетбольнай асацыяцыі. Каманда была заснаваная ў 2004 годзе. Клюб месьціцца ў горадзе Шарлот, штат Паўночная Караліна. Да 20 траўня 2014 году каманда называлася «Шарлот Бобкэтс»[2].

15 чэрвеня 2006 году Майкл Джордан, былы гулец НБА, набыў мінарытарны пакет акцыяў франшызы і стаў ейным кіраўніком у справах баскетбольных апэрацыяў. 17 лютага 2010 году група ўласьнікаў на чале з Джорданам набыла кантрольны пакет акцыяў[3]. У 2013 годзе, пасьля рэбрэндынгу «Нью-Арлеан Горнэтс» на «Пэліканз», «Бобкэтс» абвесьцілі, што пачнуць гуляць пад назвай «Шарлот Горнэтс»[2][4][5]. Разам з назвай «Шарлот Горнэтс» вярнулі гісторыю першапачатковай франшызы «Горнэтс». У жніўні 2023 году Джоржан пазбавіўся ад сваёй мажарытарнай частцы.

Гісторыя

[рэдагаваць | рэдагаваць код]

У 1985 годзе НБА плянавала пашырыцца на тры каманды да сэзону 1988—1989 гадоў, але пазьней плян быў перагледжаны, каб улучыць чацьвертую каманду пашырэньня. Джордж Шын, прадпрымальнік з Канапалісу, хацеў стварыць каманду НБА ў раёне Шарлоты, таму сабраў групу вядомых мясцовых бізнэсоўцаў, каб атрымаць франшызу. Раён Шарлоты доўгі час быў асяродкам студэнцкага баскетболу, а сам горад быў адным з самых хуткарослых гарадоў у ЗША[6]. Група ў выніку атрымала франшызу.

На арэне Шарлот-Калізэюм у 2000 годзе.

Першапачаткова новая каманда павінна была называцца «Шарлот Сьпірыт»[7], але ў выніку конкурсу на назву каманды пераможцам стала назва «Горнэтс». Назва паходзіць ад брытанскага генэрала Корнўаліса, які нібыта апісаў горад як «гняздо асіных паўстанцаў» пасьля бітвы пры Шарлот у 1780 годзе, хоць упершыню гэта было засьведчана ў 1819 годзе[8]. Каманда прыцягнула дадатковую ўвагу, бо яны абралі бірузовы ў якасьці асноўнага колеру, што справакавала спартовае захапленьне камандай у канцы 1980-х і пачатку 1990-х гадоў[9]. Шын наняў Карла Шыра першым прэзыдэнтам і генэральным мэнэджарам каманды[10]. Першая гульня «Горнэтс» у НБА адбылася 4 лістапада 1988 году ў Шарлот-Калізэюм, дзе яны саступілі «Кліўлэнд Кавальерз» зь лікам 133:93[11]. Праз чатыры дні каманда сьвяткавала першую перамогу ў гісторыі, адолеўшы «Лос-Анджэлес Кліпэрз» зь лікам 117:105. Агулам сэзон быў не найлепшым, таму Шыр сышоў перад сэзонам 1989—1990 гадоў[12]. Не зважаючы на першапачатковыя засьцярогі, што хатняя арэна занадта вялікая, але «Горнэтс» сталіся гітом, трымаючы лідэрства ў НБА паводле наведвальнасьці. Клюб меў 364 гульні з цалкам распраданымі квіткамі запар[13].

У 1992 годзе «Горнэтс» на драфце абралі цэнтравога Алонза Морнінга[14][15]. У выніку каманда, нарэшце, займела дадатны паказьнік у колькасьці перамогаў-паразаў, а Морнінг поруч з Лары Джонсанам і Кендалам Гілам утварылі адное з найлепшых маладых трыё лігі. Каманда ўпершыню прасунулася ў плэй-оф, заняўшы пятае месца ва Ўсходняй канфэрэнцыі. «Горнэтс» разграмілі «Бостан Сэлтыкс» у першым раўндзе, але дружыне бракавала досьведу і глыбіні складу, таму з другога раўнду шарлотцы былі выбітыя «Нью-Ёрк Нікс»[16]. Сэзон 1993—1994 гадоў «Горнэтс» скончылі з паказьнікам 41–41, прапусьціўшы плэй-оф. У сэзоне 1994—1995 гадоў колькасьць перамогаў ужо была роўная 50-і, дзякуючы чаму «Горнэтс» зноў згулялі ў плэй-оф. У першым раўндзе прадстаўнікі Шарлоты вылецелі з плэй-оф ужо ў першым раўндзе, саступіўшы ў чатырох матчах «Чыкага Булз»[17]. Па заканчэньні сэзону «Горнэтс» абмянялі Морнінга ў «Маямі Гіт» на нападніка Глена Райса, цэнтравога Мэта Гайгера і абаронцу Халіда Рывэза[18]. Райс адразу ж узяў лідэрства ў клюбе паводле колькасьць назьбіраных пунктаў. Гайгер падзяліў з Джонсанам першае месца ў камандзе паводле падбораў, а абаронца Кені Андэрсан замяняў траўмаванага Магсі Богса.

