Балёньня (футбольны клюб)

Балёньня
Поўная назва	Bologna Football Club 1909 SpA
Заснаваны	1909
Горад	Балёньня, Італія
Стадыён	Стадыё Рэната Даль’Ара Умяшчальнасьць: 38 279
Прэзыдэнт	Джоўі Сапута[d]
Кіраўнік	Saputo[d]
Галоўны трэнэр	Вінчэнца Італьяна[d]
Чэмпіянат	Сэрыя А
· 2023—2024	5 месца
Хатнія колеры Выязныя колеры Трэція колеры
Галерэя здымкаў у Вікісховішчы Афіцыйны сайт

«Балёньня» (па-італьянску: Bologna F.C. 1909) — італьянскі футбольны клюб з гораду Балёньня, які месьціцца ў правінцыі Эмілія-Раманьня. Заснаваны ў 1909 годзе й рэфармаваны ў 1993 годзе. Сяміразовы чэмпіён Італіі, двухразовы ўладальнік Кубка Італіі. Клюб мае мянушку «rossoblù» з-за чырвоных і сініх паласатых кашуляў, якія зьяўляюцца традыцыйнымі для клюбу. Чырвоны й сіні, таксама, зьяўляюцца афіцыйнымі колерамі гораду. Хатнія матчы «Балёньня» праводзіць на стадыёне «Рэната Даль’Ара», які здольны зьмясьціць 38 279 гледачоў.

Клюб займае шостае месца паводле пасьпяховасьці ў Сэрыі А. На міжнароднай арэне каманда дамагалася перамогі ў Кубку Інтэртота й Кубку Мітропы. Сэзон 1998—1999 гадоў можна лічыць адным з самых пасьпяховых: каманда здолела дабрацца да паўфіналу Кубка УЭФА, дзе саступіла марсэльскаму «Алімпіку». У сэзоне 2007—2008 гадоў каманда заваявала пуцёўку ў Сэрыю А, вярнуўшыся пасьля вылету ў сэзоне 2004—2005 гадоў.

Гісторыя

Раньнія гады

Футбольны клюб «Балёньня» быў сфармаваны аўстрыйцам Эміліё Арнштайнам, які зацікавіўся футболам, калі вучыўся ва ўнівэрсытэтах ў Вене й Празе. Ён і ягоны брат раней заснавалі яшчэ адзін футбольны клюб, «Black Star», у Аўстрыі.

Клюб быў заснаваны 3 кастрычніка 1909 году. Паводле ягонага фармаваньня, Карлё Сандоні стаў спонсарам клюбу й генэральным мэнэджарам, швайцарац Люі Раўш стаў прэзыдэнтам клюбу, шляхціч Гвіда дэля Вальле стаў віцэ-прэзыдэнтам, Энрыка Пэнальля стаўся сакратаром клюбу, Сэрхіё Лямпронці касірам клюбу, у той час як Эміліё Арнштайн і Леонэ Вінчэнцы сталі клюбнымі дарадцамі.

20 сакавіка 1910 году «Балёньня» адыграла сваю першую гульню супраць клюбу «Віртус», у якой «Балёньня» перамагла зь лікам 9:1.

Свой першы сэзон клюб правёў у рэгіянальнай лізе, у якасьці капітана ў тыя часы выступаў Арыга Градзі. «Балёньня» атрымала перамогу ў розыгрышу лігі й прасунулася ў лігу Вэнэта-Эміліяна. Клюб правёў чатыры сэзоны ў гэтай лізе, ніколі не займаючы месца ніжэйшае за пятае. «Балёньня» атрымала пуцёўку ў Паўночную Лігу, перш чым усе футбольныя лігі былі скасаваныя з пачаткам Першай сусьветнай вайны.

1920-я гады

Пасьля Першай сусьветнай вайны выступы «Балёньні» сталі больш пасьпяховымі. Пасьля паразы ў паўфінале Паўночнага італьянскага чэмпіянату ў сэзоне 1919—1920 гадоў клюб дасягнуў фінале, дзе саступіў зь лікам 2:1 клюбу «Про Вэрчэльлі». У сэзоне 1923—1924 гадоў клюб зноўку заняў другое месца Паўночнай італьянскай лігі, атрымаўшы паразу ў фінале ад чэмпіёна Італіі таго году, клюбу «Джэноа».

Дасягненьні

• Чэмпіён Італіі (7):
  • 1925, 1929, 1936, 1937, 1939, 1941, 1964

• Уладальнік Кубка Італіі (2):
  • 1970, 1974

Склад

Актуальны на 14 лютага 2025 году

№ Пазыцыя Імя Год нараджэньня 1 Бр Лукаш Скарупскі 1991 2 Аб Эміль Гольм 2000 5 Аб Марцін Эрліч 1998 6 ПА Нікала Мора 1998 7 Нап Рыкарда Арсаліні 1997 8 ПА Рэма Фройлер 1992 9 Нап Сант’яга Кастра 2004 11 Нап Дан Ндой 2000 14 Аб Давідэ Калябрыя (ар. Мілян) 1996 15 Аб Нікалё Казале (ар. Ляцыё) 1998 17 ПА Усама Эль-Азузі 2001 18 ПА Тамаза Побэга (ар. Мілян) 1999 19 ПА Льюіс Фэрг’юсан (капітан) 1999 20 ПА Мішэль Эбішэр 1997

№ Пазыцыя Імя Год нараджэньня 21 ПА Енс Одгар 1999 22 Аб Харалямбас Лікаяніс 1993 23 Бр Ніколя Баньяліні 2004 24 Нап Тэйс Далінга 2000 26 Аб Джон Люкумі 1998 28 Нап Нікалё Камб’ягі 2000 29 Аб Лярэнца Дэ Сыльвэстры 1988 30 Нап Бэнхамін Дамінгес 2003 31 Аб Сэм Бёйкема 1998 33 Аб Хуан Міранда 2000 34 Бр Фэдэрыка Равальля 1999 39 Нап Эстаніс Пэдроля (ар. Сампдорыя) 2003 80 ПА Джаваньні Фабіян 2003 — ПА Андры Бальдурсан 2002

Вонкавыя спасылкі

• Афіцыйны сайт
• Сайт заўзятараў клюбу