Аляксей Казлоў
| Аляксей Казлоў | ||
| Пэрсанальная інфармацыя | ||
|---|---|---|
| Нарадзіўся | 11 ліпеня 1989[1] (35 гадоў) | |
| Рост | 176 см | |
| Вага | 70 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2005—2006 | Менск-2 | 31 (5) |
| 2007 | Менск | 5 (0) |
| 2008—2013 | Тарпэда-БелАЗ | 118 (2) |
| 2014—2015 | Белшына | 49 (6) |
| 2016 | Дынама Менск | 4 (0) |
| 2017 | Нафтан | 19 (1) |
| 2018 | Ворша | 12 (0) |
| Зборныя | ||
| 2007—2008 | Беларусь (да 19)[d] | 6 (0) |
| 2009—2011 | Беларусь (да 21) | 3 (0) |
Аляксей Казлоў (нар. 11 ліпеня 1989 году) — колішні беларускі футбаліст, абаронца. Удзельнік летніх Алімпійскіх гульняў 2012 году.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец футбольнай школы «Менску». З 2008 году гуляў за жодзінскае «Тарпэда». Зь цягам часу замацаваўся на пазыцыі флянгавага абаронцы. У сэзоне 2013 году быў выцесьнены адтуль Аляксеем Панкаўцом і Анры Хагушам і пачаў гуляць на флянгу паўабароны. У студзені 2014 году перайшоў у бабруйскую «Белшыну»[2], дзе замацаваўся ў асноўным складзе. Звычайна гуляў на пазыцыі левага абаронцы, часам выкарыстоўваўся як правы абаронца ці левы паўабаронца. Па заканчэньні сэзону 2014 году меў намер пакінуць Бабруйск[3]. У студзені 2015 году праходзіў прагляд у казаскім клюбе «Жэтысу», аднак беспасьпяхова[4]. У выніку ў лютым вярнуўся ў «Белшыну»[5] і пачаў у клюбе сэзон 2015 году, у якім заставаўся асноўным абаронцам каманды, але ў чэрвені не гуляў праз пашкоджаньне.
З студзеня 2016 году знаходзіўся на праглядзе ў менскім «Дынама», зь якім у лютым склаў працоўную ўгоду[6]. У складзе дынамаўцаў, аднак, амаль не гуляў, прапусьціўшы большую частку сэзону 2016 году з-за траўмы. У сьнежні 2016 году па заканчэньні кантракту пакінуў сталічны клюб[7]. У студзені 2017 году перайшоў у наваполацкі «Нафтан»[8]. Пачынаў сэзон у якасьці асноўнага гульца каманды, выступаючы ў якасьці левага або правага абаронцы, у другой палове сэзону праз траўмы пачаў радзей зьяўляцца на полі. Па заканчэньні сэзону пакінуў «Нафтан» і ў пачатку 2018 году далучыўся да «Воршы»[9], якую пакінуў у жніўні таго ж году[10].
У ліпені 2020 году паводле вынікаў крымінальнай справы аб дамоўных матчах быў прысуджаны да 2 гадоў калёніі ўзмоцненага рэжыму[11].
Міжнародная
[рэдагаваць | рэдагаваць крыніцу]Гуляў за моладзевую зборную Беларусі. Гулец алімпійскай зборнай Беларусі на Алімпіядзе 2012 году, дзе згуляў ува ўсіх трох матчах каманды на турніры.
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Белшына | 2015 | Найвышэйшая ліга | 20 | 2 |
| Дынама Менск | 2016 | Найвышэйшая ліга | 4 | 0 |
| Нафтан | 2017 | Найвышэйшая ліга | 19 | 1 |
| Ворша | 2018 | Першая ліга | 12 | 0 |
Крыніцы
[рэдагаваць | рэдагаваць крыніцу]- ^ а б в Aleksey Kozlov // Transfermarkt (мн.) — 2000.
- ^ Букаткин и Козлов перешли в "Белшину" (рас.)
- ^ Щербаков, Букаткин и Козлов покидают "Белшину" (рас.)
- ^ Алексей Козлов не подошел "Жетысу" (рас.)
- ^ Козлов тренируется с «Белшиной» (рас.)
- ^ Хващинский, Шрамченко и Козлов подписали контракты с минским "Динамо" (рас.)
- ^ Минское "Динамо" покинуло пятеро футболистов (рас.)
- ^ Алексей Козлов сменил минское "Динамо" на "Нафтан" (рас.)
- ^ 1-я лига. Анонс сезона. «Локо» в Хойниках. Новополоцк и Мозырь: надолго? (рас.)
- ^ Попурри. “Торпедо” принял Владимир Невинский (рас.) Архіўная копія ад 2021-06-29 г.
- ^ Оглашены приговоры участникам дела о договорных матчах. Алексея Козлова взяли под стражу в зале суда (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)
- Нарадзіліся 11 ліпеня
- Нарадзіліся ў 1989 годзе
- Нарадзіліся ў Менску
- Футбалісты клюбу «Менск-2»
- Футбалісты клюбу «Менск»
- Футбалісты клюбу «Тарпэда-БелАЗ» Жодзін
- Футбалісты клюбу «Белшына» Бабруйск
- Футбалісты клюбу «Дынама» Менск
- Футбалісты клюбу «Нафтан» Наваполацак
- Футбалісты клюбу «Ворша»
- Футбалісты моладзевай зборнай Беларусі
- Беларускія футбалісты
- Беларускія футбалісты і футбалісткі на Алімпійскіх гульнях
- Футбалісты і футбалісткі на летніх Алімпійскіх гульнях 2012 году