Эргрутэ Гётэборг
| Эргрутэ | |
 | |
| Поўная назва | Örgryte Idrottsällskap |
|---|---|
| Заснаваны | 1887 |
| Горад | Гётэборг, Швэцыя |
| Стадыён | Гамля-Улеві Умяшчальнасьць: 18 800 |
| Чэмпіянат | Альсвэнскан |
| · 2025 | Супэрэтан, 3 месца (падвышэньне) |
 Галерэя здымкаў у Вікісховішчыois.se (швэд.) | |
«Э́ргрутэ» (па-швэдзку: Örgryte) — швэдзкі футбольны клюб з гораду Гётэборгу. Заснаваны ў 1887 годзе. 12-разовы чэмпіён Швэцыі, уладальнік Кубка Швэцыі (2000). Клюб быў заснаваны ў 1887 годзе, што робіць яго найстарэйшым дзейным спартовым клюбам у краіне[1] .
Гісторыя
[рэдагаваць | рэдагаваць код]
Клюб быў заснаваны 4 сьнежня 1887 году Вільгэльмам Фрыбэргам. «Эргрутэ» ўзяў удзел у першым футбольным матчы ў Швэцыі, які быў згуляны 22 траўня 1892 году. Сёньня пра гэты матч на пляцы Гэдэн у цэнтры Гётэборгу нагадвае мэмарыяльная дошка. Яшчэ адзін мэмарыял быў усталяваны ў парку забаваў Лісэбэрг. «Эргрутэ» хутка пачаў дамінаваць у швэдзкім футболе. У 1904 годзе ён згуляў таварыскі матч супраць ангельскага клюбу «Карынтыян», і на знак падзякі за гасьціннасьць клюбу быў ахвяраваны срэбны Карынцкі кубак, які ў наступным годзе стаў прызам у спаборніцтве паміж найлепшымі камандамі Швэцыі.
У 1908 годзе «Эргрутэ» афіцыйна адкрыў свой стадыён «Вальгала». Гуга Левін, футбаліст і сакратар клюбу, быў адным з многіх, хто браў удзел у будаўніцтве стадыёну і займаў некалькі пасадаў у гётэборскім футболе. На матч адкрыцьця новай арэны быз запрошаны чэмпіён Нямеччыны бэрлінскі клюб «Вікторыя». Паміж 1910 і 1924 гадамі «Эргрутэ» спаборнічаў у швэдзкай сэрыі, якая, аднак, ня мела нацыянальнага статусу, не зважаючы на тое, удзел у ёй бралі вядучыя каманды краіны. Каманда была наймацнейшай у сэрыі ў 1910, 1912 і 1924 гадах. Каманда выйграла Заходнюю сэрыю 1924 году, а затым фінал супраць АІК. У тыя часы асабліва вылучаўся Свэн Рыдэль, які быў вядомы сваёй хуткай гульнёй і крэатыўным дрыблінгам, але перш за ўсё сваёй здольнасьцю здабываць галы. У 1926 годзе каманда адзначыла вялікі посьпех, перамогшы ангельскую «Астан Вілу» зь лікам 5:2, што на той час было незвычайна, бо ангельскія клюбы ўважаліся за самыя моцныя на сьвеце.
Крыніцы
[рэдагаваць | рэдагаваць код]- ↑ ÖIS är lirarnas lag! (Swedish) Архіўная копія ад 25.01.2018 г.