24 лютага

24 лю́тага — 55-ы дзень году паводле Грыгарыянскага календару. Да канца году застаецца 310 дзён (311 у высакосным годзе).

Падзеі

• 1918 — падпісаньне Дэклярацыі незалежнасьці Эстоніі
• 1993 — Юкіхіра Мацумота распрацаваў мову праграмаваньня Ruby
• 1997 — Землятрус магнітудай 6,5 ў Туркмэністане і Іране. Загінула 100 чалавек
• 2003 — Землятрус магнітудай 6,3 ў кітайскай правінцыі Сіньцзян. Загінуў 261 чалавек
• 2004 — Моцны землятрус у Марока магнітудай 6,3 з эпіцэнтрам у Гібральтарскім праліве. Загінула 600 чалавек
• 2022 — пачатак расейскага ўварваньня ва Ўкраіну

Нараджэньні

• 1103 — Тоба, 74-ы імпэратар Японіі
• 1304 — Ібн Батута, арабскі дасьледчык
• 1463 — Джаваньні Піка дэля Мірандола, італьянскі філёзаф
• 1497 — Сэбасьцян Фрошэль, нямецкі тэоляг-рэфарматар
• 1500 — Карл V, імпэратар Сьвяшчэннай Рымскай імпэрыі
• 1501 — Сікстус Бірк, нямецкі драматург і царкоўны паэт
• 1619 — Шарль Лебрун, францускі мастак і арнамэнталіст
• 1747 — Мацей Павал Мажджанеўскі, рымска-каталіцкі дзяяч
• 1786 — Вільгельм Грым, нямецкі казачнік, малодшы брат Якаба Грыма
• 1837 — Расалія дэ Кастра, гішпанская пісьменьніца і паэтка
• 1849 — Франц Скарбіна, нямецкі мастак
• 1879 — Юзэф Тэадор Акінчыц, францускі хірург польскага паходжаньня
• 1887 — Борыс Косьціч, сэрбскі шахматыст
• 1902:
  • Янка Геніюш, беларускі грамадзкі дзяяч, ахвяра палітычных рэпрэсій, муж паэткі Ларысы Геніюш
  • Янка Хвораст, беларускі танцоўшчык, балетмайстар, зьбіральнік беларускага харэаграфічнага фальклёру
• 1910 — Васіль Сідар-Шэлест, украінскі вайсковы дзяяч, адзін з кіраўнікоў УПА
• 1918 — Эдвард Кісель, рымска-каталіцкі дзяяч Польшчы, першы біскуп беластоцкі
• 1932 — Джон Вэрнан, канадзкі актор
• 1932 — Мішэль Легран, францускі кампазытар, піяніст, актор
• 1935 — Рыгор Барадулін, беларускі паэт
• 1946 — Міхаэль Рэдфард, брытанскі кінарэжысэр
• 1955 — Ален Прост, францускі аўтагоншчык
• 1955 — Стывэн Джобс, заснавальнік кампаніі «Apple Computer»
• 1968 — Марцін Вагнэр, футбаліст
• 1968 — Іманоль Агірэчэ, гішпанскі футбаліст

Сьмерці

• 1760 — Мацей Догель, беларускі гісторык
• 1859 — Соф’я Мальская, маці Каятана, Люцыяна і Юзэфа Крашэўскіх
• 1863 — Карл Альбрэхт, расейскі кампазытар
• 1903 — Баляслаў Геранім Клапатоўскі, рымска-каталіцкі дзяяч, луцка-жытомірскі біскуп, арцыбіскуп магілёўскі
• 1922 — Ядвігін Ш., беларускі празаік, публіцыст, драматург
• 1953 — Аўгуст Эміль Фельдарф, польскі генэрал-падпольнік
• 1972 — Казімер Марач, савецкі вайсковы марак, што загінуў падчас аварыі на АПЛ «К-19»
• 2001 — Клод Шэнан, амэрыканскі матэматык і інжынэр, стваральнік тэорыі інфармацыі

Сьвяты

• У Беларусі традыцыйна ўшаноўваецца Аўлас. Як піша этнограф Уладзімер Васілевіч, «Аўласа народ лічыў апекуном свойскай жывёлы, а ягоны дзень, адпаведна, каровіным ці конскім сьвятам». На конях у гэты дзень не працавалі
• Дзень незалежнасьці Эстоніі

24 лютага — сховішча мультымэдыйных матэрыялаў