Перайсьці да зьместу

Уля Тойванэн

Зьвесткі зь Вікіпэдыі — вольнай энцыкляпэдыі
Уля Тойванэн
Пэрсанальная інфармацыя
Нарадзіўся 3 ліпеня 1986(1986-07-03)[1][2] (39 гадоў)
Рост 190 см
Вага 75 кг
Пазыцыя паўабаронца
Клюбы
Гады Клюб Гульні (галы)¹
2003—2005 Дэгерфарс[d] 41 (8)
2006 Эргрутэ Гётэборг 25 (6)
2007—2008 Мальмё 51 (17)
2009—2014 ПСВ Эйндговэн 139 (61)
2014—2016 Рэн 46 (14)
2015—2016 → Сандэрлэнд 12 (0)
2016—2018 Тулюза 58 (7)
2018—2020 Мэльбурн Віктары[d] 38 (23)
2020—2022 Мальмё 54 (14)
Эргрутэ[d]
Зборныя
2003 Швэцыя (да 17)[d] 2 (0)
2004 Швэцыя (да 18)[d] 6 (3)
2004—2005 Швэцыя (да 19)[d] 11 (6)
2006—2009 Швэцыя (да 21)[d] 28 (13)
2007—2018 Швэцыя 64 (14)

Уля То́йванэн (па-швэдзку: Ola Toivonen; нар. 3 ліпеня 1986 году, Дэгерфорс, Швэцыя) — колішні швэдзкі футбаліст фінскага паходжаньня, нападнік. Былы гулец нацыянальнай зборнай Швэцыі. Меў досьвед гульні на пазыцыях атакуючага паўабаронцы, адцягнутага й вылучанага нападніка й нават скрайняга паўабаронцы. Дзякуючы высокаму росту добра гуляў галавой, але аддаваў перавагу гуляць нагамі[3]. У маладосьці Тойванэна параўноўвалі з Кімам Чэльстрэмам[4]. У апошнія гады сваіх выступаў за нідэрляндзкі ПСВ Эйндговэн быў капітанам каманды.

Кар’ера

[рэдагаваць | рэдагаваць код]

«Дэгерфорс»

[рэдагаваць | рэдагаваць код]

Уля зьяўляецца выхаванцам клюбу «Дэгерфорс» з аднайменнага мястэчка[5], першы матч за асноўны склад якога правёў у 2003 годзе. У сэзоне 2004 году «Дэгерфорс» заняў першае месца ў сваёй зоне трэцяга па ўзроўні дывізіёну й у стыкавых матчах заваяваў месца ў другім па ўзроўні дывізіёне. У лістападзе 2005 году быў блізкі да пераходу ў стакгольмскі АІК[6], аднак гэты пераход не адбыўся.

«Эргрутэ»

[рэдагаваць | рэдагаваць код]

У сьнежні 2005 году перайшоў у клюб найвышэйшай лігі «Эргрутэ» з Гётэборгу[7], сума трансфэру склала больш за 1 млн крон. У лютым 2006 году галоўны трэнэр «Эргрутэ» Зоран Лукіч высока ацаніў здольнасьці Тойванэна. Дэбютаваў Уля ў найвышэйшай лізе 1 красавіка 2006 году ў матчы першага туру супраць клюбу ГАІС[8]. У наступным матчы, 10 красавіка супраць «Мальмё», забіў свой ​​першы гол у найвышэйшай лізе.

У чэмпіянаце Швэцыі 2006 году Тойванэн 24 разы выходзіў у стартавым складзе, адзін раз на замену й адзін матч прапусьціў з-за дыскваліфікацыі, забіў 6 галоў і аддаў 2 галявыя перадачы. Швэдзкі футбольны зьвяз абраў Тойванэна «Пачаткоўцам году 2006»[9]. Паводле вынікаў сэзону «Эргрутэ» заняў апошняе месца ў Альсвэнскан і выбыў у Супэрэтан. Кантракт Тойванэна з клюбам быў разьлічаны яшчэ на 2 гады, але футбаліст не хаваў жаданьне пакінуць каманду.

«Мальмё»

[рэдагаваць | рэдагаваць код]

У сьнежні 2006 году перайшоў у «Мальмё», кантракт быў разьлічаны на 4 гады[10], сума трансфэру склала каля 6—7 млн крон[11]. Мэдычнае абсьледаваньне выявіла ў Тойванэна траўму калена, і з-за гэтага пераход быў пад пытаньнем, але ўсё ж такі адбыўся. Трэнэрскі штаб «Мальмё» меркаваў выкарыстоўваць Тойванэна на пазыцыі цэнтральнага атакавалага паўабаронцы[12], замест траўмаванага Яры Літманэна. Першы афіцыйны матч за «Мальмё» правёў 7 красавіка 2007 году ў першым туры чэмпіянату 2007 году. У матчы чацьвертага туру супраць АІКу забіў першы гол за «нябесна-блакітных»[13].

