Панцеляймон (Ніжнік)

Зьвесткі зь Вікіпэдыі — вольнай энцыкляпэдыі
(Перанакіравана з «Пётар Ніжнік»)
Перайсьці да навігацыі Перайсьці да пошуку
Панцеляймон (Ніжнік)
Імя пры нараджэньні Пётар Адамавіч Ніжнік
Род дзейнасьці архімандрыт Расейскай праваслаўнай царквы за мяжой
Дата нараджэньня 16 студзеня 1895
Месца нараджэньня Рэчыца, Пружанскі павет, Гарадзенская губэрня, Расейская імпэрыя
Дата сьмерці 13 студзеня 1984
Месца сьмерці Джорданвіль, Нью-Ёрк, ЗША

Архімандры́т Панцеляймо́н, у сьвеце Пётар Адамавіч Ніжнік (16 студзеня 1895, Рэчыца, Пружанскі павет Гарадзенскай губэрні, Расейская імпэрыя — 13 студзеня 1984, Джорданвіль, Нью-Ёрк, ЗША) — архімандрыт Расейскай праваслаўнай царквы за мяжой. Адзін з заснавальнікаў Сьвята-Траецкага манастыру(en) ў Джорданвілі (ЗША).

Жыцьцяпіс[рэдагаваць | рэдагаваць крыніцу]

Нарадзіўся 16 студзеня [ст. ст. 4 студзеня] 1895 року ў Рэчыцы Гарадзечанскай воласьці Пружанскага павету Гарадзенскай губэрні (цяпер у Кобрынскім раёне Берасьцейскай вобласьці).

Калі яму надышло 18 гадоў, бацькі вырашылі ажаніць Пятра. Аднак ён замест гэтага вырашыў зьехаць у Амэрыку на заробкі, і па прыезьдзе ўладкаваўся на працу на цукровы завод ля Чыкага. Падзеі Першай сусьветнай вайны і прыход да ўлады ў Расеі бальшавікоў вымусілі яго адмовіцца ад ідэі вяртаньня на радзіму.

18 красавіка 1918 пайшоў у Ціханаўскі манастыр(ru). У 1920 прыняў манаства і рукапакладзены ў іерадыяканы, а 10 красавіка 1921 — у іераманахі. З мэтаю займець сродкі на адкрыцьцё ўласнага манастыру Панцеляймон уладкаваўся на працу на аэраплянны завод Сікорскага ў Стратфардзе.

Надзел для будучае будоўлі быў набыты ў 1928 року. Пабудова пачалася ў 1930 року з дабраславеньня архіяпіскапа Паўночна-Амэрыканскага Апалінарыя. Комплекс манастыра быў асьвечаны ў 1935 року пад тытулам Сьвятой Тройцы. Панцеляймон быў ягоным настаяцелем да 1946 року.

У 1950 ігумен Панцеляймон узьведзены ў сан архімандрыта.

У 1955 згаданы як трасьціст (чалец апякунскай рады) Усходне-Амэрыканскай і Джэрзэйсыцкай япархіі Расейскай праваслаўнай царквы за мяжой. У 1964 згаданы як трасьціст Усходне-Амэрыканскай і Нью-Ёрскай япархіі РПЦМ[1].

Памёр у 1984 року, пахаваны на могілках Сьвята-Траецкага манастыру.

Крыніцы і заўвагі[рэдагаваць | рэдагаваць крыніцу]

  1. ^ Архимандрит Пантелеимон (Нижник Петр Адамович) ( 1895 — 1985)(рас.) Религиозные деятели русского зарубежья. Религиозная деятельность русского зарубежья: Биобиблиографический справочник. Праверана 2 кастрычніка 2012 г.

Літаратура[рэдагаваць | рэдагаваць крыніцу]

  • Е. А. Александров Русские в Северной Америке: Биографический словарь / Под редакцией К. М. Александрова, А. В. Терещука. — Хэмден (Коннектикут, США) — Сан-Франциско (США) — Санкт-Петербург (Россия): 2005. — 599 с. — 1000 ас. — ISBN 5-8465-0388-8

Вонкавыя спасылкі[рэдагаваць | рэдагаваць крыніцу]