Даніла Васілеўскі

Даніла Васілеўскі
	Даніла Васілеўскі
Дата нараджэньня	17 сьнежня 1889
Месца нараджэньня	вёска Новае Сяло, Полацкі павет, Віцебская губэрня
Дата сьмерці	28 сьнежня 1963
Месца сьмерці	Феадосія, Крым
Месца вучобы	Віцебскі настаўніцкі інстытут
Занятак	краязнавец, гісторык, літаратуразнаўца, пэдагог
Навуковая сфэра	пэдагогіка, гісторыя, археалёгія, літаратуразнаўства, краязнаўства
Месца працы	дэкан геаграфічнага факультэту Магілёўскага пэдагагічнага інстытуту

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Васілеўскі.

Дані́ла Мі́навіч Васіле́ўскі (нар. 17 сьнежня 1889, вёска Новае Сяло, Полацкі павет, цяпер у Шумілінскім раёне Віцебскай вобласьці — † 28 сьнежня 1963, Феадосія, Крым) — беларускі краязнавец, гісторык, літаратуразнавец, пэдагог. Псэўданімы й крыптанімы: «А. Вітэнь; Д. Вітэнь; Д. В.; М. Доброведовский; Шчыры; Д. Шчыры; Шчырый; Д. Шчырый».

Жыцьцяпіс[рэдагаваць | рэдагаваць крыніцу]

Даніла Васілеўскі нарадзіўся 17 сьнежня 1889 году ў вёсцы Новае Сяло^[a]^[1] ў сялянскай сям’і. Асьвету атрымаў у Обалі^[b]^[1] ў Ануфрыеўскай 2-кляснай школе, Полацкай настаўніцкай сэмінарыі й Віцебскім настаўніцкім інстытуце. У 1907 годзе ўпершыню пачаў чытаць беларускую літаратуру, якую сэмінарысты набывалі ў полацкай кніжнай краме Шэндэра Гофэншэфэра.^[2] У 1909 годзе ўвайшоў у гурток сэмінарыстаў «Весьнік ведаў», што знаходзіўся пад уплывам народніцтва й сацыял-дэмакратаў. Тады ж прымаў удзел у працы настаўніцкага таварыства культасьветы й узаемадапамогі «Адукацыя». Будучы студэнтам Віцебскага настаўніцкага інстытуту, пасылаў допісы ў газэту «Школа и Жизнь» пад псэўданімам М. Дабраведаўскага і ў «Нашу Ніву» пад імем Шчырага, Вітэня й сваім уласным прозьвішчам.

Даніла Васілеўскі з чэрвеня 1917 да травеня 1918 году ў партыі сацыялістаў-рэвалюцыянераў, прымаў удзел у Першым Усебеларускім зьезьдзе ў Менску — быў абраны ад павятовых і губэрнскіх земстваў.^[3]

У 1914-18 гг. выкладаў у школе «Таварыства працоўнай дапамогі», дзе пачаў знаёміць моладзь зь беларускай літаратурай і працаваў у розных установах Полацку, а з 1919 году на Віцебшчыне інструктарам школ. Арганізаваў у 1923 годзе «Віцебскае губэрнскае бюро краязнаўства» пры «Аддзеле Асьветы», якое было зьвязанае з Інбелкультам і ставіла мэтаю вывучэньне Віцебшчыны. У 1924 годзе Даніла Васілеўскі працуе на Аршаншчыне. Стаў кандыдатам Аршанскай філіі «Маладняка» ў 1925 годзе.

З 1930 у Магілёве, дэкан геаграфічнага факультэту Магілёўскага пэдінстытуту. Удзельнік раскопак верхнепалеалітычнай стаянкі Бердыж. Арыштаваны 9 сьнежня 1936 году, высланы ў Котлас. Потым працаваў буравіком у Варкуце. Пасьля вызваленьня з 1945 геолягам у Варкуце. Рэабілітаваны ў 1956. Апошнія гады жыў у Феадосіі.^[4]^[5]

Творчасьць[рэдагаваць | рэдагаваць крыніцу]

3 1910 г. пачаў зьбіраць фальклёр у вёсцы Старыца Мікалаеўскай воласьці, Полацкага павету і адсылаў яго інспэктару народных вучэльняў Віцебскай губэрні. Супрацоўнічаў у мясцовых віцебскіх выданьнях, як «Придвинский Край» і інш. У 20-я гады ён стаў актыўным прыхільнікам палітыкі беларусізацыі, якая зьявілася спробай ва ўмовах савецкай улады ажыцьцявіць беларускае нацыянальнае адраджэньне. Дасьледаваў гісторыю беларускай літаратуры ХІХ ст., беларускага кнігадрукаваньня, пытаньні краязнаўства, этнаграфіі і сацыяльна-эканамічнага разьвіцьця. Выявіў у архівах і апублікаваў невядомыя каштоўныя матэрыялы. Друкаваўся ў часопісах: «Асьвета», «Полымя», «Наш край» і газэтах «Савецкая Беларусь» і інш.

