Хмяльніцкая вобласьць

Хмяльніцкая вобласьць
Хмельницька область
Герб	Сьцяг
Агульныя зьвесткі
Краіна	Украіна
Статус	вобласьць
Адміністрацыйны цэнтар	Хмяльніцкі
Улучае	20 раёнаў
Найбольшы горад	Хмяльніцкі
Іншыя буйныя гарады	Камянец-Падольскі, Шапятоўка
Дата ўтварэньня	23 верасьня 1937 року
Губэрнатар	І.К.Гаўчук
Афіцыйныя мовы	украінская
Насельніцтва (2006)	1,373 млн. (2,93%, 13-е месца)
Шчыльнасьць	66,67 чал./км²
Плошча	20,6 тыс. км² (3,41%)
Вышыня па-над узр. м.  · найвышэйшы пункт  · найніжэйшы пункт	409 м  121 м
Шырата	ад 48°27' да 50°37' п. ш.
Даўгата	ад 26°09' да 27°56' у. д.
Месцазнаходжаньне
Мэдыя-зьвесткі
Часавы пас	GMT +2
Код ISO 3166-2	UA-68
Тэлефонны код	+38 038
Паштовыя індэксы	29xxx, 30xxx, 31xxx, 32xxx
Інтэрнэт-дамэн	khmelnitskiy.ua; km.ua
Код аўтам. нумароў	BX
Афіцыйны сайт
Дадатковыя мультымэдыйныя матэрыялы

Хмяльні́цкая во́бласьць (па-ўкраінску: Хмельни́цька о́бласть) — адміністрацыйна-тэрытарыяльная адзінка ва Ўкраіне. Плошча вобласьці складае 20,6 тыс. км². Насельніцтва — 1,373 млн. чалавек (2006). Адміністрацыйны цэнтар — места Хмяльніцкі.

Геаграфічныя зьвесткі

Месцазнаходжаньне

Разьмешчаная на захадзе Украіны.

На паўночным захадзе мяжуе з Ровенскай, на паўночным усходзе з Жытомірскай, на ўсходзе зь Віньніцкай, на поўдні з Чарнавіцкай, на захадзе з Тэрнопальскай абласьцямі Ўкраіны.

Клімат

Клімат умерана кантынэнтальны.

Рэльеф

Большую частку тэрыторыі вобласьці займае Падольскае ўзвышша, на паўночным захадзе ў межы вобласьці заходзіць Валынскае ўзвышша, а на поўначы — Палеская нізіна. Паверхня — хвалістая раўніна, якая ўздымаецца на паўночны захад і паніжаецца на поўдзень і паўднёвы ўсход. Асабліва сільна парэзаная яе паўднёва-заходняя частка вузкімі далінамі мэрыдыянальных левых прытокаў Днястра.

Паўднёвы захад перацягвае Таўтровы камлюк, на якім разьмешчаны найвышэйшы пункт вобласьці — гара Вялікая Бугаіха (409 м). Тут пашыраныя карставыя формы рэльефу, трапляюцца пячоры (Атлантыда, Залучанская).

Крайні поўдзень мае градападобную паверхню, парэзаную каньёнападобнымі далінамі прытокаў Днястра. Узровень Днястроўскага вадасховішча (121 м) зьяўляецца найніжэйшым пунктам вобласьці.

Водныя аб'екты

Па тэрыторыі вобласьці цякуць 120 рэчак даўжынёй звыш 10 км кожная. Найвялікшая — Днестар з прытокамі Збруч, Смотрыч, Ушыца; Паўднёвы Буг з прытокамі Бужок, Воўк, Іква; рэкі Дняпроўскага басэйну — Гарынь, Случ, Хамора.

Азёраў мала. Сустракаюцца пераважна ў басэйне Гарыні. Найвялікшае вадасховішча — Днястроўскае. Пабудавана 1858 сажалак і вадасховішчаў, галоўным чынам у басэйнах Гарыні ды Паўднёвага Буга

Гісторыя

Вобласьць была ўтвораная 22 верасьня 1937 року. Да 4 студзеня 1954 року насіла назву Камянец-Падольская вобласьць. Першапачаткова адміністрацыйным цэнтрам было места Камянец-Падольскі (да 1940 року).

Адміністрацыйна-тэрытарыяльны падзел

Вобласьць налічвае 20 раёнаў, 13 местаў, зь якіх 6 — абласнога значэньня, 24 мястэчкі, 5 пасёлкаў, 1410 вёсак.

Месты

Абласнога значэньня

• Камянец-Падольскі
• Няцешын
• Славута
• Стараканстантынаў
• Хмяльніцкі
• Шапятоўка

Раённага значэньня

• Валачыск
• Гарадок
• Дунаеўцы
• Дэражня
• Ізяслаў
• Красылаў
• Палоннае

Вонкавыя спасылкі

Хмяльніцкая вобласьць — сховішча мультымэдыйных матэрыялаў