Барак Абама

	Барак Абама
44-ы Прэзыдэнт ЗША
	20 студзеня 2009 — 20 студзеня 2017
Папярэднік:	Джордж Ўокер Буш
Наступнік:	Дональд Трамп
Сэнатар ЗША ад штату Іліной
	4 студзеня 2005 — 16 лістапада 2008
Папярэднік:	Пітэр Фіцжэральд
Наступнік:	Роланд Бэрыс
Чалец сэнату штату Іліной
	8 студзеня 1997 — 4 лістапада 2004
Прэзыдэнт:	Біл Клінтан; Джордж Ўокер Буш
Папярэднік:	Эліс Палмэр
Наступнік:	Кўамэ Раўл
Асабістыя зьвесткі
Нарадзіўся:	4 жніўня 1961[…] (62 гады); Ганалулу, штат Гаваі, ЗША
Партыя:	Дэмакратычная партыя ЗША
Сужэнец:	Мішэль Абама
Дзеці:	Малія,; Саша
Бацька:	Барак Гусэйн Абама[d]
Маці:	Эн Дангэм[d]
Адукацыя:	Калюмбійскі ўнівэрсытэт; Гарвард
Узнагароды:	King Abdulaziz Medal[d] (2009) ; ; асоба году паводле часопіса Time[d] (2008) асоба году паводле часопіса Time[d] (2012) NAACP Image Award for Outstanding Literary Work, Nonfiction[d] (2007, 2021) NAACP Image Award — Узнагарода ад старшыні[d] (2005) Нямецкая мэдыяпрэмія[d] (2016) ганаровы доктар Універсітэта Нотр-Дам[d] honorary doctor of the Northwestern University[d] honorary doctor of the University of Johannesburg[d] Ромы[d] Primetime Emmy Award for Outstanding Narrator[d] (3 верасьня 2022) Financial Times Person of the Year[d] (2008) Phoenix Award[d] (2008) Audie Award for Narration by the Author[d]
	Барак Абама ў Вікісховішчы

Бара́к Гусэ́йн Аба́ма II (па-анґельску: Barack Hussein Obama II; нарадзіўся 4 жніўня 1961 году) — 44-ы прэзыдэнт ЗША (2009—2017), сэнатар ЗША ад штату Іліной (2005—2009), чалец Дэмакратычнай партыі. Ляўрэат Нобэлеўскае прэміі міру 2009 году за «надзвычайныя намаганьні дзеля ўзмацненьня міжнароднай дыпляматыі і супрацоўніцтва паміж народамі»^[7].

Біяграфія[рэдагаваць | рэдагаваць крыніцу]

Бацька Абамы — кеніец, мама — нарадзілася ў Канзасе, мае брытанскія і ірляндзкія карані. Ад 6 гадоў выхоўваўся ў сям’і айчыма-інданэзійца, жыў у Джакарце. У 1971 годзе вярнуўся на Гаваі, жыў з бацькамі мамы^[8]. Галоўным канкурэнтам Абамы на выбарах 2008 году быў сэнатар ад Рэспубліканскай партыі Джон Макейн. Канкурэнткай Абамы ўнутры самой Дэмакратычнай партыі была жонка былога прэзыдэнта Біла Клінтана Гілары Клінтан. 7 чэрвеня 2008 году Гілары Клінтан заявіла аб спыненьні змаганьня за вылучэньне яе кандыдатуры на пост прэзыдэнта ЗША. У перадвыбарчай кампаніі Барак Абама выступаў супраць вайны ў Іраку, але за прыцягненьне дадатковых вайсковых сілаў ЗША ў Аўганістан. 5 лістапада 2008 году Барак Абама быў выбраны 44-м прэзыдэнтам ЗША^[9].

Абама — першы афраамэрыканец, высунуты на пост прэзыдэнта ЗША і першы ў гісторыі ЗША афраамэрыканец, які стаў кіраўніком дзяржавы. Пачатак ягонага прэзыдэнцкага тэрміну супаў з сусьветным эканамічным крызісам. Плян па пераадоленьні крызісу, прапанаваны Абамам Сэнату ЗША, заключаўся ў выдаткаваньні $ 787 млрд для пераадоленьня рэцэсіі. Гэты плян атрымаў назву «Біль стымулу» (па-анґельску: the Stimulus Bill). Таксама былі зробленыя датацыі банкам ды буйным машынабудаўнічым прадпрыемствам ЗША. На працягу першага году прэзыдэнцтва Барака Абамы ягоны рэйтынг няўхільна зьніжаўся^[10].