Бібліяграфія[рэдагаваць | рэдагаваць крыніцу]

1924

Д. Васілеўскі. «Культурнае жыцьцё Віцебску» / Ігнат Шыпіла // Савецкая Беларусь : газэта. — Менск: 5 кастрычніка 1924.
Д. Васілеўскі. «Навуковая спадчына, пакінутая А. П. Сапуновым» / Ігнат Шыпіла // Савецкая Беларусь : газэта. — Менск: 14 кастрычніка 1924.
Д. Васілеўскі. «Беларусізацыя культасьветных устаноў Аршанскай акругі» / Ігнат Шыпіла // Савецкая Беларусь : газэта. — Менск: 22 лістапада 1924.
Д. Васілеўскі. «Спадчына мінулага» / Міхась Чарот // Савецкая Беларусь : газэта. — Менск: 28 лістапада 1925.
Д. Васілеўскі. «Школа і настаўніцтва на Віцебшчыне» / Ігнат Мазур // Асьвета : часопіс Народнага камісарыяту асьветы і Саюзу працаўнікоў асьветы. — Менск: «Дзяржаўнае выдавецтва Беларусі», 1924. — № 3.

1925

Д. Васілеўскі. «Паэт Ян Баршчэўскі аб Беларусі»: з уласных лістоў яго да пані Карсак.] / Рэдакцыйная калегія // Аршанскі маладняк: орган Аршанскае філіі Усебеларускага аб'яднанння паэтаў і пісьменнікаў «Маладняк» : часопіс. — Ворша: Выдавецтва газеты «Камуністычны шлях», 1925. — № 2.
Д. Васілеўскі. «Беларускі нацыянальны рух на Віцебшчыне ў XIX сталецьці». / Рэдакцыйная калегія // Полымя : часопіс. — Менск: «Дзяржаўнае выдавецтва Беларусі», 1925. — № 5. — С. 121–131.
Д. Васілеўскі. «Новыя матэрыялы творчасьці Яна Баршчэўскага». / Рэдакцыйная калегія // Полымя : часопіс. — Менск: «Дзяржаўнае выдавецтва Беларусі», 1925. — № 5. — С. 152–156.

1926

Д. Васілеўскі. «Новыя знаходкі ў Аршаншчыне» / Міхась Чарот // Савецкая Беларусь : газэта. — Менск: 14 сакавіка 1926.
Д. Васілеўскі. «Водгук паўстаньня дзекабрыстаў на Беларусі». / Рэдакцыйная калегія // Полымя : часопіс. — Менск: «Дзяржаўнае выдавецтва Беларусі», 1926. — № 2—3. — С. 150—155.
Д. Васілеўскі. «Сталецьце краязнаўчай працы на Беларусі». / Азбукін М. // «Наш край» : часопіс. — Менск: Інстытут Беларускай Культуры, 1926. — № 2–3 (5–6). — С. 3–14.
Д. Васілеўскі. «З гісторыі Воршы». / Азбукін М. // «Наш край» : часопіс. — Менск: Інстытут Беларускай Культуры, 1926. — № 2–3 (5–6). — С. 53–54.
Д. Васілеўскі. «З матэрыялаў да архэалёгічнай карты Аршанскае акругі». / С. Плаўнік // Наш край : штомесячнік Цэнтральнага Бюро Краязнаўства пры Інстытуце Беларускай Культуры. — Менск: чэрвень—ліпень 1926. — № 6—7 (9—10). — С. 64—67.
Д. Васілеўскі. «Пясьняр вясковага адраджэньня». (Аб творчасьці Крапівы). / Ус. Ігнатоўскі, М. Зарэцкі, М. Адзінец // Маладняк : штомесячная літаратурна-грамадзка-палітычная часопісь. — Менск: «Дзяржаўнае выдавецтва Беларусі», жнівень 1926. — № 6 (15). — С. 72—80.
Д. М. Васілеўскі. «Краязнаўчая праца на ўсходзе Беларусі». // Аршаншчына : Аршанскае акруговае таварыства краязнаўства: зборнік артыкулаў. — Ворша: Выдавецтва газеты «Камуністычны шлях», 1926.

