Самсунспор Самсун
| Самсунспор | |
 | |
| Поўная назва | па-турэцку: Samsunspor Futbol Kulübü Anonim Şirketi[1] |
|---|---|
| Заснаваны | 30 чэрвеня 1965 |
| Горад | Самсун, Турэччына |
| Стадыён | Самсун Умяшчальнасьць: 33 919 |
| Прэзыдэнт | Юксэль Ілдырым[d] |
| Кіраўнік | Amissos Sports & Entertainment[d] |
| Галоўны трэнэр | |
| Чэмпіянат | Супэрліга |
| · 2024—2025 | 3 месца |
 Галерэя здымкаў у Вікісховішчыsamsunspor.com.tr (тур.) | |
«Самсунспор» (па-турэцку: Samsunspor) — турэцкі футбольны клюб з гораду Самсуну. Заснаваны ў 1965 годзе.
Гісторыя
[рэдагаваць | рэдагаваць код]«Самсунспор» упершыню трапіў у прафэсійную лігу ў другой футбольнай лізе, якая сёньня называецца Першай лігай, у сэзоне 1965—1966 гадоў. У тым жа годзе клюб дэбютаваў у розыгрышы Кубка Турэччыны, дзе дакрочылі да другога раўнду[3]. Наступны сэзон быў больш пасьпяховым, бо клюб заняў другое месца ў лізе, адстаючы ад чэмпіёна «Бурсаспору» на шэсьць пунктаў. У Кубку каманда прасунулася ажно да паўфіналу, перамогшы «Коньяспор», «Аданаспор», «Манісаспор», «Галатасарай» і «Фэнэрбахчэ». У паўфінале яны сустрэліся з «Гёзтэпэ», дзе саступілі з агульным лікам 5:2. Упершыню «Самсунспор» трапіў у Супэрлігу ў 1969 годзе. Дэбют скончыўся пятым радком у турнірнай табліцы. У наступным сэзоне «Самсунспор» фінішаваў дзясятым і другі год запар выбыў зь першага раўнду Кубка Турэччыны. Пасьля пяці сэзонаў у першым дывізіёне «Самсунспор» у сэзоне 1974—1975 гадоў вылецеў у другі дывізіён.
.jpg)
У канцы 1970-х гадоў Эндэр Чэнгіз, які тады быў старшынём клюбу, укараніў палітыку вяртаньня да каранёў, скіраваную на вяртаньне мясцовых талентаў дзеля ўмацаваньня футбольнай каманды[4]. У сярэдзіне 1980-х гадоў «Самсунспор» дасягнуў некаторых з сваіх найбуйнейшых посьпехаў у першым дывізіёне турэцкага футболу. Пасьля павышэньня з другога дывізіёну ў сэзоне 1984—1985 гадоў каманда фінішавала ў Першай лізе на трэцім радку[5]. У наступным сэзоне клюб згуляў адзін з найлепшых сэзонаў у гісторыі. Зноў заняўшы трэцяе месца ў лізе, дзе Танджу Чолак загнаў 25 галоў, а каманда спынілася ў паўфінале Кубка фэдэрацыі. У наступным сэзоне «Самсунспор» фінішаваў у лізе на чацьвертым месцы і выйшаў у фінал Кубка Турэччыны.
