Дэнвэр Нагетс

	Дэнвэр Нагетс
Заснаваны	1967
Месцазнаходжаньне	Дэнвэр, Каларада, ЗША
Арэна	Бол-Арэна
Галоўны трэнэр	Дэйвід Адэлман[d];
Чэмпіянат	Нацыянальная баскетбольная асацыяцыя
Форма
Клюбныя колеры
; ; ; Хатняя	; ; ; Выязная
Спасылкі
	Афіцыйная бачына
	Галерэя здымкаў у Вікісховішчы

«Дэ́нвэр На́гетс» (па-ангельску: Denver Nuggets) — прафэсійны баскетбольны клюб, які выступае ў Нацыянальнай баскетбольнай асацыяцыі. Каманда была заснаваная ў 1967 годзе. Клюб месьціцца ў горадзе Дэнвэры, штат Каларада. Каманда была заснаваная у 1967 годзе як франшыза Амэрыканскай баскетбольнай асацыяцыі (АБА), маючы спачатку назву «Рокетс» перад пачаткам першага сэзону^[1]. 7 жніўня 1974 году «Рокетс» зьмянілі сваю назву на «Нагетс» дзеля засьцярогі для пераходу сваёй франшызы з АБА ў НБА^[2], бо ў іншай лізе гуляла каманда «Г’юстан Рокетс». Па зьмене назвы каманда стала апошнім пераможцам АБА ў 1976 годзе. Дружына далучылася да НБА ў 1976 годзе па зьліцьці АБА і НБА і кваліфікавалася ў плэй-оф НБА цягам дзевяці сэзонаў запар у 1980-х гадах і дзесяці сэзонаў запар з 2004 па 2013 гады. У 2023 годзе «Нагетс» з зорнымі Нікалам Ёкічам і Джамалам Мюрэям упершыню трапілі ў фінал НБА, дзе перамаглі «Маямі Гіт», упершыню ў гісторыі стаўшы пераможцам лігі. Свае хатнія матчы каманда ладзіць на Бол-Арэне^[3], якую яны дзеляць з клюбам «Каларада Эвэланш» з Нацыянальнай хакейнай лігі.

Гісторыя

Гісторыя цяперашняй франшызы бярэ свой пачатак у 1967 годзе, калі адная з франшызаў Амэрыканскай баскетбольнай асацыяцыі (АБА) была перададзена групе гульцоў з Канзас-Сіці на чале з паўднёвакаліфарнійскім бізнэсоўцам Джэймзам Трындлам. Аднак Трындл ня здолеў знайсьці трапную арэну ў раёне Канзас-Сіці, камісар лігі Джордж Майкан прапанаваў перанесьці каманду ў Дэнвэр, што і было зроблена.

Гуляючы на арэне Дэнвэр-Аўдыторыюм, «Дэнвэр Рокетс» адразу займелі посьпехі і моцную падтрымку^[4]. Спачатку ў дэнвэрскай дружыны быў моцны склад з Байранам Бэкам і Лары Джонзам, а пазьней да клюбу далучыўся Ральф Сымпсан. Лоні Райт з «Дэнвэр Бронкас» з Амэрыканскай футбольнай лігі падпісаў кантракт з «Рокетс» у тым першым сэзоне, стаўшы першым прафэсійным гульцом, які адначасна гуляў у амэрыканскі футбол і баскетбол у адным сэзоне. Райт гуляў у Дэнвэры агулам чатыры сэзоны^[4]. Скандальны пачатковец Спэнсэр Гэйўуд далучыўся да каманды ў сэзоне 1969—1970 гадоў. Гэйўуд быў адным зь першых гульцоў, якія сталі прафэсіяналамі да заканчэньня каледжа, таму НБА спачатку адмовілася дазволіць яму гуляць у лізе празь ягоны статус. Гэйўуд зьбіраў у сярэднім амаль 30 пунктаў і рабіў 19,5 падбораў за гульню, за што быў абраны самым каштоўным гульцом АБА, а таксама пачаткоўцам году ды Матчу ўсіх зорак АБА.