ПСВ Эйндговэн

[рэдагаваць | рэдагаваць код]

У сярэдзіне студзеня 2009 году перайшоў у ПСВ[14], сума трансфэру склала каля 4 млн эўра[15], 25% зь якіх дасталіся «Эргрутэ», кантракт быў разьлічаны на 3,5 году з заробкам больш за 5 млн крон у год «чыстымі»[16]. У складзе ПСВ гуляў суайчыньнік Тойванэна Андрэас Ісаксан. Дэбютаваў за нідэрляндзкі клюб 24 студзеня 2009 году ў матчы супраць «НАК Брэда», які скончыўся зь лікам 2:2. У наступным матчы, супраць «Дэ Граафсхапу», забіў свой ​​першы гол за ПСВ і аддаў 2 галявыя перадачы.

«Рэн»

[рэдагаваць | рэдагаваць код]

20 студзеня 2014 году Тойванэн афіцыйна далучыўся да францускага клюбу «Рэн», які выклаў за гульца 2,5 млн эўра[17].

Міжнародная кар’ера

[рэдагаваць | рэдагаваць код]

У сьнежні 2006 году Лярс Лягербэк уключыў Улю Тойванэна, у той час гульца «Эргрутэ», у склад зборнай Швэцыі для ўдзелу ў штогадовым студзеньскім турнэ па Амэрыцы, у якім удзельнічаюць толькі гульцы скандынаўскіх клюбаў[18]. Першы матч гэтага турнэ, 14 студзеня 2007 году супраць зборнай Вэнэсуэлы, стаў для Тойванэна дэбютным у зборнай. Аднак толькі ў жніўні быў упершыню выкліканы ў склад паўнавартаснай зборнай Швэцыі на таварыскі матч супраць каманды Фінляндыі. У жніўні 2018 году Уля аб’явіў аб сканчэньні кар’еры ў нацыянальнай зборнай.

Дасягненьні

[рэдагаваць | рэдагаваць код]

ПСВ:

«Мальмё»:

Асабістае жыцьцё

[рэдагаваць | рэдагаваць код]

Бацька Улі, Юр’я Тойванэн, зьехаў у Швэцыю зь Фінляндыі ў 1960-я гады, каб працаваць на фабрыцы. Нягледзячы на ​​фінскае паходжаньне бацькі, Уля не размаўляе па-фінску[19].

Крыніцы

[рэдагаваць | рэдагаваць код]
  1. ↑ Ola Toivonen // Transfermarkt (мн.) — 2000.
  2. ↑ Ola Toivonen // As (гішп.) — Madrid: PRISA, 1967. — ISSN 1888-6671
  3. ↑ Han ska ge MFF en plats i solen(недаступная спасылка). sydsvenskan
  4. ↑ Dif jagar «nya Kim Källström». Expressen
  5. ↑ Статыстыка Тойванэна на афіцыйным сайце SvFF
  6. ↑ «AIK tar talangen som alla lag vill ha». Expressen
  7. ↑ «Toivonen till Öis». Aftonbladet
  8. ↑ Förlust för ÖIS i premiären. Афіцыйны сайт «Эргрутэ»
  9. ↑ Övriga utmärkelser. SvFF
  10. ↑ «Toivonen skrev på för MFF». Aftonbladet
  11. ↑ «Prislappen: Sex miljoner». Expressen
  12. ↑ «Toivonen får fyraårskontrakt med MFF». Aftonbladet
  13. ↑ 4 Malmö FF - AIK 0. Афіцыйны сайт «Мальмё»
  14. ↑ PSV reach agreement with Malmö FF for Toivonen transfer. Афіцыйны сайт ПСВ
  15. ↑ «Malmös nya klipp - får 44 miljoner». Expressen
  16. ↑ «Toivonens miljonklipp». Aftonbladet
  17. ↑ Ola Toivonen Bio, Stats, News. ESPN Soccernet
  18. ↑ Herr: Nya namn i landslaget. SvFF
  19. ↑ «Toivonen klarade besiktningen»(недаступная спасылка). Sydsvenskan

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Уля_Тойванэн&oldid=2627292»