Лістапад (кінафэстываль)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
«Лістапад»
Гады Ад 1994 г.
Краіна Беларусь
Горад Менск
Мова Беларуская, расейская
Тэматыка Кіно
Лэйбл Міністэрства культуры Рэспублікі Беларусь
Злучаныя праекты «Лістападзік»
listapad.com

Кінафэстыва́ль «Лістапа́д» — штогадовы міжнародны кінафэстываль, які праходзіць у Менску ў лістападзе паводле пастановы Савету Міністраў Рэспублікі Беларусь.

Заснавальнікі й арганізатары[рэдагаваць | рэдагаваць крыніцу]

Пры садзейніцтве:

Мэты[рэдагаваць | рэдагаваць крыніцу]

  • падтрымка ігравога кіно, фармаваньне яго высокага сацыяльна-культурнага статусу
  • захаваньне адзінага кінэматаграфічнай прасторы Расеі, краін СНД і Балтыі, далёкага замежжа
  • разьвіцьцё творчых кантактаў, абмен досьведам і ідэямі паміж кінэматаграфістамі Рэспублікі Беларусь і замежных краін
  • аказаньне садзейніцтва творчай моладзі ў сфэры кінэматаграфіі
  • прадстаўленьне беларускім кінагледачам лепшых кінастужак вытворчасьці апошніх двух гадоў, адзначаных на міжнародных фэстывалях, якія атрымалі высокую адзнаку кінэматаграфістаў і гледачоў
  • ўмацаваньне культурных сувязяў паміж Рэспублікай Беларусь і замежнымі краінамі, а таксама творчых сувязяў паміж кінэматаграфістамі краін-удзельніц кінафоруму
  • папулярызацыя дасягненьняў нацыянальных кінэматаграфіяў

Гісторыя[рэдагаваць | рэдагаваць крыніцу]

Першапачаткова «Лістапад» прадугледжваўся як кінафорум краін СНД і Балтыі. Адбіраліся, як правіла, карціны, якія па тых альбо іншых прычынах не траплялі ў шырокі пракат, але яны ілюстравалі культуру той ці іншай краіны. Менавіта ў такой якасьці ён упершыню паўстаў перад грамадзкасьцю ў лістападзе 1994 году. Цягам часу кінафэстываль пашыраўся, заваяваў аўтарытэт, і ў 2003-м годзе афіцыйна набыў статус міжнароднага. Тады ў Менск прывезьлі карціны з Расеі, Польшчы, ЗША, Ірана, Сэрбіі, Баўгарыі, Чэхіі, Кітая, Японіі.

У 2010 фэстываль паўстаў перад гледачамі ў абноўленым фармаце. Ягоную праграму склалі:

  • асноўны конкурс гульнявога кіно (12 фільмаў)
  • конкурс маладога кіно (9 дэбютных фільмаў рэжысёраў з усяго сьвету, у тым ліку ўпершыню зь Індыі, Пэру, Вэнэсуэлы, Гішпаніі, Уругвая
  • конкурсны паказ не гульнявых фільмаў (20 карцін)
  • конкурс маладога не гульнявога кіно (12 карцін)

У асноўным конкурсе гульнявога кіно была прадстаўлена кінастужка беларускага рэжысэра Андрэя Кудзіненкі «Масакра». Адметнай асаблівасьцю XVII ММКФ «Лістапад» зьяўлялася тое, што яго пераможца вызначыла прафэсійнае журы, а не гледачы, як гэта было ў папярэднія гады. Арганізатары фэстывалю аргумэнтавалі гэта новаўвядзеньне тым, што гледачы ня могуць паглядзець усе конкурсныя фільмы, у лепшым выпадку яны пазнаёмяцца з 30% кінастужак, а гэта ўжо неаб’ектыўна. Прафэсійнае журы, перш чым прыняць рашэньне, абавязкова глядзіць ўсе кінастужкі.

