Фабію Куэнтран

Фабію Куэнтран
Пэрсанальная інфармацыя
Нарадзіўся	11 сакавіка 1988 Віла-ду-Кондэ, Партугалія
Рост	178 см
Вага	72 кг
Пазыцыя	абаронца
Клюбная інфармацыя
Клюб	Рэал Мадрыд
Нумар	15
Клюбы
Гады	Клюб	Гульні (галы)¹
2005—2007 2007—2011 2008 2008 2009 2011—	Рыю Авэ Бэнфіка → Насьёналь (арэнда) → Сарагоса (арэнда) → Рыю Авэ (арэнда) Рэал Мадрыд	29 (5) 52 (2) 16 (4) 1 (0) 16 (3) 14 (0)
Зборныя
2009—	Партугалія	19 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 26 лютага 2012. ² Колькасьць гульняў і галоў за нацыянальную зборную ў афіцыйных матчах, адкарэктавана на 29 лютага 2012.

Фабію Алешандры да Сылва Куэнтран (па-партугальску: Fábio Alexandre da Silva Coentrão; нарадзіўся 11 сакавіка 1988 года, Віла-ду-Кондэ, Партугалія) — партугальскі футбаліст, левы ўінгер гішпанскага клюба «Рэал Мадрыд» і нацыянальнай зборнай Партугаліі.

Кар’ера

«Рыю Авэ»

Першым прафэсійным клюбам Фабію стаў «Рыю Авэ» з роднага горада Віла-ду-Кондэ, зь якім Куэнтран заключыў кантракт перад сэзонам 2004—2005 гадоў. Дэбютаваў у вышэйшай лізе Партугаліі 14 кастрычніка 2005 году ў сямнаццацігадовым ўзросьце, усяго ў першым сэзоне правёў 3 гульні. Паводле выніках чэмпіянату «Рыю Авэ» заняў апошняе 16-е месца й вылецеў у другую лігу. У наступным сэзоне 2005—2006 году Куэнтран стаў гульцом асноўнага складу, правёў 25 гульняў і забіў 4 голы. У лютым 2007 году правёў тыднёвую стажыроўку ў «Чэлсі», паводле выніках якой Жазэ Маўрынью аптымістычна ацаніў дадзеныя футбаліста й паабяцаў у далейшым сачыць за прагрэсам Куэнтран.

«Бэнфіка»

У тым жа міжсэзоньні 2007 году заключыў шасьцігадовы кантракт з «Бэнфікай». Куэнтран дэбютаваў у лісабонскай камандзе ў матчы 3-га кваліфікацыйнага раўнду Лігі чэмпіёнаў супраць «Капэнгагена», правёўшы на полі другі тайм. Усяго ў 2007 годзе ў чэмпіянаце Партугаліі правёў 3 гульні й у студзені 2008 году быў аддадзены ў арэнду ў клюб вышэйшай лігі «Насьёнал».

У ліпені 2008 году быў анансаваны пераход на правах арэнды ў нідэрляндзкі «Фэеноорд». Нягледзячы на тое, што бакі прыйшлі да папярэдняй згоды, зьдзелка не была зьдзейсненая й Куэантраў на правах арэнды перайшоў у клюб другой гішпанскай лігі «Рэал Сарагоса». У «Сарагосе» прыняў удзел у адной гульні, выйшаўшы на замену на 82 хвіліне ў матчы супраць «Дэпартыва Алявэс» пры ліку 4:2. У выніку ў студзені 2009 году вярнуўся ў Партугалію й на правах арэнды правёў палову сэзона ў родным «Рыю Авэ».

«Рэал Мадрыд»

5 ліпеня 2011 году быў набыты мадрыдзкім «Рэалам» за 30 мільёнаў эўра.

Міжнародная кар’ера

Улетку 2007 году ў складзе зборнай Партугаліі да 20 гадоў згуляў у моладзевым чэмпіянаце сьвету, прыняўшы ўдзел у 3 гульнях.

Пасьля таго, як Фабію дасягнуў пахвалы ў «Бэнфіцы», яго сталі выклікаць у асноўную зборную Партугаліі. Разам зь ёй ён прыняў удзел у фінальным турніры чэмпіянату сьвету ў ПАР, дзе правёў усе 4 матчы зборнай Партугаліі.

Дасягненьні

Клюбныя

Бэнфіка

• Чэмпіён Партугаліі: 2010
• Уладальнік Кубка Партугальскай лігі (2): 2010, 2011

Вонкавыя спасылкі

Фабію Куэнтран — сховішча мультымэдыйных матэрыялаў

• Профіль на афіцыйным сайце Рэал Мадрыд
• Профіль на Transfermarkt.de