Тэафаніс Гекас

Тэафаніс Гекас
Пэрсанальная інфармацыя
Нарадзіўся	23 траўня 1980(1980-05-23) (46 гадоў) Лярыса, Грэцыя
Рост	179 см
Вага	76 кг
Пазыцыя	нападнік
Клюбы
Гады	Клюб	Гульні (галы)¹
1998—2001	АЭЛ Лярыса	61 (16)
2001—2005	Калітэя[d]	100 (44)
2005—2007	Панатынаікос	41 (23)
2006—2007	→ Бохум	32 (20)
2007—2010	Баер Левэркузэн	50 (13)
2009	→ Портсмут	1 (0)
2010	→ Гэрта	17 (6)
2010—2012	Айнтрахт Франкфурт	48 (23)
2012	Самсунспор	11 (8)
2012	Левантэ	4 (0)
2013	Акхісар Бэледыеспор	15 (12)
2013—2014	Коньяспор	24 (13)
2014—2015	Акхісар Бэледыеспор	24 (12)
2015	Эскішэхірспор	10 (5)
2016—2017	Сіён	30 (13)
2017	Сывасспор	10 (2)
Зборныя
2005—2014	Грэцыя	78 (24)
Трэнэрскія клюбы
2021—2022	Панэяліяс[d]
2022	Акхісар Бэледыеспор
2023	Дарыджа Генчлербірлігі[d]
2023—2024	A.O. Tilikratis Lefkadas[d]

Тэафаніс Гекас (па-грэцку: Θεοφάνης Γκέκας; нар. 23 траўня 1980 году, Лярыса, Грэцыя) — грэцкі футбаліст, нападнік нацыянальнай зборнай Грэцыі. Ён быў найлепшым бамбардзірам Грэцкай лігі й Бундэсьлігі, а таксама найлепшым бамбардзірам кваліфікацыі да чэмпіянату сьвету 2010 году ў эўрапейскай зоне.

Кар’ера

Выступленьні ў Грэцыі

Тэафаніс Гекас пачаў сваю футбольную кар’еру ў клюбе другога грэцкага дывізіёна «АЕЛ 1964». Пасьля трох гадоў праведзеных там сэзонаў, ён перайшоў у «Калітэю» летам 2001 году. У першым сэзоне Гекаса ў форме «Калітэі», каманда выйшла ў першы грэцкі дывізіён. Тэафаніс забіў 30 мячоў у 37 матчах другога дывізіёна.

Гекас працягваў забіваць галы, такім чынам зацікавіў сабой топ-клюбы Грэцыі. Пасьля забітых 32 мячоў у 73 матчах ён перайшоў у «Панатынаікос» узімку 2005 году. У сваім новым клюбе Гекас стаў найлепшым бамбардзірам грэцкага чэмпіянату ў 2005 годзе, забіўшы 17 мячоў. У сэзоне 2005—2006 гадоў Гекас у складзе «Панатынаікоса» дэбютаваў у Лізе чэмпіёнаў. Увесну 2006 году «Бохум» пачаў цікавіцца Гекасам, але «Панатынаікос» жадаў атрымаць за за яго 1,5 мільёна эўра, што не задавальняла нямецкі клюб.

Аднак летам 2006 году «Панатынаікос» набыў грэцкага нападніка з «ПАОК» Дымітрыса Сальпінгідыса, што й стала адной з прычынаў, чаму Гекас ня здолеў падоўжыць свой кантракт. Як частка гэтай зьдзелкі, Гекас павінен быў перайсьці ў «ПАОК», але ён адмовіўся. «Бохум» прапанаваў за Гекаса 700 тысячаў эўра ў канцы сэзону пры ўмове што каманда зможа вярнуцца ў Бундэсьлігу.

Выступленьні ў Нямеччыне

У сэзоне 2006—2007 гадоў Гекас у складзе «Бохума» змагаўся за выжываньне каманды ў Бундэсьлізе. За гэты кароткі час Тэафаніс стаў зоркай у камандзе, найлепшым бамбардзірам чэмпіянату й улюбёнцам фанатаў, якія называлі яго «грэцкім богам».

У красавіку 2007 года «Бохум» паведаміў аб жаданьні Гекаса гуляць за «Баер» у наступным сэзоне. У «Баеры» Гекас атрымліваў 2 млн эўра ў год, што ў 4 разы перавышала ягоны заробак у «Бохуме». Узімку 2009 года Тэафаніс быў арэндаваны ангельскім клюбам «Портсмут», за які згуляў усяго адзін матч у Прэм’ер-лізе.

«Самсунспор»

У 2012 годзе Гекас перайшоў у клюб турэцкай Cупэрлігі «Самсунспор». Кошт трансфэру склаў каля 1 млн эўра. Дэбютаваў у матчы супраць «Трабзанспора», дзе ягоная каманда атрымала паразу зь лікам 0:4. У наступным матчы супраць «Ардуспора» адзначыўся пераможным дублем. Праз два тыдні Гекас стварыў сэнсацыю, аформіўшы хет-трык у матчы супраць дзеючага чэмпіёна «Фэнэрбахчэ». Пасьля заканчэньня сэзона скасаваў пагадненьне з-за таго, што каманда вылецела з эліты.

«Левантэ»

У жніўні 2012 году перайшоў у склад гішпанскага клюбу «Левантэ».

Міжнародная кар’ера

Дэбют Гекаса за зборную Грэцыі адбыўся ў сакавіку 2005 году, у пераможным матчы супраць зборнай Альбаніі ў рамках кваліфікацыі да чэмпіянату сьвету.

Вонкавыя спасылкі

• Статыстыка на сайце National Football Teams
• Профіль на сайце weltfussball.de
• Профіль на сайце transfermarkt.co.uk