Міхаіл Грабоўскі

Міхаіл Грабоўскі
Рост	180 см
Вага	84 кг
Пазыцыя	цэнтральны нападнік
Кідок/Ловы	левы[d]
Грамадзянства	Беларусь
Дата нараджэньня	31 студзеня 1984 (40 гадоў)
Месца нараджэньня	Патсдам, НДР
Выступаў за	Юнацтва-Менск Нафтахімік Юнацтва-Менск Дынама Масква Гамільтан Бульдогс Манрэаль Канадыенз Таронта Мэйпл Ліфс ЦСКА Масква Вашынгтон Кэпіталз Нью-Ёрк Айлэндэрз Вэгас Голдэн Найтс
Нацыянальная зборная	Беларусь
Драфт НХЛ	150, 2004 Манрэаль Канадыенз
Гульнявая кар’ера	2003—2018

Міхаіл Грабоўскі (нарадзіўся 31 студзеня 1984 году, Патсдам, НДР) — колішні беларускі хакеіст, цэнтральны нападнік.

Раньняе жыцьцё

Грабоўскі нарадзіўся ў Патсдаме (Усходняя Нямеччына), дзе ягоны бацька, Юры, працаваў у будаўніцтве. Сям’я вярнулася ў Беларусь, калі яму было тры гады.

Кар’ера

Клюбны ўзровень

Грабоўскі быў задрафтаваны «Манрэаль Канадыенз» пад нумарам 150 у 2004 годзе. Першы свой матч у НХЛ правёў 6 студзеня 2007 году ў матчы супраць «Нью-Ёрк Рэйнджарз». Ён згуляў тры гульні ў НХЛ перад тым як быў адпраўлены ў фарм-клюб канадзкага гранду «Гамільтан Бульдогс», які выступае ў Амэрыканскай хакейнай лізе (АХЛ). Тамака Грабоўскі дапамог камандзе атрымаць перамогу ў чэмпіянаце ў сэзоне 2006—2007 гадоў.

У сэзоне 2007—2008 гадоў Грабоўскі зноўку вярнуўся да «Канадыенс», але ня меў шмат гульнявога часу. 20 кастрычніка 2007 году Міхаіл атрымаў сво першы асыстэнцкі бал у гульні супраць «Бафала Сэйбрз», а свой ​​першы гол забіў праз два дні пасьля гэтага ў матчы супраць «Бостан Бруінз».

3 ліпеня 2008 году Грабоўскі перайшоў у склад «Таронта Мэйпл Ліфс», у адваротным кірунку пераехаў Грэг Патэрын, а таксама «Манрэаль» атрымаў выбар драфту «лісьцяў» ў другім раўндзе 2010 году. У студзені 2009 году Грабоўскі быў уцягнуты ў бойку зь іншым беларускім хакеістам Сяргеем Касьціцыным падчас гульні паміж «Таронта Мэйпл Ліфс» і «Манрэаль Канадыенз». Да Алімпійскіх гульняў 2010 году ў Ванкувэры, прадстаўніку Беларускай хакейнай фэдэрацыі прыйшлося ўмяшацца для таго, каб зьмірыць абодвух гульцоў, каб яны былі здольныя гуляць у адной камандзе.

Свой першы сэзон Міхаіл скончыў з паказчыкам 20+48 (галы+асыстэнцкія балы). Дзякуючы такім вынікам «Таронта Мэйпл Ліфс» пераглядзела ўмовы кантракту, падвысіўшы заробак гульца ў агульнай складанасьці да $ 8,7 млн на тры гады. У наступных сэзонах Міхаіл працягнуў сваю пасьпяховую гульню.

Падчас лакаўту 2012 году Грабоўскі падпісаў кантракт з маскоўскім клюбам ЦСКА. Пасьля ўзнаўленьня матчаў НХЛ Міхаіл у сэзоне 2012—2013 гадоў паказаў ня вельмі выніковую гульню, атрымаўшы толькі 16 пунктаў (9+7) у 48 матчах, пасьля чаго быў выстаўлены «Таронта» на продаж.

23 жніўня 2013 году Грабоўскі ў якасьці вольнага агенту падпісаў аднагадовы кантракт з клюбам «Вашынгтон Кэпіталз». Грабоўскі завяршыў сэзон 2013—2014 гадоў з 35 пунктамі ў 58 гульнях, аднак «Кэпіталз» ня здолелі дасягнуць плэй-оф ўпершыню за сем сэзонаў.

2 ліпеня 2014 году Міхаіл пакінуў амэрыканскую сталіцу ў якасьці вольнага агента і падпісаў кантракт на чатыры гадызь «Нью-Ёрк Айлэндэрз», згодна зь якім хакеіст заробіць блізка што 20 млн даляраў. Такім чынам Гарбоўскі стаў другім самым каштоўным гульцом клюбу паводле кантракту, то бок больш зарабляе ў камандзе толькі Джон Таварэс.

Міжнародныя выступы

Міхаіл выступае за нацыянальную зборную Беларусі на міжнародных турнірах. Найбольшага індывідуальнага посьпеху дамогся на чэмпіянаце сьвету 2005 году, калі забіў чатыры шайбы ў браму гаспадароў зборнай Аўстрыі і быў абраны першай зоркай гульні. Грабоўскі быў выкліканы ў склад нацыянальнай каманды да ўдзелу ў зімовых Алімпійскіх гульнях у Ванкувэры, аднак не правёў ніводнага матчу з-за траўмы.

Дасягненьні

• Уладальнік Кубка эўрапейскіх чэмпіёнаў (2006)
• Уладальнік Кубка Колдэра (2007)
• Чэмпіён Беларусі (2005, 2006)
• Найлепшы хакеіст Беларусі (2009, 2011, 2013)

Вонкавыя спасылкі

• Профіль на «Сьвет хакею Беларусі»
• Старонка на Elite Prospects.
• Старонка на NHL.com.
• Старонка на The Internet Hockey Database.