У 1974 годзе, чакаючы пераходу ў НБА і новай арэны, франшыза правяла конкурс на выбар новай мянушкі каманды, бо «Рокетс» ужо былі занятыя камандай «Г’юстан Рокетс». Пераможцам стала назва «Нагетс» у гонар першапачатковай каманды «Дэнвэр Нагетс», якая некалі існавала з 1948 па 1950 гады. Афіцыйнае пераўтварэньне з «Рокетс» на «Нагетс» адбылося 7 жніўня 1974 году, за некалькі месяцаў да пачатку сэзону АБА 1974—1975 гадоў^[4]. Каманда добра ўзмацнілася перад дэбютам у новай лізе. У сэзоне 1975—1976 гадоў, гуляючы на сваёй новай арэне, «Нагетс» з набыцьцём Томпсана, Джонза і Дэна Ісэла, які прыйшоў да іх паводле абмену пасьля таго, як ён стаў пераможцам лігі АБА з «Кентукі Каланз» у сэзоне 1974—1975 гадоў, каманда мела паказьнік 60–24, абгуляўшы дзейнага чэмпіёна «Кентукі Калонз» зь лікам чатыры супраць трох і ўпершыню трапілі ў фінал АБА 1976 году. У рэшце рэшт, яны перагулялі «Нью-Ёрк Нэтс» у шасьці гульнях^[5], стаўшы апошнімі чэмпіёнамі лігі, бо па сэзоне адбылося аб’яднаньне. «Нагетс», «Нэтс», «Індыяна Пэйсэрз» і «Сан-Антоніё Спэрз» былі далучаныя да Нацыянальнай баскетбольнай асацыяцыі (НБА). Падобна іншым новым камандам НБА, «Нагетс» былі абцяжараныя жорсткімі фінансавымі абавязацельствамі па ўступленьні ў НБА, у тым ліку ўступным узносам у памеры 2 мільёнаў даляраў.

У 1981 годзе клюб наняў Дуга Мо ў якасьці галоўнага трэнэра. Ён распрацаваў філязофію «рухомага нападу», то бок стыль гульні, які сканцэнтраваны на спробах перамясьціць мяч, пакуль хтосьці не адкрыецца. Мо таксама быў вядомы тым, што не надаваў столькі ўвагі абароне, колькі іншыя трэнэры НБА. Абапіраючыся на гульню Алекса Інгліша і Кікі Вандэвэге на пазыцыях нападнікаў і Дэна Ісэля ў цэнтры, «Дэнвэр Нагетс» стаў лідэрам лігі паводле колькасьці набраных пунктаў, прычым Інгліш і Вандэвэге зьбіралі ў сярэднім больш за 25 пунктаў за гульню. У сэзоне 1984—1985 гадоў каманда дакрочыла да фіналу Заходняй канфэрэнцыі. Мо пакінуў каманду ў 1990 годзе. «Нагетс» абраў у 1991 годзе цэнтравога Джорджтаўнскага ўнівэрсытэту Дыкембэ Мутомба. У плэй-оф сэзону 1993—1994 гадоў, куды каманда ўпершыню за некалькі гадоў трапіла, яны маючы 8-ю пазыцыі здолелі выбіць першую каманду канфэрэнцыі «Сіетл Супэрсонікс». У наступным раўндзе дэнвэрцы сустрэліся зь «Ютай Джаз», саступіўшы ёй у сямі гульнях. Па сыходзе Мутомбы «Атланты Гокс» тварам франшызы стаў Антоніё Макдаес. «Нагетс» правёў сэзон 1997—1998 гадоў ледзь не ўсталяваў рэкорд у найменшай колькасьці перамог за сэзон з 82 гульняў, маючы іх толькі 11.

Праблемы каманды ў канцы 1990-х гадоў былі часткова павязаны зь нестабільнасьцю ўласнасьці. У 2003 годзе «Нагетс» абралі будучага ўдзельніка Матчу ўсіх зорак Кармэла Энтані пад трэцім агульным нумарам на драфце НБА 2003 году^[6]. Усяго за два месяцы сэзону каманда атрымала больш перамог, чым за пяць з паловай месяцаў за сэзон 2002—2003 гадоў. Значнай прычынай гэтага неверагоднага перавароту сталі зьмены ў кіраўніцтве^[7]. У красавіку дружына ўпершыню за восем гадоў трапілі ў плэй-оф^[7], але ў першым раўндзе яны выбылі, зазнаўшы паразу ад «Мінэсоты Тымбэрўулвз»^[8]. Аднак, той сэзон заклаў падмурак да доўгай сэрыі выхаду ў плэй-оф, але звычайна «Нагетс» завяршалі свой шлях ужо ў першым раўндзе. 19 сьнежня 2006 году «Нагетс» абмянялі Джо Сьміта, Андрэ Мілера і два выбары першага раўнду драфту НБА 2007 году ў «Філадэлфію Сэвэнці Сыксэрз» на Айвэна Макфарліна і супэрзорку Алена Айвэрсана. 16 сакавіка 2008 году «Нагетс» набралі 168 пунктаў у хатняй перамозе над «Сіетл Супэрсонікс» зь лікам 168:116^[9]. Сэзон 2007—2008 гадоў быў першым разам з сэзону 1987—1988 гадоў, калі «Нагетс» завяршылі сезон як мінімум з 50 перамогамі^[10]. 3 лістапада 2008 году абаронца Ален Айвэрсан быў абменены ў «Дэтройт Пістанз» на Чонсі Білапса, Антоніё Макдаеса і Шэйка Сэмба.