1927

Д. Васілеўскі. «Помнікі старасветчыны на Аршаншчыне». / С. Плаўнік // Наш край : штомесячнік Цэнтральнага Бюро Краязнаўства пры Інстытуце Беларускай Культуры. — Менск: люты 1927. — № 2 (17). — С. 40—44.
Д. Васілеўскі. «Вывучэньне культурнага стану краю». (З досівіду Віцебшчыны). / С. Плаўнік // Наш край : штомесячнік Цэнтральнага Бюро Краязнаўства пры Інстытуце Беларускай Культуры. — Менск: жнівень—верасень 1927. — № чэрвень—ліпень 6—7 (21—22). — С. 67—68.
Д. Васілеўскі. «3 гісторыі аршанскага друку». / С. Плаўнік // Наш край : штомесячнік Цэнтральнага Бюро Краязнаўства пры Інстытуце Беларускай Культуры. — Менск: жнівень—верасень 1927. — № чэрвень—ліпень 6—7 (21—22). — С. 76—80.
Д. Васілеўскі. «3 гісторыі аршанскага друку». / С. Плаўнік // Наш край : штомесячнік Цэнтральнага Бюро Краязнаўства пры Інстытуце Беларускай Культуры. — Менск: жнівень—верасень 1927. — № 8—9 (23—24). — С. 46—50.
Д. Васілеўскі. «Беларускія чараўнікі і іх зельле». / С. Плаўнік // Наш край : штомесячнік Цэнтральнага Бюро Краязнаўства пры Інстытуце Беларускай Культуры. — Менск: жнівень—верасень 1927. — № 8—9(23—24). — С. 51—57.
Д. Васілеўскі. «Беларускае Вольна-Эканамічнае таварыства». / С. Плаўнік // Наш край : штомесячнік Цэнтральнага Бюро Краязнаўства пры Інстытуце Беларускай Культуры. — Менск: сьнежань 1927. — № 12 (27). — С. 11—17.
Даніла Васілеўскі. «Аршаншчына»: Нарыс.. — Аршанскае акруговае таварыства краязнаўства. — Ворша: Друкукарня імя Ф. Скарыны, 1927. — 16 с. — (Пазнай свой край). — 1070 ас.
Д. М. Васілеўскі. «Кароткі нарыс гісторыі Горацкага раёну і г. Горкі». / старшыня таварыства прафэсар Ф. В. Люнгарсгаўзэн // Праца навуковага таварыства па вывучэнню Беларусі пры Беларускай Дзяржаўнай Акадэміі сельскай гаспадаркі ў Горках : зборнік артыкулаў. — Горкі: Друкарня Акадэміі, 1927. — Т. 3. — С. 149—154.
Д. М. Васілеўскі. «Народная асьвета ў Горацккім раёне». / старшыня таварыства прафэсар Ф. В. Люнгарсгаўзэн // Праца навуковага таварыства па вывучэнню Беларусі пры Беларускай Дзяржаўнай Акадэміі сельскай гаспадаркі ў Горках : зборнік артыкулаў. — Горкі: Друкарня Акадэміі, 1927. — Т. 3. — С. 169—176.

1928

Д. Васілеўскі. «Пад аховай роднай песні»: (3 перапіскі Яна Баршчэўскага). // Маладняк : штомесячная літаратурна-грамадзка-палітычная часопісь. — Менск: Чырвоная зьмена, 1928. — № 1. — С. 86—97.
Д. Васілеўскі. «Сялянства Віцебскай і Магілёўскай губэрань у паўстаньні 1863 году». / Рэдакцыйная калегія // Полымя : часопіс. — Менск: «Дзяржаўнае выдавецтва Беларусі», 1928. — № 6. — С. 148—161.
т. Васілеўскі. «Аршанская акруговая краязнаўчая канфэрэнцыя». Справаздача Аршанскага акруговага таварыства краязнаўства. / С. Плаўнік // Наш край : штомесячнік Цэнтральнага Бюро Краязнаўства пры Інстытуце Беларускай Культуры. — Менск: красавік 1928. — № 4 (31). — С. 53—56.