Дырэкцыя[рэдагаваць | рэдагаваць крыніцу]

  • Генадзь Давыдзька — старшыня фэстывалю
  • Анжэліка Крашэўская — дырэктар фэстывалю
  • Ірына Дзям’янава — дырэктар праграмы дакумэнтальнага кіно
  • Ігар Сукманаў — дырэктар праграмы гульнявога кіно
  • Ксенія Даніна — праграмны дырэктар фэстывалю дзіцячага й юнацкага кіно «Лістападзік»

Пераможцы[рэдагаваць | рэдагаваць крыніцу]

«Золата Лістапада»[рэдагаваць | рэдагаваць крыніцу]

Галоўная ўзнагарода кінафэстывалю называецца «Золата Лістапада».

Год Краіна Рэжысэр Фільм
2016 Сьцяг Вугоршчыны Вугоршчына Бенедэк Флігаўф «Лілі Лейн»[1]
2015 Сьцяг Баўгарыі Баўгарыя Петэр Вылчанаў «Урок»[2]
2014 Сьцяг Украіны Украіна Міраслаў Слабапшыцкі «Племя»
2013 Сьцяг Польшчы Польшча Павал Паўлікоўскі «Іда»[3]
2012 Сьцяг Нямеччыны Нямеччына Сяргей Лазьніца «У тумане»[4]
2011 Сьцяг Расеі Расея Бакура Бакурадзэ «Паляўнічы»[5]
2010 Сьцяг Нямеччыны Нямеччына Сяргей Лазьніца «Шчасьце маё»[6]
2009 Сьцяг Баўгарыі Баўгарыя Стэфан Камандараў «Сьвет вялікі і выратаваньне хаваецца за вуглом»
2008 Сьцяг Расеі Расея Станіслаў Гаварухін «Пасажырка»
2007 Сьцяг Нямеччыны Нямеччына Хэнкель Донэрсмарк «Жыцьцё іншых»
2006 Сьцяг Расеі Расея Аляксей Балабанаў «Мне не баліць»
2005 Сьцяг Расеі Расея Станіслаў Гаварухін «Ня хлебам адзіным»
2004 Сьцяг Расеі Расея Павал Чухрай «Кіроўца для Веры»
2003 Сьцяг Расеі Расея Андрэй Зьвягінцаў «Вяртаньне»
2002 Сьцяг Расеі Расея Аляксандар Рагожкін «Зязюля»
2001 Сьцяг Расеі Расея Алег Янкоўскі «Прыходзь на мяне паглядзець»
2000 Сьцяг Расеі Расея Аляксандар Прошкін «Расейскі бунт»
1999 Сьцяг Расеі Расея Станіслаў Гаварухін «Варашылаўскі стралок»

2010 год[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ БелТА. Гран-пры «Лістапада-2016» атрымаў фільм «Лілі Лейн» // Газэта «Наша ніва», 12 лістапада 2016 г. Праверана 29 траўня 2017 г.
  2. ^ Захар Шчарбакоў. Гран-пры XXII кінафэстывалю «Лістапад» атрымала грэцка-баўгарская карціна «Урок» // БелаПАН, 13 лістапада 2015 г. Архіўная копія ад 13 лістапада 2015 г. Праверана 29 траўня 2017 г.
  3. ^ Іна Пілевіч. Адбылася цырымонія закрыцьця ХХ Міжнароднага фэстывалю «Лістапад» // Белтэлерадыёкампанія, 8 лістапада 2013 г. Праверана 29 траўня 2017 г.
  4. ^ Гран-пры «Лістапада» атрымаў «У тумане» // Культура : газэта. — 10 лістарада 2012. — № 45 (1067).
  5. ^ Тацяна Пастушэнка. Гран-пры «Золата Лістапада» атрымаў расейскі фільм «Паляўнічы» // Беларускае тэлеграфнае агенцтва, 14 лістапада 2011 г. Праверана 29 траўня 2017 г.
  6. ^ XVIII Менскі міжнародны кінафэстываль «Лістапад-2011» // БелТА, 3 лістапада 2011 г. Праверана 29 траўня 2017 г.
  7. ^ Матушыч, К. Фільм «Белсата» адзначылі на «Лістападзе» // Газэта «Наша ніва», 12 лістапада 2010 г. Праверана 29 траўня 2017 г.

Вонкавыя спасылкі[рэдагаваць | рэдагаваць крыніцу]