Маскот Руфус.

Міжсэзоньне 1996 году адзначалася вялікімі зьменамі, бо Андэрсан адмовіўся падпісваць новы кантракт, Джонсан быў абменены ў «Нікс» на цяжкога форварда Энтані Мэйсана, і каманда зьдзейсьніла абмен у дзень драфту 1996 году, набыўшы цэнтравога Ўладэ Дзіваца з «Лос-Анджэлес Лэйкерз» на пачаткоўца Кобі Браянта, якога «Горнэтс» абралі пад 13-м агульным нумарам[19]. Каманда дасягнула найлепшага сэзону ў сваёй гісторыі на той час, скончыўшы сэзон з паказьнікам 54–28 і вярнуўшыся ў плэй-оф[20]. Зрэшты, посьпех у рэгулярным сэзоне быў змарнаваны паразай ад «Нікс» у трох гульнях. Праз год у плэй-оф шарлотцаў спынілі «Булз». Цягам трох сэзонаў з 1999 па 2002 гады «Горнэтс» штогод траплялі ў плэй-оф, двойчы даходзячы да паўфіналу канфэрэнцыі. Хутка пасьля гэтага НБА ўхваліла ўгоду аб пераезьдзе каманды ў Новы Арлеан. Неўзабаве па пераезьдзе каманды, у рамках пагадненьня з горадам Шарлот, а таксама каб пазьбегнуць судовага пазову, падобнага да судовага пазову «Кліўлэнд Браўнз», НБА паабяцала, што Шарлот атрымае новую франшызу пашырэньня. У чэрвені 2003 году паўстала новая каманда пад назовам «Шарлот Бобкэтс»[21]. Будаўніцтва новай арэны для «Бобкэтс» у цэнтры Шарлот пачалося ў ліпені таго ж году, а да ейнага адкрыцьця клюб карыстаўся Шарлот-Калізэюмам. 14 сьнежня «Бобкэтс» перамаглі «Нью-Арлеан Горнэтс» у авэртайме ў першым матчы каманды з сваёй былой франшызай[22].

27 лютага 2010 году было абвешчана, што былы ўладальнік «Бобкэтс» пастанавіў прадаць каманду Майклу Джордану, што дазволіла Джордану стаць першым былым гульцом НБА, які стаў мажарытарным уладальнікам франшызы[23]. 21 траўня 2013 году Джордан афіцыйна абвесьціў, што арганізацыя надала заяўку на зьмену назвы франшызы на «Шарлот Горнэтс» з сэзону НБА 2014—2015 гадоў, што было зацьверджана большасьцю галасоў Радай кіраўнікоў НБА на паседжаньні ў Лас-Вэгасе 18 ліпеня 2013 году[24]. 18 ліпеня кіраўніцтва лігі абвесьціла, што яна аднагалосна ўхваліла рэбрэндынг, які пачне дзеіць па завяршэньні сэзону 2013—2014 гадоў[25]. 20 траўня 2014 года «Бобкэтс» афіцыйна сталі другой вэрсіяй «Шарлот Горнэтс». На прэсавай канфэрэнцыі, прысьвечанай гэтым зьменам, кіраўніцтва каманды таксама абвесьціла, што ў рамках пагадненьня з НБА і перайменаваным клюбам «Нью-Арлеан Пэліканз» каманда набыла гісторыю і рэкорды «Горнэтс» 1988—2002 гадоў, у той час як усе рэкорды «Горнэтс» за часам іхняга знаходжаньня ў Новым Арлеане з 2002 па 2013 гады засталіся за «Пэліканз»[26][27]. Цяпер уважаецца, што «Горнэтс» прыпынілі сваю дзейнасьць з 2002 па 2014 гады, а «Пэліканз» лічацца камандай пашырэньня 2002 году.