На пачатку сэзону 1988—1989 гадоў «Самсунспор» пачаў трэнавацца пад кіраўніцтвам галоўнага трэнэра Нуры Асана зь перадсэзоннага збору ва Ўлудагу. Каманда ўзяла 19 пунктаў у першых 18 матчах лігі. 20 студзеня 1989 году, падчас паездкі на свой першы матч другой паловы сэзону супраць «Малат’яспору», каманда трапіла ў дарожна-транспартнае здарэньне[6]. А паловы дзявятай блізу Хаўзы клюбны аўтобус сутыкнуўся зь цяжкавіком і зваліўся з кручы[7]. Першую дапамогу пацярпелым гульцам «Самсунспору» надала дэлегацыя «Чаршамбаспору», якая выпадкова праязджала па дарозе на свой матч супраць «Дыярбакырспору». Чыноўнікі, гульцы і пэрсанал «Чаршамбаспору» выцягнулі параненых з-пад завалу і даставілі іх у дзяржаўную лякарню Хаўзы, а таксама здалі кроў[8]. Многія з тых, хто выжыў, атрымалі сур’ёзныя траўмы або пажыцьцёвую інваліднасьць[9]. Галоўны трэнэр Нуры Асан, гульцы Музафэр Бадаліёглу і Мэтэ Аданыр, а таксама кіроўца аўтобуса Асым Эзкан загінулі на месцы здарэньня. Гулец Зоран Томіч трапіў у кому і памёр праз шэсьць месяцаў у Югаславіі. Працаўнік каманды Халіл Албайрак і гульцы Эмін Кар і Эрол Дынлер атрымалі траўмы і сышлі з футболу назаўсёды[10]. Гульцы Юксэль Эгютэн, Фатых Ураз, Шанвэр Гёймэн, Касым Чыкла і Ўгур Тэрзі атрымалі траўмы, але ў рэшце рэшт працягнулі сваю футбольную кар’еру[11]. Яшчэ адзін выжылы, Орхан Кылынч, працягваў гуляць у футбол, але загінуў у іншай аўтамабільнай аварыі ў 1994 годзе. Клюбны мэнэджар Юксель Эзан таксама перажыў аварыю з траўмамі. Праз аварыю «Самсунспор» ня здолеў завяршыць астатнюю частку сэзону, але асобнай пастановай Турэцкай фэдэрацыі футболу клюбу быў нададзены асаблівы статус, што дазволіла ім застацца ў лізе[12][13].
Пасьля аварыі 1989 году «Самсунспор» аднавіў свой склад, выкарыстоўваючы сродкі з ахвяраваньняў, але хутка вылецеў з найвышэйшага дывізіёну. Пасьля некалькіх гадоў пераходаў паміж дывізіёнамі клюб зноў вярнуўся ў эліту ў сэзоне 1992—1993 гадоў. Затым «Самсунспор» увайшоў у свой найбольш стабільны час, застаючыся ў Супэрлізе 13 сэзонаў запар з 1993 па 2006 гады. У гэты час клюб фінішаваў на пятым месцы ў сэзоне 1993—1994 гадоў і дакрочыў да паўфіналу Кубка Турэччыны.
Крыніцы
[рэдагаваць | рэдагаваць код]- ↑ https://www.scribd.com/document/587204693/Samsunspor-Futbol-Kulubu-Anonim-%C5%9Eirketi-kurulu%C5%9F-bildirimi
- ↑ https://www.transfermarkt.com/samsunspor/mitarbeiterhistorie/verein/152
- ↑ Tarihçe. SAMSUNSPOR Resmi Web Sitesi.
- ↑ Kara Tren Kırmızı-Beyaz Geldi. Gazete Gerçek.
- ↑ TÜRKİYE SÜPER LİG, 1985/1986. Mackolik.
- ↑ 20 Ocak. Samsunspor Kulübü.
- ↑ They Relive the Same Fear on Every Away Trip. Milliyet.com.tr (19.01.2013). Архіўная копія ад 22.01.2013 г.
- ↑ Samsun devastated // Milliyet. — 21.01.1989.
- ↑ Yalçınkaya, Mustafa Samsun is Mourning // Türkiye. — 22.01.1989.
- ↑ Traffic Monster First Struck Samsunspor. Aksam.com.tr (16.05.2013). Архіўная копія ад 05.08.2014 г.
- ↑ Aktaş, İlker (20.01.2013) Samsunspor Commemorated Its Football Martyrs. dha.com.tr. Архіўная копія ад 06.12.2014 г.
- ↑ Çorbalı: We Will Declare Samsunspor as the Honorary Champions // Milliyet. — 22.01.1989.
- ↑ Its Speed Was Halted by a Traffic Accident // Aydınlık. — 15.04.2011.