Махачкала

Махачкала лац. Machačkała рас. Махачкала
Населены пункт
Сьцяг Герб
Краіна	Расея
Суб’ект фэдэрацыі	Дагестан
Дата заснаваньня	1844
Кіраўніцтва і ўлада
Кіраўнік адміністрацыі	Муса Мусаеў[d]
Геаграфія
Плошча	468,13 км²
Вышыня НУМ	10 м
Часавы пас	UTC+3
Каардынаты	42°59′ пн. ш. 47°29′ у. д.
Насельніцтва
Колькасьць	820 000 чал. (2006)
Лічбавыя ідэнтыфікатары
Тэлефонны код	8722
Паштовы індэкс	367000–367999
Нумарны знак	05
Сайт	mkala.ru
Махачкала на мапе Расеі Махачкала

Махачкала́ (па-расейску: Махачкала) — места (з 1857) у паўднёва-заходняй Расеі, адміністрацыйны цэнтар Рэспублікі Дагестан. Насельніцтва места 780 тыс. чал. (2006), аглямэрацыі — 820 тыс. чал. (2006). Нацыянальны склад (1989): расейцы — 21,5%; аварцы — 19,1%; кумыкі — 14,3%; лакцы — 9,5%; даргінцы — 11,1%; лезгіны — 9,6%. Заснаванае ў 1844 годзе.

Махачкала разьмешчаная на заходнім беразе Касьпійскага мора, на вузкай паласе Прыморскай нізіны, ля падножжа гары Таркі-Таў, каля перадгор’яў Вялікага Каўказу, за 2166 км ад Масквы. Даўней гэтая мясьціна называлася «Дагестанскім калідорам».

Гісторыя

Значную ролю ў гісторыі барацьбы за валоданьне гэтым калідорам адыграў Таркі-аул, разьмешчаны на тэрыторыі сучаснай Махачкалы. Таркі быў вядомы ўжо з 15 ст. як гандлёвы цэнтар, празь які праходзіў караванны шлях да места Дзярбент — аднаго з найстарэйшых гарадоў сьвету і найстаражытнага места сучаснае Расеі. Існуе думка, што на месцы сучаснай Махачкалы з 7 ст. знаходзілася сталіца Хазарскага каганату — места Сэмэндэр.

Место было заснаванае ў 1844 годзе як расейскае вайсковае ўмацаваньне Пятроўскае, якое сярод горцаў было вядомае пад назвай Анджы-Кала (земляная фартэцыя), у 1857 годзе было перайменаванае ў Порт-Пятроўск, што зьвязана зь легендай, якая распавядае, што за часы Пэрсыдзкай выправы 1722 году ў гэтым месьце быў лягер войскаў расейскага цара Пятра І.

Сучасная назва Махачкала паходзіць ад імені вядомага змагара за савецкую ўладу Магамеда-Алі (Махача) Дахадаева. Гэтае імя горад атрымаў у 1921 годзе.

Махачкала моцна пацярпела ад землятрусу 14 траўня 1970 году.

Культура

Большасьць насельніцтва места вызнае суніцкі іслам.

Прамысловасьць

Машынабудаваньне і мэталаапрацоўка: вытворчасьць электразварачнага абсталяваньня, сэпаратараў, шматкоўшавых экскаватараў, прыбораў, абсталяваньня для харчовай прамысловасьці і інш. Хімічная і лёгкая прамысловасьць (у тым ліку рыбная, кансэрвавая, вінаробная). Вытворчасьць будаўнічых матэрыялаў: шкловалакно, сылікатная цэгла, жалезабэтонныя канструкцыі. Махачкалінскі гандлёвы порт зьдзяйсьняе перавалку грузаў, у асноўным нафтапрадуктаў, якія паступаюць з Баку, Туркмэнбашы, Астрахані і інш.

Вонкавыя спасылкі

• Махачкала — City: Інфармацыйна-забаўляльны партал места (рас.)