Андрэй Сьцяпанаў (хакеіст)

Андрэй Сьцяпанаў
Рост	180 см
Вага	94 кг
Пазыцыя	нападнік
Кідок/Ловы	правы
Грамадзянства	Расея
Дата нараджэньня	14 красавіка 1986 (36 гадоў)
Месца нараджэньня	Масква, РСФСР
Клюб	Дынама Менск
Выступаў за	Крылы Саветаў Тарпэда ЦХК МУС Віцязь Мэталюрг Дмітраў Юніёр Юнацтва-Менск Амур Сібір Амур Нафтахімік Шахцёр Салігорск Дынама Менск Лада Тальяці
Нацыянальная зборная	Беларусь
Гульнявая кар’ера	2003 — цяпер

Вікіпэдыя мае артыкулы пра іншых асобаў з прозьвішчам Сьцяпанаў.

Андрэй Сьцяпанаў (нар. 14 верасьня 1987 году, Масква, РСФСР) — беларускі хакеіст расейскага паходжаньня, нападнік клюбу «Дынама Менск», які гуляе ў КХЛ, і нацыянальнай зборнай Беларусі.

Кар’ера

Клюбная

Андрэй пачаў сваю прафэсійную кар’еру ў 2003 годзе ў складзе роднага маскоўскага клюбу вышэйшай лігі «Крылы Саветаў», выступаючы да гэтага за ягоны фарм-клюб, а таксама другую каманду ЦСКА. Правёўшы 2 сэзоны ў складзе «Крылаў», дзе ён набраў 24 (19+5) пункты ў 69 матчах, Андрэю праз запазычанасьць выплаты заробку прыйшлося праз арбітраж пакінуць клюб, і перад самым плэй-оф ён перайшоў у ніжагародзкае «Тарпэда», якое таксама выступала ў другім расейскім дывізіёне.

Пасьля пачатку сэзона 2005—2006 гадоў хакеіст падпісаў кантракт з падмаскоўным клюбам МУС, дзе ён змог дэбютаваць у Супэрлізе. У 2006 годзе Андрэй стаў гульцом чэхаўскага «Віцязю», у складзе якога правёў паўтара сэзону, набраўшы за гэты час толькі 8 (4 +4) пунктаў у 54 матчах. Сэзон 2007—2008 гадоў Сьцяпанаў пачаў у новакузьнецкім «Мэталюргу», аднак, правёўшы ў ягоным складзе толькі 7 матчаў, пакінуў каманду і стаў гульцом клюбу вышэйшай лігі ХК «Дмітраў».

У 2008 годзе Андрэй атрымаў запрашэньне ад клюбу беларускай экстралігі «Юнацтва-Менск», у складзе якога ён тройчы станавіўся чэмпіёнам краіны, а таксама ўладальнікам Кантынэнтальнага кубка ў 2011 годзе. Найбольш пасьпяховым для Сьцяпанава стаў сэзон 2010—2011 гадоў, калі ў 63 матчах ён набраў 93 (49 +44) пункты, стаўшы найлепшым снайпэрам і бамбардзірам беларускага першынства.

26 траўня 2011 году Сьцяпанаў заключыў пагадненьне з хабараўскім «Амурам»

Міжнародная

У складзе зборнай Беларусі Андрэй Сьцяпанаў прымаў удзел у чэмпіянатах сьвету 2011 году і 2012 гадоў, на якіх беларусы абодва разы займалі толькі 14 месца.

Дасягненьні

• Чэмпіён Беларусі (2009, 2010, 2011)
• Уладальнік Кантынэнтальнага кубка (2011)

Вонкавыя спасылкі

• Старонка на афіцыйным сайце КХЛ
• Старонка на Elite Prospects