1929

Д. М. Васілеўскі. «Паэма «Тарас на Парнасе» ў краязнаўчым асьвятленьні». / С. Плаўнік // Наш край : штомесячнік Цэнтральнага Бюро Краязнаўства пры Беларускай Акадэміі Навук. — Менск: травень 1929. — № 5 (44). — С. 20—25.
Д. Васілеўскі. «Арцём Ігнатавіч Вярыга і яго літаратурна-грамадзкая чыннасьць». / Рэдакцыйная калегія // Полымя : часопіс. — Менск: «Дзяржаўнае выдавецтва Беларусі», 1929. — № 6. — С. 183–200.
Д. Васілеўскі. «Экскурсійныя аб'екты Аршаншчыны». / С. Плаўнік // Наш край : штомесячнік Цэнтральнага Бюро Краязнаўства пры Беларускай Акадэміі Навук. — Менск: красавік 1929. — № 4 (43). — С. 16—21.
Д. М. Васілеўскі. «Пэрспэктывы цукраварэньня ў Беларусі ». / С. Плаўнік // Наш край : штомесячнік Цэнтральнага Бюро Краязнаўства пры Беларускай Акадэміі Навук. — Менск: жнівень—верасень 1929. — № 8—9 (47—48). — С. 85.
Д. М. Васілеўскі. «Кумысалячэньне на Беларусі ». / С. Плаўнік // Наш край : штомесячнік Цэнтральнага Бюро Краязнаўства пры Беларускай Акадэміі Навук. — Менск: сьнежань 1929. — № 12 (51). — С. 27—29.

1932

Д. М. Васілеўскі. «Краязнаўчая справа ў Магілёўскім раёне». / Рэдкалегія // Савецкая Краіна : штомесячнік Цэнтральнага Бюро Краязнаўства пры Беларускай Акадэміі Навук. — Менск: сьнежань 1932. — № 12 (51). — С. 27—29.

Заўвагі[рэдагаваць | рэдагаваць крыніцу]

^ Міхалоўшчынскай воласьці (цэнтар у сяле Любічы), Полацкі павет
^ Петрапаўлаўская воласьць, Полацкі павет

Крыніцы[рэдагаваць | рэдагаваць крыніцу]

^ ^а ^б «Списокъ населенных мѣстъ Витебской губерніи» / Подъ редакціей члена-секретаря Губернскаго Статистическаго Комитета А. П. Сапунова.. — Витебскъ: Изданіе Витебскаго Губернскаго Статистическаго Комитета и Губернской Типо-Литографіи., 1906. — С. LXXXI; 314 (№ 62); 319 (№ 96). — LXX;LXXXIII;456 с.
^ «Памятная книжка Витебской губерніи на 1910 годъ». — Витебскъ: Изданіе Витебскаго Губернскаго Статистическаго Комитета, 1910. — С. 354. — VIII,445,168 с.
^ 0045. Пратакол №1 прыватнае нарады сяброў Усебеларускага Зьезду ў Менску 5.12.1917 ^(рас.) // Укладаньне, падрыхтоўка тэксту, уступны артыкул, камэнтары, пераклады: Сяргей Шупа Архівы Беларускай Народнай Рэспублікі. — Вільня, Нью-Ёрк, Менск, Прага: БІНІМ, Таварыства Беларускага пісьменства, Наша Ніва, 1998. — Т. 1, кніга 1. — С. 15, 16. — ISBN 9986-9219-2-9.
^ «Вывучэньне культурнага стану краю». (З досьвіду Віцебшчыны). / С. Плаўнік // Наш край : штомесячнік Цэнтральнага Бюро Краязнаўства пры Інстытуце Беларускай Культуры. — Менск: жнівень—верасень 1927. — № чэрвень—ліпень 6—7 (21—22). — С. 67—68.
^ Маракоў Л. У. «ВАСІЛЕЎСКІ Даніла Мінавіч» // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі : Энцыкляпэдычны даведнік у 10 тамах (15 кнігах). — Менск: 2003. — Т. 1. Абрамовіч—Кушаль. — ISBN 985-6374-04-9.

