Жаночая зборная Беларусі па баскетболе

	'
Асноўныя зьвесткі
Рэйтынг ФІБА	12-ы
Чалец ФІБА з	1992
Рэгіён ФІБА	Эўропа
Фэдэрацыя	БФБ
Трэнэр	Натальля Трафімава
Алімпійскія гульні
Удзелаў	2
Мэдалёў
Чэмпіянаты сьвету
Удзелаў	2
Мэдалёў
Чэмпіянаты Эўропы
Удзелаў	6
Мэдалёў	Бронза: 2007
	Форма
Сьветлая	Цёмная
Спасылкі
	[Каманда на сайце БФБ Вэб-старонка]
	(абнаўленьне: 2017)

Жаночая зборная Беларусі па баскетболе — нацыянальная баскетбольная каманда, якая прадстаўляе Беларусь на міжнародных спаборніцтвах па баскетболе.

Гісторыя

Першы афіцыйны міжнародны матч зборная Беларусі правяла 14 траўня 1993 году ў румынскім Арадзе ў межах кваліфікацыйнага турніру Эўрабаскет-1995 і прайграла яго саперніцам з Харватыі зь лікам 74:78. Заняўшы па выніках трохдзённага турніру 3-е месца ў сваёй групе, беларускі не змаглі прабіцца ў чэлендж-раўнд кваліфікацыі чэмпіянату Эўропы і пазмагацца за пуцёўку ў фінальную стадыю кантынэнтальнага першынства.

У траўні 1997 году ў Хэльсынкі беларуская каманда пад кіраўніцтвам Анатоля Буяльскага ўпершыню пасьпяхова прайшла першую стадыю кантынэнтальнага адбору, але на Эўрабаскет-1999 усё ж не трапіла, прайграўшы наступным годзе ў Брно зборным Чэхіі, Босьнія і Герцагавіны ды Нямеччыны.

Наступная спроба прабіцца ў эліту зноў была няўдалай. У апошні дзень кваліфікацыйнага турніру ў Стара-Загора беларуская каманда ў вочнай дуэлі аспрэчвала пуцёўку ў чэлендж-раўнд з гаспадынямі паркету — зборнай Баўгарыі. Пасьля першай паловы матчу беларускі вялі з розьніцай у 5 ачкоў, але нечакана ў залі згасла сьвятло і, 15-хвілінная паўза ў сувязі з гэтым, некалькі зьбіла іх пераможны тэмп. Саступіўшы зь лікам 81:82, беларуская дружына згубіла шанец патрапіць на Эўрабаскет-2001.

Дасягненьні

Алімпійскія гульні

2008 — 6-е месца.

Склад: Натальля Ануфрыенка, Настасься Верамеенка, Вікторыя Гасьпер, Марына Крэс, Алена Леўчанка, Тацяна Ліхтаровіч, Натальля Марчанка, Вольга Масіленэнэ, Вольга Падабед, Кацярына Сныціна, Тацяна Троіна, Натальля Трафімава.

2016 — 9-е месца.

Склад: Настасься Верамеенка, Вольга Зюзькова, Алена Леўчанка, Тацяна Ліхтаровіч, Марыя Папова, Юлія Рыцікава, Кацярына Сныціна, Тацяна Троіна, Натальля Трафімава, Аляксандра Тарасава, Марыя Філончык, Ліндсэй Гардынг.

Склад

Заяўка на чэмпіянат Эўропы 2017 году.

№	Пазыцыя	Імя	Рост	Дата нараджэньня	Клюб
6	Ф	Кацярына Сныціна (капітан)	188 см	2 верасьня 1985	Хатай
7	А	Юлія Рыцікава	180 см	8 верасьня 1986	Гарызонт
8	А	Тацяна Ліхтаровіч	178 см	29 сакавіка 1988	Д’ер
9	А	Вольга Зюзькова	172 см	14 чэрвеня 1983	Гоптранс-Сырэнас
13	Ф	Марыя Папова	189 см	13 ліпеня 1994	Галатасарай
14	Ф	Марыя Філончык	188 см	10 студзеня 1992	Волагда-Чэваката
15	Ц	Марына Крэс	193 см	23 жніўня 1980	Гарызонт
19	А	Алёна Голубева	179 см	4 красавіка 1994	Алімпія
20	А	Александрыя Бэнтлі	173 см	27 кастрычніка 1990	Adana ASKİ SK
21	Ц	Вікторыя Гаспэр	192 см	9 студзеня 1988	Цмокі-Менск
23	Ф	Яніна Інкіна	187 см	16 кастрычніка 1997	SPC
25	Ф	Марына Івашчанка	190 см	8 лістапада 1993	Энэргія

Вонкавыя спасылкі