Чэхія: розьніца паміж вэрсіямі
д робат дадаў: srn:Tsjekikondre |
д робат зьмяніў: gl:República Checa - Česká republika |
||
Радок 215: | Радок 215: | ||
[[gag:Çehiya]] |
[[gag:Çehiya]] |
||
[[gd:An t-Seic]] |
[[gd:An t-Seic]] |
||
[[gl: |
[[gl:República Checa - Česká republika]] |
||
[[gan:捷克]] |
[[gan:捷克]] |
||
[[xal:Чекмудин Орн]] |
[[xal:Чекмудин Орн]] |
Вэрсія ад 08:05, 16 студзеня 2011
Чэхія Česká republika | |||||
| |||||
Нацыянальны дэвіз: «Pravda vítězí» | |||||
Дзяржаўны гімн: «Kde domov můj» | |||||
Афіцыйная мова | чэская | ||||
Сталіца | Прага | ||||
Найбуйнейшы горад | Прага | ||||
Форма кіраваньня | Прэзыдэнцкая рэспубліка Вацлаў Клаўс Ян Фішэр | ||||
Плошча • агульная • адсотак вады |
116-е месца ў сьвеце 78 866 км² 2% | ||||
Насельніцтва • агульнае (2009) • шчыльнасьць |
78-е месца ў сьвеце 10 506 813 132/км² | ||||
Этнічны склад | чэхі (94%), славакі (4%)[1] | ||||
Канфэсійны склад | атэісты (40%), каталікі (39%), пратэстанты (3%) | ||||
Пісьменнасьць | 99%[1] | ||||
СУП • агульны (2008) • на душу насельніцтва |
39-е месца ў сьвеце $261,777 млрд $25 118 | ||||
Валюта | Чэская крона (CZK) | ||||
Часавы пас • улетку |
CET (UTC+1) СEST (UTC+2) | ||||
Незалежнасьць — падзел Чэхаславаччыны |
1 студзеня 1993 | ||||
Аўтамабільны знак | CZ | ||||
Дамэн верхняга ўзроўню | .cz | ||||
Тэлефонны код | +420 |
Чэ́хія, Чэ́ская Рэспу́бліка (па-чэску: Česko, Česká republika) — краіна, якая знаходзіцца пасярод Цэнтральнай Эўропы.
Чэхія мае мяжу зь Нямеччынай (810,7 км) на захадзе, з Аўстрыяй (466,1 км) на поўдні, са Славаччынай (251,8 км) на ўсходзе й з Польшчаю (761,8 км) на поўначы. Чэхія складаецца з трох гістарычных рэгіёнаў — Багемія (Čechy), Маравія (Morava) й чэская Сілэзія (České Slezsko).
Гicторыя
Першыя паселiшчы зьявiлiся ў Чэхіi ў пэрыяд нэаліту. У 3 стагодзьдзi да нашай эры сюды прыйшлi кельцкiя плямёны. Пазьней iх зьмянiлi германскiя плямёны. Славяне з рэгiёнаў Чорнага мора й Карпацкiх гор прыйшлi на тэрыторыю сучаснай Чэхіi ў 5 стагодзьдзi. У 7 стагодзьдзi была створаная першая славянская дзяржава — Вялікая Маравія. У 874 годзе тут было прынята хрысьціянства. Пасьля непрацяглага вугорскага нашэсьця ў 10 стагодзьдзi на месцы Вялiкай Маравii ўтварылася новая дзяржава — Багемія. У 14 стагодзьдзi Багемія стала часткай Сьвяшчэннай Рымскай імпэрыi. З таго часу й да 1918 году чэскія землi знаходзiлiся пад уладай немцаў цi аўстрыйцаў. Чэхі неаднаразова ўздымалi паўстаньнi. Самымi буйнымi былi паўстаньнi 15 і 17 стагодзьдзяў. Яны ўвайшлi ў гiсторыю пад назвамi Гусіцкія войны й Багемскае паўстаньне (якое паклала пачатак Трыццацiгадовай Вайне) адпаведна. У вынiку распаду Аўстра-Вугоршчыны ў 1918 годзе чэхі разам са славакамi стварылi незалежную рэспублiку Чэхаславаччыну. Але праicнавала яна нядоўга. У 1938 годзе Нямеччына далучыла да сваёй тэрыторыi Судзецкую вобласьць, асноўную частку насельнiцтва якой складалi немцы, а ў 1939 — усю астатнюю тэрыторыю Чэхаславаччыны. Пасьля паражэньня нацысцкай Нямеччыны ў траунi 1945 году Чэхаславаччына ўвайшла ў сфэру ўплыву СССР. У 1968 годзе ўваход у Чэхаславаччыну войска краiн Варшаўскай Дамовы прыпынiў спробы кiраунiцтва краiны лiбэралiзаваць жыцьцё падчас Праскай Вясны. У 1989 годзе Чэхаславаччына аднавiла сваю свабоду.1 студзеня 1993 году дзяржава мiрна падзялiлася на дзьве незалежныя краiны: Чэхію i Славаччыну. У 1999 годзе Чэхія сталася чальцом NATO, а ў 2004 — Эўрапейскага Зьвязу.
