27 траўня

27 тра́ўня — 147-ы дзень году (148-ы ў высакосным годзе) паводле Грыгарыянскага календару. Да канца году застаецца 218 дзён.

Падзеі

• 1606 — у Маскве выбухнула паўстаньне супраць Дзьмітрыя Самазванца I і Марыны Мнішак
• 1625 — кароль і вялікі князь Жыгімонт Ваза надаў Старадубу (Севершчына) Магдэбурскае права і герб
• 1634 — у вёсцы Палянава пачаліся перамовы між прадстаўнікамі Рэчы Паспалітай і Расеі аб заканчэньні вайны 1632—1634 гадоў.
• 1703 — закладзеная Петрапаўлаўская крэпасьць. Гэтая падзея лічыцца днём нараджэньня Санкт-Пецярбургу
• 1793 — у Горадні адбыўся апошні, г. зв. «нямы сойм» Рэчы Паспалітае, які зацьвердзіў другі падзел дзяржавы
• 1919 — Рада Беларускай Народнай Рэспублікі на чале з Антонам Луцкевічам пераехала зь Вільні ў Горадню, дзе заставалася да верасьня 1919 году
• 1909 — заснаваны Індыйскі навуковы інстытут
• 1937 — у Сан-Францыска (ЗША) адкрыўся мост «Залатыя Вароты»
• 1941 — II Сусьветная вайна: згуба лінкара «Бісмарк» паклала канец наступальнае актыўнасьці надводнага флёту Трэцяга Райху
• 1969 — Андрэй Макарэвіч стварыў рок-гурт "Машина времени"
• 1991 — у Менску ўтварылася Міжнародная асацыяцыя беларусістаў
• 1994 — Аляксандр Салжаніцын разам зь сям’ёй вярнуўся з ЗША ў Расею

Нараджэньні

Уладзімер Жылка

• 1846 — Караль Недзялкоўскі, рымска-каталіцкі дзеяч, луцкі біскуп
• 1871 — Ісак Сербаў, беларускі этнограф, фальклярыст, археоляг
• 1878 — Антоні Асяндоўскі, польскі пісьменьнік, журналіст, падарожнік, хімік, географ
• 1895 — Ігнат Дварчанін, беларускі грамадзка-палітычны дзяяч, скарыназнаўца
• 1896 — Міхась Філіповіч, беларускі жывапісец, графік, этнограф, пэдагог
• 1900 — Уладзімер Жылка, беларускі паэт
• 1931 — Васіль Жураўлёў, беларускі літаратуразнаўца.
• 1932 — Анатоль Сабалеўскі, беларускі тэатразнаўца і пэдагог.
• 1937 — Міхась Біч, беларускі гісторык
• 1939 — Анатоль Арсеньевіч Міхайлаў, беларускі філёзаф, акадэмік НАН Беларусі, заснавальнік і прэзыдэнт ЭГУ
• 1941 — Лёйпа Араўха, кубінская балерына, пэдагог, балетмайстар
• 1943 — Валеры Панамароў, беларускі рэжысэр, сцэнарыст і прадусар тэатру і кіно
• 1951 — Ана Бэлен, гішпанская сьпявачка й акторка
• 1957 — Алег Латышонак, беларускі і польскі гісторык, доктар гістарычных навук, старшыня Беларускага гістарычнага таварыства ў Польшчы
• 1971 — Сяргей «Скрыпа» Скрыпнічэнка, лідэр гурта žygimont VAZA

Сьмерці

• 735 — Бэда Вялебны, нартумбрыйскі багаслоў і гісторык
• 1564 — Жан Кальвін, францускі рэфарматар каталіцкае царквы
• 1840 — Нікола Паганіні, італьянскі скрыпач-віртуоз і кампазытар
• 1871 — Кастусь Далеўскі, камандзір паўстаньня Кастуся Каліноўскага, сябра парыскіх камунараў, расстраляны вэрсальцамі
• 1964 — Джавахарлал Нэру, індыйскі палітык

Сьвяты

27 траўня — сховішча мультымэдыйных матэрыялаў