Сывасспор Сывас

Зьвесткі зь Вікіпэдыі — вольнай энцыкляпэдыі
Сывасспор
Sivasspor.svg
Заснаваны 1967
Горад Сывас, Турэччына
Стадыён Сывас
Умяшчальнасьць: 27 532
Прэзыдэнт Мэджнун Ат’якмаз[d]
Галоўны трэнэр
Чэмпіянат Супэрліга
 · 2021—2022 10 месца
sivasspor.org.tr

«Сывасспор» (па-турэцку: Sivasspor) — турэцкі футбольны клюб з гораду Сывасу. Заснаваны ў 1967 годзе. Уладальнік Кубка Турэччыны (2022).

Гісторыя[рэдагаваць | рэдагаваць крыніцу]

«Сывасспор» быў утвораны 14 траўня 1932 году, але першапачаткова меў назоў «Сывас Генчлык». Клюбнымі колерамі абразу сталі чырвоны і белыя, якія ўсьцяж выкарыстоўваюцца клюбам. Доўгі час каманда мела аматарскі статус. Да сярэдзіны 1960-х гадоў «Сывас Генчлык» аб’яднаўся зь яшчэ двума клюбамі гораду з мэтай узмацненьня, але прафэсійны статус атрымаць і пасьля гэтага не атрымалася.

Толькі ў 1967 годзе «Сывасспор» атрымаў прафэсійны статус і запрашэньне выступаў у чэмпіянаце Турэччыны. Справа палягала ў тым, што за некалькі гадоў да таго Турэцкая футбольная фэдэрацыя пастанавіла стварыць трэці дывізіён, куды былі запрошаныя новыя клюбы. У тым жа годзе, але 17 верасьня, падчас матчу супраць «Кайсэры Эрджыесспор» (зь якога пазьней утварыўся «Кайсэрыспор») на стадыёне Кайсэры Ататурк здарылася катастрофа калі заўзятары клюбаў спрычынілі бойку, у якой загінулі 40 чалавек і яшчэ сама меней 300 чалавек атрымалі траўмы. Практычна ўсе ахвяры былі прыхільнікамі «Сывасспору». Сам матч быў завершаны зь лікам 1:0 на карысьць клюбу з Кайсэры. Падчас свайго першага прафэсійнага сэзону «Сывасспор» заняў 16 месца ў сваёй групе, на чатыры пункты адстаючы ад вылету. У наступныя сэзоны клюб таксама ня меў добрых вынікаў, але ўжо ў сэзонах 1971—1972 і 1972—1973 гадоў наблізіўся да прасоўваньня да дывізіёну вышэй, саступіўшы «Шэкерспору» і «Адана Дэмірспору» адпаведна.

«Сывасспор» яшчэ доўгі час праводзіў у найніжэйшых лігах пакуль не атрымаў перамогу ў Другой лізе ў 2005 годзе, атрымаўшы прасоўваньне да Супэрлігі. У дэбютным сэзоне спартоўцы занялі 8 радок. Да ключовых перамог падчас сэзону ў матчах супраць «Бэшыкташу» і «Генчлербірлігі» каманду прывёў Вэрнэр Лёрант. Сапраўднага посьпеху сывасцы дамагліся ў сэзоне 2007—2008 гадоў, калі клюб фінішаваў чацьвертым, зарабіўшы аднолькавую колькасьць пунктаў разам з «Фэнэрбахчэ» і «Бэшыкташам» і саступіўшы толькі ў розьніцы забітых і прапушчаных галоў. У наступным сэзоне 2008—2009 гадоў «Сывасспорт» скончыў сэзон другім, прапусьціўшы наперад «Бэшыкташ» і атрымаў права згуляць за выхад у групавы розыгрыш Лігі чэмпіёнаў. Дэбют у галоўным турніры Эўропы быў няўдалы, то бок клюб у гасьцях у бэльгійскага «Андэрлехту» атрымаў зьнішчальную паразу зь лікам 5:0. Перамога зь лікам 3:1 у матчы ў адказ ужо не дазволіла клюбу крочыць далей у турніры. У розыгрышу Лігі Эўропы, куды «Сывасспор» адразу патрапіў, клюб таксама чакала няўдача — з агульным лікам 5:0 у двубоі туркі саступілі ўкраінскаму «Шахтару».

Склад[рэдагаваць | рэдагаваць крыніцу]

Актуальны на 10 лютага 2023 году
Пазыцыя Імя Год нараджэньня
2 Сьцяг Турэччыны Аб Мурат Палулі 1994
3 Сьцяг Турэччыны Аб Угур Чыфтчы 1992
4 Сьцяг Габону Аб Аарон Апіндангае 1992
5 Сьцяг Ганы ПА Айзэк Кофі 1991
6 Сьцяг Грэцыі Аб Дымітрыс Гутас 1994
7 Сьцяг Кот-д’Івуару Нап Макс Градэль 1987
8 Сьцяг Нямеччыны ПА Робін Ялчын 1994
9 Сьцяг Малі Нап Мустафа Ятабарэ 1986
10 Сьцяг Камэруну Нап Клінтан Н’Жы 1993
13 Сьцяг Турэччыны Аб Алаадын Акумуш 1995
14 Сьцяг Малі Аб Самба Камара 1992
15 Сьцяг Грэцыі ПА Харыс Харысіс 1995
16 Сьцяг Турэччыны Бр Бавэр Кучкар 2003
17 Сьцяг Турэччыны Нап Эрдаган Ешылюрт 1993
18 Сьцяг Турэччыны Бр Эмрэ Сатылмыш 1996
Пазыцыя Імя Год нараджэньня
19 Сьцяг Польшчы Нап Караль Ангельскі 1996
23 Сьцяг Нарвэгіі ПА Фрэдрык Ульвэстад 1992
24 Сьцяг Гішпаніі Нап Самуэль Саіс 1991
25 Сьцяг Турэччыны Бр Муамэр Ілдырым 1990
26 Сьцяг Нігерыі Нап Агмэд Муса 1992
27 Сьцяг Сэрбіі ПА Армін Джэрлек 2000
28 Сьцяг Кот-д’Івуару ПА Кадэр Кейта 2000
30 Сьцяг Эквадора Нап Хордзі Кайсэда (ар. УАНЛ) 1997
35 Сьцяг Турэччыны Бр Алі Шашал Вурал 1990
37 Сьцяг Турэччыны ПА Хакан Арслан 1988
58 Сьцяг Турэччыны Аб Зія Эрдал (капітан) 1988
88 Сьцяг Турэччыны Аб Джанэр Асманпаша 1988
90 Сьцяг Нігерыі Нап Леке Джэймз 1992
96 Сьцяг Турэччыны Аб Мэхмэт Албайрак 2004

Вонкавыя спасылкі[рэдагаваць | рэдагаваць крыніцу]