Улёф Мэльбэрг

Улёф Мэльбэрг
Пэрсанальная інфармацыя
Нарадзіўся	3 верасьня 1977(1977-09-03) (48 гадоў) Скагерсвік[d], Гульспанг[d], лен Скараборг[d], Швэцыя або Гульспанг[d], Гульспанг[d], лен Скараборг[d], Швэцыя
Рост	187 см
Вага	84 кг
Пазыцыя	абаронца, цэнтральны абаронца
Клюбы
Гады	Клюб	Гульні (галы)¹
1996—1997	Дэгерфарс[d]	47 (0)
1997—1998	АІК Стакгольм	17 (0)
1998—2001	Расінг Сантандэр	98 (0)
2001—2008	Астан Віла	232 (8)
2008—2009	Ювэнтус	27 (2)
2009—2012	Алімпіякос Пірэй	71 (7)
2012—2013	Вільярэал	29 (2)
2013—2014	Капэнгаген	22 (3)
Зборныя
1996—1999	Швэцыя (да 21)[d]	27 (4)
2000—2012	Швэцыя	117 (8)
Трэнэрскія клюбы
2016—2017	Бромапойкарна
2019	Фрэмад Амагер[d]
2019—2020	Гэльсынгборг
2023—2024	Бромапойкарна
2025	Сэнт-Луіс Сіці[d]

Э́рык У́лёф Мэ́льбэрг (па-швэдзку: Erik Olof Mellberg; нар. 3 верасьня 1977 году, Скагэрсьвік, камуна Гульспонг, Швэцыя) — былы швэдзкі футбаліст, абаронца нацыянальнай зборнай Швэцыі.

Кар’ера

Клюбная

Мэльбэрг пачынаў гуляць у мясцовай камандзе «Гульспонг», адкуль быў запрошаны ў клюб вышэйшага дывізіёну «Дэгерфорс». Пасьля вылету «Дэгерфорсу» з вышэйшага дывізіёну Мэльбэрг перайшоў у АІК. За ўпэўненай гульнёй у швэдзкай лізе рушыла ўсьлед запрашэньне ў гішпанскую Ля Лігу, у клюб «Расінг» Сантандэр, дзе ён адразу стаў асноўным гульцом.

Мэльбэргам цікавіліся «Барсэлёна» й «Валенсія», аднак ён аддаў перавагу перайсьці ў «Астан Вілу». У бірмінггэмскім клюбе ён стаў капітанам каманды й быў ім на працягу 3 гадоў. У сэзоне 2002—2003 гадоў адыграў без заменаў усе 38 матчаў «Астан Вілы» ў Прэм’ер-лізе. У апошнім сэзоне ён быў пераведзены са звыклай пазыцыі цэнтральнага абаронцы на правы флянг.

У студзені 2008 году падпісаў папярэдні 3-гадовы кантракт зь «Ювэнтусам». У турынскі клюб Мэльбэрг перайшоў пасьля сэзону 2007—2008 гадоў паводле правіла Босмана. У складзе «Ювэнтусу» ўпершыню выступіў у Лізе чэмпіёнаў, гуляў у матчах групавога этапу й 1/8 фіналу гэтага турніру.

У чэрвені 2009 году перайшоў у «Алімпіякос», кантракт зь якім разьлічаны на 3 гады, сума трансфэру склала 2,5 млн эўра.

Міжнародная

Мэльбэрг удзельнічаў ува многіх чэмпіянатах сьвету й Эўропы ў складзе зборнай Швэцыі.

Дасягненьні

АІК

• Чэмпіён Швэцыі: 1998

«Алімпіякос» Пірэй

• Чэмпіён Грэцыі (3): 2009, 2011, 2012
• Уладальнік Кубка Грэцыі: 2012

Асабістае жыцьцё

У Уляфа й ягонай сяброўцы Караліны Кіль ёсьць два дзіця, дачка Сага (нар. 2002) й сын Ён (нар. 2006). У 2013 годзе пара афіцыйна склала шлюб.

Вонкавыя спасылкі

• Профіль на афіцыйным сайце «Ювэнтусу»
• Профіль на сайце National Football Teams