Статыстыка

В = выйгрышы, П = паразы, А% = адсотак выйграных матчаў

«Дэнвэр Нагетс» у НБА
Сэзон	В	П	А%	Плэй-оф	Вынікі
Дэнвэр Рокітс (АБА)
1967—1968	45	33	.577	Прайгралі ў паўфінале дывізіёну	Нью-Арлеан 3, Дэнвэр 2
1968—1969	44	34	.564	Прайгралі ў паўфінале дывізіёну	Оклэнд 4, Дэнвэр 3
1969—1970	51	33	.607	Выйгралі ў паўфінале дывізіёну Прайгралі ў фінале дывізіёну	Дэнвэр 4, Вашынгтон 3 Лос-Анджэлес 4, Дэнвэр 1
1970—1971	30	54	.357	Прайгралі ў тайбрэйку дывізіёну	Тэхас 115, Дэнвэр 109
1971—1972	34	50	.405	Прайгралі ў паўфінале дывізіёну	Індыяна 4, Дэнвэр 3
1972—1973	47	37	.560	Прайгралі ў паўфінале дывізіёну	Індыяна 4, Дэнвэр 1
1973—1974	37	47	.440	Прайгралі ў тайбрэйку дывізіёну	Сан-Дыега 131, Дэнвэр 111
Дэнвэр Нагетс (АБА)
1974—1975	65	19	.774	Выйгралі ў паўфінале дывізіёну Прайгралі ў фінале дывізіёну	Дэнвэр 4, Юта 2 Індыяна 4, Дэнвэр 3
1975—1976	60	24	.714	Выйгралі ў паўфінале АБА Прайгралі ў фінале АБА	Дэнвэр 4, Кэнлз 3 Нью-Ёрк 4, Дэнвэр 2
Дэнвэр Нагетс (НБА)
1976—1977	50	32	.610	Прайгралі ў паўфінале канфэрэнцыі	Портлэнд 4, Дэнвэр 2
1977—1978	48	34	.585	Выйгралі ў паўфінале канфэрэнцыі Прайгралі ў фінале канфэрэнцыі	Дэнвэр 4, Мілўокі 3 Сіетл 4, Дэнвэр 2
1978—1979	47	35	.573	Прайгралі ў першым раўндзе	Лос-Анджэлес 2, Дэнвэр 1
1979—1980	30	52	.366
1980—1981	37	45	.451
1981—1982	46	36	.561	Прайгралі ў першым раўндзе	Фінікс 2, Дэнвэр 1
1982—1983	45	37	.549	Выйгралі ў першым раўндзе Прайгралі ў паўфінале канфэрэнцыі	Дэнвэр 2, Фінікс 1 Сан-Антоніё 4, Дэнвэр 1
1983—1984	38	44	.463	Прайгралі ў першым раўндзе	Юта 3, Дэнвэр 2
1984—1985	52	30	.634	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Дэнвэр 3, Сан-Антоніё 2 Дэнвэр 4, Юта 1 Лэйкерз 4, Дэнвэр 1
1985—1986	47	35	.573	Выйгралі ў першым раўндзе Прайгралі ў паўфінале канфэрэнцыі	Дэнвэр 3, Портлэнд 1 Г’юстан 4, Дэнвэр 2
1986—1987	37	45	.451	Прайгралі ў першым раўндзе	Лэйкерз 3, Дэнвэр 0
1987—1988	54	28	.659	Выйгралі ў першым раўндзе Прайгралі ў паўфінале канфэрэнцыі	Дэнвэр 3, Сіетл 2 Далас 4, Дэнвэр 2
1988—1989	44	38	.537	Прайгралі ў першым раўндзе	Фінікс 3, Дэнвэр 0
1989—1990	43	39	.524	Прайгралі ў першым раўндзе	Сан-Антоніё 3, Дэнвэр 0
1990—1991	20	62	.244
1991—1992	24	58	.293
1992—1993	36	46	.439
1993—1994	42	40	.512	Выйгралі ў першым раўндзе Прайгралі ў паўфінале канфэрэнцыі	Дэнвэр 3, Сіетл 2 Юта 4, Дэнвэр 3
1994—1995	41	41	.500	Прайгралі ў першым раўндзе	Сан-Антоніё 3, Дэнвэр 0
1995—1996	35	47	.427
1996—1997	21	61	.256
1997—1998	11	71	.134
1998—1999	14	36	.280
1999—2000	35	47	.427
2000—2001	40	42	.489
2001—2002	27	55	.329
2002—2003	17	65	.207
2003—2004	43	39	.529	Прайгралі ў першым раўндзе	Мінэсота 4, Дэнвэр 1
2004—2005	49	33	.598	Прайгралі ў першым раўндзе	Сан-Антоніё 4, Дэнвэр 1
2005—2006	44	38	.537	Прайгралі ў першым раўндзе	Кліпэрз 1:4
2006—2007	45	37	.549	Прайгралі ў першым раўндзе	Сан-Антоніё 1:4
2007—2008	50	32	.610	Прайгралі ў першым раўндзе	Лэйкерз 0:4
2008—2009	54	28	.659	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Нью-Арлеан 1:4 Далас 1:4 Лэйкерз 2:4
2009—2010	53	29	.646	Прайгралі ў першым раўндзе	Юта 2:4
2010—2011	50	32	.610	Прайгралі ў першым раўндзе	Аклагома-Сіці 1:4
2011—2012	38	28	.576	Прайгралі ў першым раўндзе	Лэйкерз 3:4
2012—2013	57	25	.695	Прайгралі ў першым раўндзе	Голдэн Стэйт 2:4
2013—2014	36	46	.439
Усяго	1965	1991	.497
Плэй-оф	88	138	.389