Літаратура[рэдагаваць | рэдагаваць крыніцу]

Васілеўская, А. «Памяць » / Сяргей Законьнікаў // Полымя : часопіс. — Менск: 1990. — № 7. — ISBN ISSN 0130-8068.
Васілеўскі, Юрка. Даніла Васілеўскі — выбітны даследчык Усходняе Беларусі. // рэд. рада Аляксандар Агееў і інш. Магілёўская даўніна : зборнік гістарычных і краязнаўчых матэрыялаў. — Магілёў: Музей гісторыі Магілёва, 1993. — Т. 1. — С. 54—58.
Васілеўскі, Ю. «Даніла Васілеўскі – выдатны даследчык усходняй Беларусі» // Аршанская газета : газэта. — Менск: 8 верасьня 1994. — № 7. — ISBN ISSN 0130-8068.
Вяргей В. С. «Археалагічная навука ў Беларускай ССР 1919—1941 гг.» / пад рэдакцыяй Я. Г. Шмідта. — Менск: Навука і тэхніка, 1992. — 144 с. — (5-343-00563-2). — 750 ас.
Кісялёў, Г. В. «Пошукі імя» — да пытаньня аўтарства «Энеіды навыварат» і «Тараса на Парнасе». — Менск: Мастацкая літаратура, 1978. — 288 с.
Кісялёў, Г. В. «Ад Чачота да Багушэвіча». Праблемы крыніцазнаўства і атрыбуцыі беларускай літаратуры XIX ст. / Рэд. В.А.Чамярыцкі. — Менск: Навука і тэхніка, 1993. — 397 с. — 1000 ас. — ISBN 5-343-00950-6
І. У. Саламевіч. «Васілеўскі Даніла Мінавіч». // Энцыклапедыя гісторыі Беларусі. У 6 т. / Беларус. Энцыкл.; Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Менск: БелЭн, 1994. — Т. 2: Беліцк — Гімн. — 537 с. — ISBN 5-85700-142-0 — С. 228—229 .
Кісялёў, Г. В. «Пасылаю вам картачку...» // Голас Радзімы : газэта. — Менск: Советская Белоруссия, 20 ліпеня; 27 ліпеня 1995.
І. У. Саламевіч. «Васілеўскі Даніла Мінавіч». // Беларуская энцыклапедыя: У 18 т. / Рэдкал.: Г. П. Пашкоў і інш. — Менск: БелЭн, 1997. — Т. 4: Варанецкі — Гальфстрым. — 480 с. — ISBN 985-11-0090-0 — С. 24.
Мусінская, І. «Выдатны даследчык нашай мінуўшчыны» // Аршанская газета : газэта. — Менск: 21 сьнежня 1999. — № 7. — ISBN ISSN 0130-8068.

Вонкавыя спасылкі[рэдагаваць | рэдагаваць крыніцу]

Даніла Васілеўскі — сховішча мультымэдыйных матэрыялаў

Даніла Васілеўскі: «Прадзьвінскі край — гісторыя, сучаснасьць»

[1] Міхалоўшчынскай воласьці (цэнтар у сяле Любічы), Полацкі павет

[3] Петрапаўлаўская воласьць, Полацкі павет

[«Списокъ»-2] а ^б «Списокъ населенных мѣстъ Витебской губерніи» / Подъ редакціей члена-секретаря Губернскаго Статистическаго Комитета А. П. Сапунова.. — Витебскъ: Изданіе Витебскаго Губернскаго Статистическаго Комитета и Губернской Типо-Литографіи., 1906. — С. LXXXI; 314 (№ 62); 319 (№ 96). — LXX;LXXXIII;456 с.

[4] «Памятная книжка Витебской губерніи на 1910 годъ». — Витебскъ: Изданіе Витебскаго Губернскаго Статистическаго Комитета, 1910. — С. 354. — VIII,445,168 с.

[5] 0045. Пратакол №1 прыватнае нарады сяброў Усебеларускага Зьезду ў Менску 5.12.1917 ^(рас.) // Укладаньне, падрыхтоўка тэксту, уступны артыкул, камэнтары, пераклады: Сяргей Шупа Архівы Беларускай Народнай Рэспублікі. — Вільня, Нью-Ёрк, Менск, Прага: БІНІМ, Таварыства Беларускага пісьменства, Наша Ніва, 1998. — Т. 1, кніга 1. — С. 15, 16. — ISBN 9986-9219-2-9.

[6] «Вывучэньне культурнага стану краю». (З досьвіду Віцебшчыны). / С. Плаўнік // Наш край : штомесячнік Цэнтральнага Бюро Краязнаўства пры Інстытуце Беларускай Культуры. — Менск: жнівень—верасень 1927. — № чэрвень—ліпень 6—7 (21—22). — С. 67—68.

[7] Маракоў Л. У. «ВАСІЛЕЎСКІ Даніла Мінавіч» // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі : Энцыкляпэдычны даведнік у 10 тамах (15 кнігах). — Менск: 2003. — Т. 1. Абрамовіч—Кушаль. — ISBN 985-6374-04-9.

[a]

[1]

[b]

[2]

[3]

[4]

[5]