Марыя Папова

Марыя Папова
«Галатасарай»
Пазыцыя:	Цяжкі форвард
Рост:	188 см
Вага:	86 кг
Грамадзянства:	Беларусь
Нарадзілася:	13 ліпеня 1994 (30 гадоў) Бабруйск, Магілёўская вобласьць, Беларусь
Клюбная кар’ера
Магіляўчанка (да 2011) «Алімпія» (Гародня) (2011—2013) Намюр-Капіталь (2013—2014) «Цмокі-Мінск» (2014—2015) «Енісей» (2015—2016) «Галатасарай» (Стамбул) (2016—н.ч.)
Асабістыя ўзнагароды і дасягненьні

Марыя Ўладзімераўна Папо́ва (13 ліпеня 1994, Бабруйск, Беларусь) — беларуская баскетбалістка, гуляе на пазыцыі цяжкага форварду за баскетбольны клюб «Галатасарай» і нацыянальную зборную Беларусі. Майстар спорту Рэспублікі Беларусь міжнароднай клясы.

Жыцьцяпіс

Пачала займацца баскетболам у сярэдняй школе (у 5-й ці 6-й клясе). Першы трэнэр — М. М. Багдановіч. З 8-й клясы перавялася ў магілёўскую вучэльню алімпійскага рэзэрву, дзе пачала гуляць за «Магіляўчанку». У 2011 годзе стала самым дзейсным іграком у зборнай Беларусі (U-18) на чэмпіянаце Эўропы ў дывізіёне «B» (11,9 ачка, 8,1 падбору).

Не замужам.

Дасягненьні

У сэзоне 2012/13 была прызнана лепшым маладым гульцом чэмпіянату Беларусі. Улетку 2014 году стала шостай у рэйтынгу лепшых маладых гульцоў Эўропы па выніках сумеснага галасаваньня экспэртаў і інтэрнэт-карыстальнікаў, арганізаваным ФІБА Эўропа. З 19 гадоў выступае за нацыянальную зборную Беларусі. Увайшла ў склад беларускай каманды на Алімпійскіх гульнях 2016 у Рыё-дэ-Жанэйра.

У ліпені 2016 году падпісала кантракт з турэцкім клюбам «Галатасарай» Стамбул.

Вонкавыя спасылкі

• Профіль на сайце ФІБА Эўропа  (анг.)
• Профіль на сайце Беларускай фэдэрацыі баскетболу
• Профіль на сайце БК Цмокі-Менск