Крыніцы

↑ December to Remember // NBA Media Ventures, LLC, 12.2014 г. Архіўная копія ад 12.2014 г.
↑ Behind The Name – Nuggets. NBA Media Ventures, LLC (08.2006). Архіўная копія ад 05.2023 г.
↑ Denver Nuggets will now play in Ball Arena as part of KSE, Ball Corporation Global Partnership // NBA Media Ventures, LLC, 10.2020 г. Архіўная копія ад 11.2020 г.
1 2 3 Denver Rockets/Nuggets Year-by-Year Notes. Remember the ABA. Архіўная копія ад 04.2013 г.
↑ Denver Rockets. Remember the ABA. Архіўная копія ад 04.2013 г.
↑ Denver ecstatic to get Anthony with third pick // CNN Архіўная копія ад 05.2008 г.
1 2 Lopez, Aaron. Denver Nuggets A to Z: Kiki Vandeweghe // NBA Media Ventures, LLC, 08.2014 г. Архіўная копія ад 06.2018 г.
↑ ESPN – Denver vs. Minnesota – Recap – April 30, 2004. ESPN (04.2004). Архіўная копія ад 02.2007 г.
↑ ESPN – Seattle vs. Denver – Recap – March 16, 2008. ESPN (03.2008). Архіўная копія ад 05.2012 г.
↑ ESPN – Memphis vs. Denver – Recap – April 16, 2008. ESPN (04.2008). Архіўная копія ад 05.2008 г.

Вонкавыя спасылкі

Афіцыйная старонка

[1] December to Remember // NBA Media Ventures, LLC, 12.2014 г. Архіўная копія ад 12.2014 г.

[2] Behind The Name – Nuggets. NBA Media Ventures, LLC (08.2006). Архіўная копія ад 05.2023 г.

[3] Denver Nuggets will now play in Ball Arena as part of KSE, Ball Corporation Global Partnership // NBA Media Ventures, LLC, 10.2020 г. Архіўная копія ад 11.2020 г.

[remembertheaba.com-4] 1 2 3 Denver Rockets/Nuggets Year-by-Year Notes. Remember the ABA. Архіўная копія ад 04.2013 г.

[5] Denver Rockets. Remember the ABA. Архіўная копія ад 04.2013 г.

[6] Denver ecstatic to get Anthony with third pick // CNN Архіўная копія ад 05.2008 г.

[kikinuggetsgm-7] 1 2 Lopez, Aaron. Denver Nuggets A to Z: Kiki Vandeweghe // NBA Media Ventures, LLC, 08.2014 г. Архіўная копія ад 06.2018 г.

[8] ESPN – Denver vs. Minnesota – Recap – April 30, 2004. ESPN (04.2004). Архіўная копія ад 02.2007 г.

[9] ESPN – Seattle vs. Denver – Recap – March 16, 2008. ESPN (03.2008). Архіўная копія ад 05.2012 г.

[10] ESPN – Memphis vs. Denver – Recap – April 16, 2008. ESPN (04.2008). Архіўная копія ад 05.2008 г.

[1]

[2]

[3]

[4]

[5]

[6]

[7]

[8]

[9]

[10]