Міхаіл Тумеля

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Міхаіл Тумеля
Mikhail Tumelya.jpg
2013 г.
Дата нараджэньня 18 лютага 1963 (58 гадоў)
Месца нараджэньня Менск, Беларуская ССР, СССР
Грамадзянства Беларусь
Месца вучобы архітэктурны факультэт БНТУ і Вышэйшыя курсы для сцэнарыстаў і рэжысэраў
Занятак Рэжысэр
Месца працы Беларусьфільм
Гады дзейнасьці З 1989-га
Узнагароды Галоўныя ўзнагароды «Залатая Рыбка» (Масква, 1998) і «Арлянё» (1999), «Залаты Віцязь» (Масква, 2000)
IMDb ID nm2201842
Сайт tumelya.livejournal.com

Міхаіл Браніслававіч Тумеля (1963, Менск, цяпер Беларусь) — беларускі рэжысэр, аніматар. У працах дасьціпна асучасьнівае беларускую гісторыю і фальклёр. Выкарыстоўвае ўнікальную беларускую тэхніку выцінанкі.

У дзяцінстве маляваў мультгерояў, малюнкі якіх выразаў з часопіса «Савецкі экран». У 1978 годзе, у 15-гадовым узросьце, пачаў практыкаваньні ў цэху мультыплікацыі студыі «Беларусьфільм». У 1980 г. паступіў на архітэктурны факультэт Беларускага політэхнічнага інстытуту. Пасьля сканчэньня інстытуту атрымаў разьмеркаваньне на кінастудыю «Беларусьфільм», дзе працаваў расфарбоўнікам і фазоўнікам. У 1986 г. паступіў на Найвышэйшыя рэжысэрскія курсы(ru) ў Маскву[1].

У 1989—1999 — рэжысэр менскай студыі «АФ-Цэнтр», адначасова ў 1998—2000 працаваў па кантракце на анімацыйных студыях у Маскве, Портлэндзе (ЗША) і Сэуле (Паўднёвая Карэя), у 1992—1993 вёў заняткі па асновах анімацыі на курсах пры к/с «Троицкий мост» (С.-Пецярбург).

Быў сувядоўцам праграмы «Мультыклюб» на беларускім тэлебачаньні ў 1994—2005. Зьняў шэраг рэклямных ролікаў і ТБ-заставак. Супрацоўнічае са студыямі «Пилот», «Панорама». Чалец АСІФА. Здымаўся ў дакумэнтальных сэрыялах «Мир анимации или анимации мира» (2001), «Фабрика чудес» (сэрыя «Режиссёр-мультипликатор», 2005), «Невесомая жизнь» (2006).

Фільмаграфія[рэдагаваць | рэдагаваць крыніцу]

Міхаіл Тумеля. Інтэрвію каналу Белсат. 24 верасьня 2013 году.
  • 1988: «Марафон»(ru) (рэжысэр), «Рыса»(ru) (рэжысэр)
  • 2000: «Мячык» (рэжысэр)
  • 2006: «Непахісны Чэн» (рэжысэр)
  • 2007: «Аповесьць мінулых гадоў»
  • 2008: «Беларускія прымаўкі»
  • 2010: «Выцінанка-выразанка»
  • 2011: «Беларускія прымаўкі»
  • 2012: «Як служыў жа я ў пана» (рэжысэр)

Узнагароды[рэдагаваць | рэдагаваць крыніцу]

  • «Выцінанкі-выразанкі» — прыз за лепшую рэжысуру на Адкрытым расейскім фэстывалі анімацыйнага кіно, Суздаль 2011[2]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]