Палiтычны лад
Згодна з канстытуцыяй, Чэхія — парлямэнцкая рэспубліка. Кiраўнiк дзяржавы — прэзыдэнт, якi абiраецца парлямэнтам тэрмiнам на 5 гадоў. Прэзыдэнт таксама мае асаблiвыя паўнамоцтвы прызначаць судзьдзяў Канстытуцыйнага Суду, распускаць парлямэнт пры пэўных умовах, блакаваць рашэньнi парлямэнту. Ён таксама прызначае прэм’ер-міністра, якi вызначае ўнутраную i зьнешнюю палiтыку, а таксама iншых чальцоў кабiнету па прапанове прым’ер-міністра. Чэскі парлямэнт складаецца зь дзьвюх палат: Палаты прадстаўнiкоў i Сэнату. 200 чальцоў Палаты прадстаунiкоў абiраюцца тэрмiнам на 4 гады па сыстэме прапарцыянальнага прадстаўнiцтва. 81 чалец Сэнату абiраецца на 6 гадоў. Трэцяя частка Сэнату зьмяняецца кожныя 2 гады. Чальцы Канстытуцыйнага Суду прызначаюцца прэзыдэнтам тэрмiнам на 10 гадоў.
Адміністрацыйна-тэрытарыяльны падзел
Найбуйнейшай адміністрацынай адзінкай Чэскай Рэспублікі зьяўляецца край. У 2000 годзе Чэская Рэспубліка была падзеленая на 14 краеў:
Край | Сталіца | Насельніцтва (2003) | |
---|---|---|---|
Галоўнае места Прага | Прага | 1 160 118 | |
Сярэднячэскі | Прага | 1 125 735 | |
Паўднёвачэскі | Чэскія Будзэёвіцы | 624 778 | |
Пльзэньскі | Пльзэнь | 549 369 | |
Карлаварскі | Карлавы Вары | 303 761 | |
Усьцецкі | Усьці над Лабэм | 819 442 | |
Лібэрэцкі | Лібэрэц | 427 418 | |
Кралёваградэцкі | Градэц Краловэ | 548 698 | |
Пардубіцкі | Пардубіцы | 506 849 | |
Высачына | Йіглава | 517 959 | |
Паўднёвамараўскі | Брно | 1 122 759 | |
Оламоўцкі | Оламоўц | 637 401 | |
Зьлінскі | Зьлін | 593 458 | |
Мараўскасілескі | Острава | 1 264 347 |
Геаграфiя
Рэльеф краiны складаецца з раўнiн i схiлаў, вакол якiх знаходзяцца горы: Рудныя горы, Чэскі лес, Шумава, Крконошэ, Бэскіды. Самая высокая кропка краiны — гара Сьнежка ў Крконошах, на мяжы з Польшчай. Усходняя частка краiны ў асноўным складаецца са схiлаў. Лес займае 35% плошчы Чэхіi. Найбуйнейшыя рэкі — Лабэ, Влтава, Марава, Дыя, Одра. Асноўныя карысныя выкапні — вугаль, каалін, уран.
Эканомiка
Чэская эканомiка адна з самых пасьпяховых сярод посткамунiстычных эканомiк. Галоўная праблема — высокi ўзровень карупцыi. Вялікая дзяржаўная запазычанасьць можа стаць сур’ёзнай праблемай у будучынi. Завяршэньне прыватызацыi ў галiне тэлекамунiкацыяў, а таксама ў банкаўскай i энэргетычнай сфэрах павiнна даць новы iмпульс разьвiцьцю эканомiкi. Чэскі ўрад мае намер увесьцi эўра ў 2010 годзе.
Насельніцтва
Большасьць насельнiцтва Чэхіi (95%) cкладаюць этнiчныя чэхі й размауляюць па-чэску, а таксама славакi (2%), немцы, цыганы, вугорцы, украінцы, палякі. Нягледзячы на вялiкую колькасьць рэлiгiйных будынкаў большасьць жыхароў Чэхіi cкладаюць атэісты (59%), каталікі cкладаюць 27%, пратэстанты — 1,2%, гусіты — 1%.
Крыніцы
Вонкавыя спасылкі
Чэхія — сховішча мультымэдыйных матэрыялаў