29 лістапада

29 лістапа́да — 334-ы дзень году (333-і ў невысакосным годзе) паводле Грыгарыянскага календару. Да канца году застаецца 33 дні.

Падзеі

• 1830 — пачалося вызвольнае паўстаньне ў Варшаве, што ўвайшло ў гісторыю пад назвай Лістападаўскае. У Беларусі й Летуве пачалося ў 1831 годзе
• 1877 — Томас Эдысан упершыню прадэманстраваў грамафон
• 1920 — пачала працу Гарадзенская Беларуская Гімназія
• 1936 — у Вільні выйшаў апошні 104 нумар газэты «Родны край», пасьля выданьне забаронена польскай пракуратурай
• 1944 — з-пад акупацыі вызваленая Альбанія
• 1961 — быў узарваны Гарадзенскі фарны касьцёл прачыстай Маці Божай
• 1972 — выйшла ў сьвет першая пасьпяховая кампутарная гульня Pong

Нараджэньні

• 1835 — Цы Сі, маньчжурская імпэратрыца
• 1898 — Клайв Стэйплз Льюіс, брытанскі пісьменьнік
• 1932 — Жак Шырак, францускі палітык, былы прэзыдэнт Францыі
• 1948 — Уладзімер Шымаў, беларускі дзяржаўны й эканамічны дзяяч
• 1951 — Валер Дайнэка, беларускі музыка

Сьмерці

• 1662 — Вінцэнт Корвін-Гасеўскі, вайсковы і гаспадарчы дзяяч ВКЛ
• 1780 — Марыя Тэрэзія, эрцгерцагіня Аўстрыі, кароль Вугоршчыны
• 1825 — Зарыян Даленга-Хадакоўскі, беларускі археоляг, фальклярыст, этнограф, дыялектоляг
• 1915 — Люіджы Капуана, італьянскі пісьменьнік, журналіст, тэарэтык і гісторык літаратуры
• 1937 — Ізі Харык, беларускі габрэйскі паэт
• 1938 — Палута Бадунова, беларускі палітык
• 1938 — Браніслаў Тарашкевіч, беларускі мовазнаўца і палітык
• 1989 — Пётр Антоні Самуэль Сангушка, прадстаўнік княскага роду Сангушкаў
• 2001 — Джордж Харысан, брытанскі музыка і сьпявак

Сьвяты

• Альбанія — Дзень вызваленьня
• У Беларусі традыцыйна ўшаноўваецца Мацей. Менавіта ў гэты дзень здараліся адлігі, адкуль і пайшла народная прымаўка: «На Мацея зіма пацее».