11 лютага

11 лю́тага — 42-і дзень году паводле Грыгарыянскага календару. Да канца году застаецца 323 дні (324 у высакосным годзе).

Падзеі

• 1700 — войскі Рэчы Паспалітае без абвешчаньня вайны ўвайшлі ў Швэдзкія Інфлянты і распачалі аблогу Рыгі, што стала пачаткам Вялікай Паўночнай вайны
• 1858 — чатырнаццацігадовая Бэрнадэта Субіру паведаміла пра першае з васямнаццаці зьяўленьняў Панны Марыі ў Люрдзе (Францыя), у выніку чаго места пераўтварылася ў цэнтар паломніцтва каталікоў з усяго сьвету
• 1889 — у Японіі набыла сілу Канстытуцыя Мэйдзі
• 1922 — Фрэдэрык Бантынг вынаходзіць інсулін
• 1929 — падпісаньне Лятэранскай дамовы ў Рыме, у выніку чаго створаны Ватыкан
• 1959 — у Менску адбылося ўрачыстае адкрыцьцё Дзяржаўнага цырку
• 1963 — The Beatles за адзін дзень запісалі свой першы альбом «Please Please Me»
• 1979 — дзяржаўны пераварот у Іране, зрынаньне шаха Мухамэда Пэхлеві
• 1989 — у Беластоку ўтварыўся Беларускі клюб, які даў пачатак беларускаму палітычнаму руху ў Польшчы
• 1990 — па працяглым зьняволеньні на свабоду выйшаў змагар з апартэідам Нэльсан Мандэла
• 1992 — пачаўся страйк шахцёраў у Салігорску
• 2011 — перамога рэвалюцыі ў Эгіпце: прэзыдэнт Хосьні Мубарак падаў у адстаўку, перадаўшы ўладу Найвышэйшай радзе ўзброеных сілаў.
• 2015 — у Менску прайшла сустрэча «нармандзкай чацьвёркі» (лідэраў Украіны, Расеі, Нямеччыны і Францыі) — міжнародная спроба разьвязаць канфлікт на Данбасе дыпляматычнымі сродкамі.

Нараджэньні

• 1535 — Рыгор XIV, рымскі Папа
• 1657 — Бэрнар ле Баўе дэ Фантэнэль, францускі пісьменьнік і навуковец
• 1807 — Напалеон Орда, беларускі мастак і кампазытар
• 1847 — Томас Эдысан, амэрыканскі вынаходнік у галіне электрычнасьці
• 1873 — Фёдар Шаляпін, расейскі сьпявак
• 1875 — Васіль Качалаў, актор расейскага тэатру
• 1902 — Любоў Арлова, савецкая акторка
• 1935 — Мікола Кусянкоў, беларускі пісьменьнік
• 1938 — Мануэль Нар’еґа, панамскі вайсковец і палітык, былы прэзыдэнт Панамы
• 1954 — Генадзь Нявыглас, беларускі дзяржаўны дзеяч
• 1968 — Юры Жыгамонт, беларускі актор і тэлевядучы

Сьмерці

• 731 — Рыгор II, рымскі Папа
• 1650 — Рэнэ Дэкарт, францускі матэматык і філёзаф
• 1938 — Казімеж Твардоўскі, польскі філёзаф, лёгік
• 1948 — Сяргей Эйзэнштэйн, кінарэжысэр
• 1979 — Мікола Гарошка, беларускі дзеяч на эміграцыі
• 2012 — Ўітні Г’юстан амэрыканская поп-, соўл-і рытм-н-блюзавая сьпявачка

Сьвяты

• у Беларусі традыцыйна ўшаноўваецца Ігнат

• Студзень
• Люты
• Сакавік
• Красавік
• Травень
• Чэрвень
• Ліпень
• Жнівень
• Верасень
• Кастрычнік
• Лістапад
• Сьнежань

11 лютага — сховішча мультымэдыйных матэрыялаў