Аднак
| «Аднак» | |
| Гады | Ад 2010 г. |
|---|---|
| Краіна | Беларусь |
| Горад | Менск |
| Мова(-ы) | Беларуская |
| Тэматыка | Рэкляма |
| Лэйбл | «Будзьма беларусамі!» |
«Аднак» (бел. лац. Adnak) — фэстываль беларускамоўнай рэклямы і камунікацыі, які з (7 ліпеня) 2010 году праводзіцца штолета ў Менску (Беларусь) кампаніяй «Будзьма беларусамі!» (заснаванай Згуртаваньнем беларусаў сьвету «Бацькаўшчына»). З 2011 г. ладзіцца ў Міжнародным адукацыйным цэнтры імя Ёганэса Раў (пр. газэты «Праўда», д. 11).
Пераможцы
[рэдагаваць | рэдагаваць крыніцу]| Год | Выканаўца | Твор | Замоўнік |
|---|---|---|---|
| 2010 | Міхаіл Тумеля | Тэлерэкляма квасу «Хатні» | Бровар «Сябар» (Бабруйск, Магілёўская вобласьць) |
| 2011 | Агенцтва «АРС Камюнікейшнз» | Прадстаўленьне «Манэта ад Вітаўта» | Белзьнешэканамбанк |
| 2012 | Артур Вакараў (студыя «Адліга») | Плякаты, рэклямныя шчыты і саколкі пад альбом «Грай» | Гурт «Ляпіс Трубяцкі» |
| 2013 | Вольга Раманюк | Рэкляма парцаляны «Каралі» | Галіна Яшчанка (вёска Карнюткі, Валожынскі раён, Менская вобласьць) |
| 2014 | Тацяна Шварцкопф (кампанія «Аіда Піянэр») | Постэры «Велікодныя біткі» | Управа дзяржаўнай аўтаінспэкцыі (УДАІ) МУС Беларусі |
| 2015 | Павал Белавус | Вышымайка (вышыванка + майка) | Грамадзкая арганізацыя «Арт Сядзіба» |
Мінуўшчына
[рэдагаваць | рэдагаваць крыніцу]13 траўня 2010 г. кампанія «Будзьма беларусамі!», заснаваная 1 кастрычніка 2008 г. Згуртаваньнем беларусаў сьвету «Бацькаўшчына», абвясьціла аб пачатку прыёму беларускамоўнай рэклямы для конкурсу на 1-ым Фэстывалі беларускамоўнай рэклямы і прамоцыі(en) «Аднак»[1]. Прыём працаў доўжыўся 51 дзень да 3 ліпеня ўключна[2]. Агулам 59 удзельнікаў падалі на конкурс 105 рэклямных працаў[3]. 7 ліпеня ў менскай Галерэі сучаснага мастацтва «Ў» (прасп. Незалежнасьці, д. 37а) адбылося ўзнагароджаньне пераможцаў[4]. Першае месца заняў мультыплікатар Міхаіл Тумеля з тэлерэклямай квасу «Хатні» для бровара «Сябар» (Бабруйск, Магілёўская вобласьць)[5].
15 сакавіка 2011 г. «Аднак» стаў фэстывалем беларускай рэклямы і камунікацыі і пачаў прыём заявак на ўдзел у конкурсе[6]. Прыём працаў працягваўся 87 дзён да 10 чэрвеня ўключна. Больш як 100 удзельнікаў падалі 298 заявак на ўдзел[7]. 23 чэрвеня ў менскім Міжнародным адукацыйным цэнтры імя Ёганэса Раў (пр. газэты «Праўда», д. 11) правялі ўзнагароджаньне пераможцаў фэстывалю[8]. Галоўную ўзнагароду атрымала агенцтва «АРС Камюнікейшнз» за прадстаўленьне «Манэта ад Вітаўта» ў Нацыянальным гістарычным музэі Рэспублікі Беларусь ад імя Белзьнешэканамбанка[9].
27 красавіка 2012 г. пачаўся прыём працаў на 3-і фэстываль «Аднак», які доўжыўся да 17 чэрвеня. 110 удзельнікаў падалі на конкурс 330 працаў. 5 ліпеня ў Міжнародным адукацыйным цэнтры (МАЦ) імя Ёганэса Раў узнагародзілі пераможцаў. Галоўную ўзнагароду атрымаў Артур Вакараў са студыі «Адліга» за аздабленьне плякатаў, рэклямных шчытоў і саколак пад альбом «Грай» гурта «Ляпіс Трубяцкі»[10].
