Аляксей Угараў

Аляксей Угараў
Рост	179 см
Вага	80 кг
Пазыцыя	левы нападнік
Кідок/Ловы	левы
Грамадзянства	Беларусь
Дата нараджэньня	2 студзеня 1985 (38 гадоў)
Месца нараджэньня	Ніжнякамск, РСФСР
Клюб	Адмірал
Выступаў за	Юніёр Юнацтва-Менск Нафтахімік МУС Дынама Масква Тарпэда
Нацыянальная зборная	Беларусь
Гульнявая кар’ера	2003 — цяпер

Аляксей Угараў (нарадзіўся 2 студзеня 1985 году, Ніжнякамск, РСФСР) — беларускі хакеіст расейскага паходжаньня, нападнік клюбу «Адмірал», які гуляе ў КХЛ, і нацыянальнай зборнай Беларусі.

Кар’ера

Клюбная

Выхаванец хакейнай школы ніжнякамскага «Нафтахіміку». Пачаў кар’еру ў 2002 годзе за ягоны фарм-клюб у першай расейскай лізе. У 2003 годзе падпісаў кантракт зь менскім «Юнацтвам», і ў 2003—2004 гадох выступаў у вышэйшай беларускай лізе за ейны фарм-клюб — «Юніёр». У 2004—2005 гадоў выступаў за асноўную каманду ў Беларускай экстралізе.

Пасьля выступаў за «Юнацтва» вярнуўся ў Расею, дзе выступае і цяпер за далёкаўсходні клюб «Адмірал».

Міжнародная

Пачынаючы ад 2005 году Аляксей нязьменны ўдзельнік чэмпіяантаў сьвету ў складзе зборнай Беларусі. Акрамя таго, разам з камандай прымаў удзел у Алімпійскіх гульнях 2010 году ў Ванкувэры.

Дасягненьні

• Чэмпіён Беларусі (2004, 2005)
• Уладальнік Кубка Беларусі (2004)

Вонкавыя спасылкі

Аляксей Угараў — сховішча мультымэдыйных матэрыялаў

• Старонка на афіцыйным сайце КХЛ
• Старонка на афіцыйным сайце EuroHockey.net