Саюз пісьменьнікаў Беларусі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Саюз пісьменьнікаў Беларусі
Абрэвіятура СПБ
Дата ўтварэньня 18 лістапада 2005 (14 гадоў таму)
Юрыдычны статус грамадзкае аб’яднаньне
Штаб-кватэра Менск, вул. Фрунзэ, д. 5
Сяброўства 600 (2016)
Старшыня Мікалай Чаргінец
1-ы сакратар Генадзь Пашкоў
Кіроўны орган управа
Бюджэт 243,4 мільёну рублёў[1] (2010 год; 81,3 тысячы $[2])
Сайт www.oo-spb.by

Саюз пісьменьнікаў Беларусі — творчая арганізацыя беларускіх пісьменьнікаў, паэтаў, журналістаў, крытыкаў і іншых дзеячаў літаратуры, якая падтрымліваецца дзейснай уладай. На пачатак 2016 году налічваў больш за 600 пісьменьнікаў[3].

Утварэньне[рэдагаваць | рэдагаваць крыніцу]

Зьявілася 18 лістапада 2005 году, калі шэраг чальцоў Саюзу беларускіх пісьменьнікаў выйшлі зь яго і ўтварылі новую арганізацыю. Прычынай для выхаду яны назвалі «палітызацыю СБП, яе барацьбу з уладай, якая суправаджалася шалёнай спэкуляцыяй на культуры, праблеме беларускай мовы і г. д., адсутнасьць дэмакратычных прынцыпаў»[4].

Паколькі выкарыстаньне назвы краіны ў назвах палітычных партыяў і грамадзкіх арганізацыяў у Беларусі забароненае, Лукашэнка 7 верасьня 2006 году выдаў загад, у якім дазволіў Саюзу пісьменьнікаў ужываць у сваёй назьве слова «Беларусь»[5]. Гэтым жа загадам праўладны саюз быў вызвалены ад сплаты падаткаў на прыбытак і на дададзеную вартасьць, а незалежны Саюз беларускіх пісьменьнікаў пазбаўлены гэтага права.

Арганізацыя[рэдагаваць | рэдагаваць крыніцу]

Старшыня СПБ — чалец Савету Рэспублікі Нацыянальнага сходу Беларусі Мікалай Чаргінец.

Сярод чальцоў СПБ ляўрэяты рэспубліканскіх і міжнародных прэміяў, у тым ліку Дзяржаўнай прэміі Рэспублікі Беларусь, уладальнікі орэнаў і медаляў, дактары і кандыдаты навук[3]. Шмат хто з чальцоў СПБ, у тым ліку і Мікалай Чаргінец, пішуць свае творы па-расейску[6][7].

Арганізацыя месьціцца ў Доме літаратара ў Менску, які раней належаў Саюзу беларускіх пісьменьнікаў.

Крыніцы[рэдагаваць | рэдагаваць крыніцу]

  1. ^ Закон Рэспублікі Беларусь аб рэспубліканскім каштарысе на 2010 год(рас.). Нацыянальны прававы інтэрнэт-партал Рэспублікі Беларусь (27 сьнежня 2010). Праверана 12 сьнежня 2011 г.
  2. ^ Зьвесткі аб сярэднеўзважаным курсе беларускага рубля да замежных валютаў на валютным рынку Рэспублікі Беларусь за 2010 год. Нацыянальны банк Рэспублікі Беларусь. — Паводле сярэднегадавое цаны (2993,74) набыцьця даляра. Праверана 12 сьнежня 2011 г.
  3. ^ а б Яна Явіч Сустрэнемся, пагаворым… напішам! // Літаратура і мастацтва : газета. — Мн.: РВУ «Звязда», 6 студзеня 2016. — В. 4852. — № 1. — С. 3.
  4. ^ Баценкова Н. (2 сьнежня 2005) «Мы опоздали на десять лет»(рас.). Газэта «Рэспубліка» № 226 (3916). Праверана 27 траўня 2010 г.
  5. ^ Указ Президента Республики Беларусь от 7 сентября 2006 г. №564 «О некоторых вопросах деятельности общественного объединения „Союз писателей Беларуси“ и о внесении изменений и дополнения в отдельные указы Президента Республики Беларусь»(рас.). Леванеўскі Валер СтаніслававічПраверана 27 траўня 2010 г.
  6. ^ Бібліяграфічны каталёг(рас.). Каталог ЦНБ НАН Беларуси. — Пошук па запыце «Союз писателей Беларуси». Праверана 27 траўня 2010 г.
  7. ^ Бібліяграфічны каталёг(рас.). Каталог ЦНБ НАН Беларуси. — Пошук па запыце «Саюз пісьменнікаў Беларусі». Праверана 27 траўня 2010 г.

Вонкавыя спасылкі[рэдагаваць | рэдагаваць крыніцу]

Аддзяленьні: