Макс Эбонг
| Макс Эбонг | ||
| Пэрсанальная інфармацыя | ||
|---|---|---|
| Нарадзіўся | 26 жніўня 1999[1][2] (25 гадоў) | |
| Рост | 180 см | |
| Вага | 72 кг[4] | |
| Пазыцыя | паўабаронца | |
| Клюбная інфармацыя | ||
| Клюб | Астана | |
| Нумар | 7 | |
| Клюбы | ||
| Гады | Клюб | Гульні (галы)¹ |
| 2017—2019 | Шахцёр Салігорск | 33 (2) |
| 2020— | Астана | 102 (7) |
| Зборныя | ||
| 2018—2019 | Беларусь (да 21) | 10 (1) |
| 2019— | Беларусь | 44 (5) |
|
¹ Колькасьць гульняў і галоў за прафэсійны клюб лічыцца толькі | ||
Афрыд Макс Эбонг (нар. 26 жніўня 1999 году) — беларускі футбаліст, паўабаронца казаскага клюбу «Астана» і нацыянальнай зборнай Беларусі.
Кар’ера
[рэдагаваць | рэдагаваць крыніцу]Пачынаў займацца футболам у Віцебску, аднак юнаком патрапіў у структуру салігорскага «Шахцёру». У лістападзе 2016 году склаў першы прафэсійны кантракт з клюбам[5]. У сэзоне 2017 году выступаў за дублюючы склад «Шахцёра», дзе хутка замацаваўся, гуляў таксама ў юнацкай лізе УЭФА.
Да сэзона 2018 году рыхтваўся разам з асноўнай камандай «Шахцёра». Дэбютаваў за клюб 11 сакавіка 2018 году ў чвэрцьфінале Кубка Беларусі супраць магілёўскага «Дняпра» (3:1), адгуляўшы ўсе 90 хвілінаў. 23 красавіка таго ж году ў матчы з тым жа «Дняпром» (1:1) дэбютаваў у найвышэйшай лізе, выйшаўшы на замену ў другім тайме, а ў траўні замацаваўся ў пачатковым складзе. У жніўні 2018 году не гуляў праз пашкоджаньне, па аднаўленьні стаў нерэгулярна зьяўляцца на пляцоўцы. У пачатку сэзону 2019 году быў гульцом ратацыі, а з траўня замацаваўся ў аснове, калі пераважна выходзіў у стартавым складзе.
У студзені 2020 году перайшоў да шэрагай казаскай «Астану»[6]. Адразу ў лютым стаў уладальнікам Супэркубка Казахстану ў матчы супраць «Кайсару»[7]. Эбонг згуляў у дэбютным матчы ў Прэм’ер-лізе 7 сакавіка 2020 году супраць клюбу «Кызылжар». А першага голу прыйшлося чакаць да 19 сакавіка 2021 году, калі паўабаронца адзначыўся голам ў браму клюбу «Касьпі». У сэзоне 2022 году разам з клюбам стаў чэмпіёнам Казахстану, а ў 2023 годзе дабраўся да групавога этапу Лігі канфэрэнцыяў УЭФА. Паводле вынікаў сэзону 2023 году быў прызнаны футбалістам году Беларусі[8].
У сьнежні 2023 году зьявілася інфармацыя, што футбаліст можа працягнуць кар’еру ў азэрбайджанскім «Нэфтчы»[9]. У студзені 2024 году казаскія СМІ паведамілі, што футбаліст пакінуў клюб[10], але ў выніку Эбонг выправіўся на перадсэзонны збор з камандай у тым жа месяцы.
Дасягненьні
[рэдагаваць | рэдагаваць крыніцу]«Шахцёр»:
- Уладальнік Кубка Беларусі: 2019
- Срэбраны прызэр чэмпіянату Беларусі: 2018
«Астана»:
- Чэмпіён Казахстану: 2022
- Уладальнік Супэркубка Казахстану: 2020, 2023
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Шахцёр Салігорск | 2018 | Найвышэйшая ліга | 16 | 2 |
Крыніцы
[рэдагаваць | рэдагаваць крыніцу]- ^ а б в Maksim Ebong // Transfermarkt (мн.) — 2000.
- ^ а б в Max Ebong // FBref (мн.)
- ^ а б https://int.soccerway.com/players/-/464122/
- ^ а б https://teams.by/max-ebong/player-156458/
- ^ Футбол. Игрок молодежной команды "Шахтера" Африд Макс Эбонг Нгоме подписал профессиональный контракт с солигорским клубом (рас.) Прессбол.
- ^ Официально: Эбонг подписал четырехлетний контракт с "Астаной" (рас.) Football.by.
- ^ «Астана» выиграла Суперкубок Казахстана (рас.) Казаская фэдэрацыя футболу.
- ^ Макс Эбонг стал лучшим футболистом Беларуси-2023 (рас.)
- ^ Нефтчи ведет переговоры с хавбеком казахстанского клуба. Azerisport.com
- ^ Казахстанские СМИ: Эбонг и Дарбо покинули "Астану" (рас.) Football.by.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)