Сельц

Сельц
польск. *Sielc*
	Сельц; польск. Sielc
	Населены пункт
	Мясцовая назва: Sielc; Былая назва: Сельчане;
Краіна	Польшча
Ваяводзтва	Падляскае
Павет	Бельскі
Гміна	Боцькі
Першыя згадкі	1539
Часавы пас	UTC+1; UTC+2 (летні час);
Каардынаты	52°38′28″ пн. ш. 22°54′53″ у. д.HGЯO
Насельніцтва
Колькасьць	208 чал. (2013)
Лічбавыя ідэнтыфікатары
Тэлефонны код	(+48) 85
Паштовы індэкс	17-120
Нумарны знак	BBI
	Сельц на мапе Польшчы Сельц

Сельц (па-польску: Sielc, па-падляску: Sielc^[2]) — вёска ва ўсходняй Польшчы ў Боцькаўскай гміне Бельскага павету.

Насельніцтва

Жыхары вёскі палякі-каталікі (парафія Найсьвяцейшай Марыі Панны Успамажэньня Вернікаў у Кліхах ^[3]). Калісьці вёска была ў болшасьці заселеная беларусамі, якія на працягу стагодзьдзяў палянізаваліся.

Гісторыя

Сельц на працягу XVI—XVIII стагодзьдзяў быў вялікай вёскай, якая прыналежала вялікакняскаму, а пасьля далучэньня Падляскага ваяводзтва да Польскага каралеўства каралеўскаму стараству з цэнтрам у Бельску. У 1539 г. вёску пад названьнем Сяльчане разьмежавалі ад прыватных уладаньняў Якубоўскіх. Каля паловы XVI ст. Сельц стаў цэнтрам войтаўства дла казённых вёскаў Галёнкі, Кліхы ды Сіадлецы. У 1558 г. Сельц разьмяшчаўся на 25 валоках зямлі, а побач зь ім быў заснаваны прысёлак агароднікаў Валіца. Пасьля заканчэньня валочнай памеры ў 1562 г. да сельцкага войтаўства была далучаная вёска Алексін. Сельц моцна пацярпеў у выніку войнаў паловы XVII ст. — пасьля пажараў 1662 г. у вёсцы абрабляліся толькі 2,5 валокі зямлі з агульнага ліку 27. У гэтым часе ў вёсцы ў 11 хатах жылі выбранцы. Яшчэ ў 1674 г. уся вёска была вуніяцкая (45 сем’яў), а ўжо ў 1692 г. фіксуецца тут першыя рымакаталіцкіх жыхароў. Да 1906 г. Сельц разросься да 329 жыхароў, з чаго аж 302 каталікоў і 27 праваслаўных^[4]. У міжваенны пэрыяд Сельц прыналежаў да гміны Відзьгова Бельскага павету Беластоцкага ваяводзтва. Паводле польскага перапісу насельніцтва 1921 г. пражывала тут 309 жыхароў (295 каталікоў, 9 праваслаўных і 4 юдаістаў, палякамі былі запісаныя ўсе хрысьціяне, юдаісты былі аднесеныя да габрэяў)^[5].У час Другай сусьветнай вайны і першыя гады пасьля яе Сельц быў значным цэнтрам польскай партызанткі. 1 лютага 1946 г. войскі НКУС застрэлілі тут Яна Ельяшука Громліка, камэнданта Нцыянальнага вайсковга задзіночаньня на Бельскі павет.^[4].

Крыніцы

↑ Główny Urząd Statystyczny. Bank Danych Lokalnych. (пол.) — разам з Млыніскам. Праверана 11 студзеня 2016 г.
↑ Pudlaśki nazvy. Sielc. svoja.org Праверана 11 студзеня 2016 г.
↑ Klichy - Parafia NMP Wspomożenia Wiernych (пол.) Diecezja drohiczyńska Праверана 11 студзеня 2016 г.
1 2 Zbigniew Romaniuk, Sielc [w:] Z. Romaniuk, Boćki na Podlasiu. Monografia historyczna, Boćki 2013, s. 461—464
↑ Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 5. Województwo białostockie, с. 29 (пол.) Праверана 11 студзеня 2016 г.

[gus-1] Główny Urząd Statystyczny. Bank Danych Lokalnych. (пол.) — разам з Млыніскам. Праверана 11 студзеня 2016 г.

[autonazwa2-2] Pudlaśki nazvy. Sielc. svoja.org Праверана 11 студзеня 2016 г.

[katparbotki-3] Klichy - Parafia NMP Wspomożenia Wiernych (пол.) Diecezja drohiczyńska Праверана 11 студзеня 2016 г.

[romaniuk-4] 1 2 Zbigniew Romaniuk, Sielc [w:] Z. Romaniuk, Boćki na Podlasiu. Monografia historyczna, Boćki 2013, s. 461—464

[auto-5] Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 5. Województwo białostockie, с. 29 (пол.) Праверана 11 студзеня 2016 г.

[1]

[2]

[3]

[4]

[5]