Прапойскі раён
| Прапойскі раён | |
(Слаўгарадзкі раён) | |
 | |
| Агульныя зьвесткі | |
|---|---|
| Краіна | Беларусь |
| Статус | раён Беларусі |
| Уваходзіць у | Магілёўская вобласьць |
| Адміністрацыйны цэнтар | Прапойск |
| Кіраўнік | Андрэй Віктаравіч Кажамякін[d] |
| Насельніцтва (2018) | 12 781[1] |
| Шчыльнасьць | 9,7 чал./км² |
| Плошча | 1320,02[2] км² |
| Вышыня па-над узр. м. · сярэдняя вышыня | 156 м[3] |
| Месцазнаходжаньне Прапойскага раёну | |
| |
| Мэдыя-зьвесткі | |
| Афіцыйны сайт | |
 Дадатковыя мультымэдыйныя матэрыялы | |
Прапойскі раён (з 1945 году — Сла́ўгарадзкі раён) — адміністрацыйна-тэрытарыяльная адзінка ў складзе Магілёўскай вобласьці Беларусі. Прапойскі раён мяжуе з Быхаўскім, Чавускім, Чэрыкаўскім, Краснаполькім раёнамі Магілёўскай вобласьці і Кармянскім і Рагачоўскім раёнамі Гомельскай вобласьці.
Адміністрацыйна-тэрытарыяльны падзел
[рэдагаваць | рэдагаваць крыніцу]Раён падзяляецца на места Прапойск і 5 сельсаветаў: Васькавіцкі, Гіжэнскі, Кабінагорскі, Лапаціцкі, Сьвенскі. Былыя сельсаветы: Баханскі, Каменскі, Кульшыцкі і Старынкаўскі.
Геаграфія
[рэдагаваць | рэдагаваць крыніцу]Знаходзіцца на поўдні Магілёўскай вобласьці.
Асноўныя рэкі — Сож з прытокамі Проня (з Растай, Крупкай, Трасьліўкай і Аўсовінай), Пясчанка, Касалянка з Пацэяй, Ельня, Галуба, Каменка, Якушаўка; Баброўка (прыток Дняпра), Хоцінка (прыток Рэсты). У Кабінагорскім сельсавеце раёну, што на поўдзень ад Прапойску, месьціцца Блакітная крыніца, якая ёсьць найбольшай ва Ўсходняй Эўропе.
Праз раён праходзіць аўтамабільная дарога Бабруйск — Крычаў.
Насельніцтва
[рэдагаваць | рэдагаваць крыніцу]- XX стагодзьдзе: 1999 год — 17,5 тыс. чал.
- XXI стагодзьдзе: 2006 год — 15,7 тыс. чал.; 2009 год — 14 888 чал.[4] (перапіс); 2016 год — 13 238 чал.[5]; 2017 год — 12 994 чал.[6]; 2018 год — 12 781 чал.[1]
Гісторыя
[рэдагаваць | рэдагаваць крыніцу]За час Нямецка-савецкай вайны 1941—1945 гадоў насельніцтва Прапойскага раёну скарацілася 39 000 да 25 000 чалавек (-36 %). Сярод 18 000 мужчынаў у жывых засталося 8000. У тым ліку каля 4000 чырвонаармейцаў і савецкіх партызанаў не вярнуліся з вайны. У межах раёну зьнішчылі 51 са 160 вёсак. Большасьцю людзі загінулі ў 1943 годзе пры наступе Чырвонай арміі на Прапойск. У 120 брацкіх магілах пахавалі каля 10 000 вайскоўцаў[7]. 4 лістапада 2017 году на ўсходзе раёну ўтварылі Прапойскі заказьнік плошчай звыш 147 км², што складала звыш 11 % земляў Прапойскага раёну[8].
Асобы
[рэдагаваць | рэдагаваць крыніцу]- Уладзіслаў Рубанаў (1952, вёска Аляксандраўка 1 — 1994) — беларускі празаік
- Міхась Стральцоў (1937, в. Сычын - 1987) — беларускі празаік, паэт, перакладчык і літаратуразнавец.
Крыніцы
[рэдагаваць | рэдагаваць крыніцу]- ^ а б Численность населения на 1 января 2018 г. и среднегодовая численность населения за 2017 год по Республике Беларусь в разрезе областей, районов, городов и поселков городского типа (рас.) Нацыянальны статыстычны камітэт Рэспублікі Беларусь
- ^ Государственный земельный кадастр Республики Беларусь (рас.) (па стане на 1 студзеня 2010 г.)
- ^ GeoNames (анг.) — 2005.
- ^ Перепись населения — 2009. Могилевская область (рас.) Нацыянальны статыстычны камітэт Рэспублікі Беларусь
- ^ Численность населения на 1 января 2016 г. и среднегодовая численность населения за 2015 год по Республике Беларусь в разрезе областей, районов, городов и поселков городского типа (рас.) Нацыянальны статыстычны камітэт Рэспублікі Беларусь
- ^ Численность населения на 1 января 2017 г. и среднегодовая численность населения за 2016 год по Республике Беларусь в разрезе областей, районов, городов и поселков городского типа (рас.) Нацыянальны статыстычны камітэт Рэспублікі Беларусь
- ^ Нэлі Зігуля. Аб чым маўчаць Сож і Проня // Зьвязда : газэта. — 27 лістапада 2013. — № 223 (27588). — С. 6. — ISSN 1990-763x.
- ^ Сяргей Расолька. Заказьнік з унікальнымі ляндшафтамі // Зьвязда. — 16 лістапада 2017. — № 221 (28585). — С. 4.
Вонкавыя спасылкі
[рэдагаваць | рэдагаваць крыніцу]- Прапойскі раён (рас.), Глёбус Беларусі
- Слаўгарадзкі раённы выканаўчы камітэт (рас.)