Статыстыка

[рэдагаваць | рэдагаваць код]

В = выйгрышы, П = паразы, А% = адсотак выйграных матчаў

Крыніцы

[рэдагаваць | рэдагаваць код]
  1. ↑ https://www.foxsports.com/stories/nba/hornets-hire-celtics-assistant-charles-lee-to-be-next-head-coach
  2. 1 2 Jordan: Bobcats changing name to Hornets. NBA.com (06.2013). Архіўная копія ад 06.2013 г.
  3. ↑ Here’s a timeline of Michael Jordan’s ownership of the Charlotte Hornets. NBC Sports Chicago (06.2023).
  4. ↑ Charlotte Hornets Name Returns to Carolinas. NBA.com.
  5. ↑ Spanberg, Erik (04.2014) End of an era: With Charlotte Bobcats out of the playoffs, Hornets return. The Business Journals.
  6. ↑ Lee, Hank. Report: Charlotte is the 8th fastest-growing city in the US // WCNC, 10.2022 г. Архіўная копія ад 12.2022 г.
  7. ↑ In a surprise announcement, the NBA’s Board of Governors… // United Press International, 04.1987 г.
  8. ↑ Brantley, Nicole. The unclear origins of the hornet’s nest symbolism // The Charlotte Observer, 03.2016 г. Архіўная копія ад 07.2021 г.
  9. ↑ Creamer, Chris (07.2014) A closer look at the uniforms and logos of the 90s. theScore Inc..
  10. ↑ Wash, Quinton. How Early Hornets Architect Carl Scheer Left a Lasting Legacy on All-Star Weekend // NBA, 02.2019 г. Архіўная копія ад 12.2022 г.
  11. ↑ Cleveland Cavaliers 133, Charlotte Hornets 93. Basketball Reference (11.1988). Архіўная копія ад 10.2013 г.
  12. ↑ Charlotte Hornets 1989–1990 Season Summary. Basketball Reference. Архіўная копія ад 02.2006 г.
  13. ↑ Menzer, Joe. Bringing Back the Buzz: New Charlotte Hornets Aim to Match Magic of Old Hornets // Bleacher Report, 10.2014 г. Архіўная копія ад 12.2022 г.
  14. ↑ 1992 NBA Draft. Basketball Reference. Архіўная копія ад 04.2019 г.
  15. ↑ Wash, Quinton (11.2015) Hornets Legend Alonzo Mourning to be Honored in Halftime Ceremony on February 5 Buzz City Night. Hornets.com. Архіўная копія ад 02.2023 г.
  16. ↑ 1992–93 Charlotte Hornets Roster and Stats. Basketball Reference.Com. Архіўная копія ад 04.2020 г.
  17. ↑ Dillman, Lisa. Hornets Can’t Catch the Bulls at Four and Bow Out: NBA playoffs: Charlotte misses two last-second shots and Chicago advances with 85-84 victory // Los Angeles Times, 05.1995 г. Архіўная копія ад 11.2022 г.
  18. ↑ Smith, Sam. Mourning OFF To Miami // Chicago Tribune, 12.2008 г. Архіўная копія ад 02.2020 г.
  19. ↑ Harper, Zach (04.2016) Kobe Bryant and the draft day trade that changed NBA history. CBS Sports. Архіўная копія ад 06.2016 г.
  20. ↑ Charlotte Hornets 1996–1997 Season Summary. Basketball Reference. Архіўная копія ад 03.2008 г.
  21. ↑ NBA Expansion Franchise To Be Named Charlotte Bobcats // NBA Media Ventures, LLC, 06.2003 г. Архіўная копія ад 10.2014 г.
  22. ↑ Cats protect their house in Charlotte in OT // ESPN, 12.2004 г. Архіўная копія ад 10.2012 г.
  23. ↑ Michael Jordan reaches deal to buy NBA’s Bobcats // CNN, 02.2010 г. Архіўная копія ад 09.2020 г.
  24. ↑ Phaler, Sean. Bobcats Sports & Entertainment Applies to Change Team's Name to Hornets // NBA Media Ventures, LLC, 05.2013 г. Архіўная копія ад 06.2014 г.
  25. ↑ The Buzz is Back: NBA Approves Bobcats Name Change to Hornets. NBA Media Ventures, LLC. Архіўная копія ад 01.2021 г.
  26. ↑ Bobcats officially become Hornets in Charlotte. National Basketball Association (05.2014). Архіўная копія ад 05.2014 г.
  27. ↑ Hornets all the buzz in Charlotte. ESPN (05.2014). Архіўная копія ад 03.2015 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Шарлот_Горнэтс&oldid=2664179»