25 красавіка 2013 г. 4-ы фэстываль «Аднак» пачаў прымаць заяўкі на ўдзел у конкурсе. Да 10 чэрвеня 105 удзельнікаў падалі 314 працаў. 27 чэрвеня ў МАЦ імя Ё.Раў прайшло ўзнагароджаньне пераможцаў. Вышэйшая ўзнагарода дасталася Галіне Яшчанцы (вёска Карнюткі, Валожынскі раён, Менская вобласьць) за рэкляму парцаляны «Каралі»[11].
30 красавіка 2014 г. пачалі прымаць заяўкі на 5-ы фэстываль «Аднак». Да 12 чэрвеня звыш 200 удзельнікаў падалі больш за 400 працаў. Галоўную ўзнагароду атрымала Тацяна Шварцкопф з кампаніі «Аіда Піянэр» за постэры «Велікодныя біткі» для Ўправы дзяржаўнай аўтаінспэкцыі (УДАІ) МУС Беларусі[12].
20 красавіка 2015 г. 6-ы фэстываль «Аднак» пачаў прыём працаў, які доўжыўся да 8 чэрвеня. Звыш 150 удзельнікаў падалі больш за 370 заявак на ўдзел у конкурсе. 2 ліпеня галоўную ўзнагароду атрымаў кіраўнік грамадзкай арганізацыі «Арт Сядзіба» Павал Белавус за стварэньне вышымайкі (вышыванка + майка)[13].
Крыніцы
[рэдагаваць | рэдагаваць крыніцу]- ^ У Менску стартаваў Першы фэстываль беларускамоўнай рэклямы і прамоцыі «Аднак» // Маркетынг.by, 15 траўня 2010 г. Праверана 24 сакавіка 2016 г.
- ^ Засталося зусім няшмат часу да заканчэньня Фэстывалю беларускамоўнай рэклямы і прамоцыі «Аднак» // «Будзьма беларусамі!», 3 ліпеня 2010 г. Праверана 24 сакавіка 2016 г.
- ^ «Аднак» // Бел.біз, 20 траўня 2013 г. Праверана 24 сакавіка 2016 г.
- ^ Першыя шорт-лісты Фэстывалю беларускамоўнай рэклямы і прамоцыі «Аднак» // «Будзьма беларусамі!», 5 ліпеня 2010 г. Праверана 24 сакавіка 2016 г.
- ^ Усе пераможцы Першага фэстывалю беларускамоўнай рэклямы і прамоцыі «Аднак» // Фэстываль «Аднак», 9 ліпеня 2010 г. Праверана 24 сакавіка 2016 г.
- ^ Пачаў працу абноўлены сайт Фэстывалю беларускамоўнай рэклямы і камунікацыі «Аднак» // «Будзьма беларусамі!», 11 красавіка 2011 г. Праверана 24 сакавіка 2016 г.
- ^ Аляксандар Васілеўскі. Падведзеныя вынікі другога фэстывалю беларускамоўнай рэклямы і камунікацыі «Аднак» // БелаПАН, 24 чэрвеня 2011 г. Праверана 24 сакавіка 2016 г.
- ^ Не пасьпелі на «Аднак»? У вас яшчэ ёсьць шанец // Tut.by, 7 чэрвеня 2011 г. Праверана 24 сакавіка 2016 г.
- ^ PR-праект «Манэта ад Вітаўта» для ААТ «Белзьнешэканамбанк» // Маркетынг.by, 4 жніўня 2011 г. Праверана 24 сакавіка 2016 г.
- ^ Сьпіс пераможцаў Трэцяга фэстывалю беларускамоўнай рэклямы і камунікацыі «Аднак» // Маркетынг.by, 4 жніўня 2011 г. Праверана 24 сакавіка 2016 г.
- ^ Ільля Маліноўскі. У Менску ўзнагародзілі пераможцаў фэста «Аднак» // Эўрарадыё, 28 чэрвеня 2011 г. Праверана 24 сакавіка 2016 г.
- ^ Жывое відэа: Фэстываль беларускамоўнай рэклямы «Аднак» // Радыё «Свабода», 25 чэрвеня 2014 г. Праверана 24 сакавіка 2016 г.
- ^ Гран-пры фэстывалю «Аднак» атрымала «Вышымайка», праект «Арт-сядзібы» // Эўрарадыё, 3 ліпеня 2015 г. Праверана 24 сакавіка 2016 г.
Вонкавыя спасылкі
[рэдагаваць | рэдагаваць крыніцу]- Бачына фэстывалю «Аднак»
- «Аднак» // «Будзьма беларусамі!», 22 сакавіка 2016 г. Праверана 24 сакавіка 2016 г.
- «Аднак» // Маркетынг.by, 6 ліпеня 2015 г. Праверана 24 сакавіка 2016 г.
 |
Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго. |