Юры Тышкевіч (біскуп)

Юры Тышкевіч
лац. Jury Tyškievič
	Юры Тышкевіч
	; Герб Ляліва
Асабістыя зьвесткі
Нарадзіўся	1596; Вішціціс[d], Ваўкавішкі, Летува;
Памёр	7 студзеня 1656 або 17 студзеня 1656; Домнаў, Герцагства Прусія[d];
Пахаваны	Касьцёл Сьвятых Станіслава і Ўладзіслава;
Род	Тышкевічы
Бацькі	Ян Яўстах Тышкевіч; Соф’я з Вішнявецкіх[d]
Дзейнасьць	каталіцкі сьвятар

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Юры Тышкевіч.

Юры Тышкевіч (1596, мястэчка Вішцянец — 7 студзеня 1656, Домнаў у Прусіі) — рэлігійны й дзяржаўны дзяяч Вялікага Княства Літоўскага. Біскуп жамойцкі (1634—1649) і віленскі (ад 1649)

Біяграфія

З лагойскай лініі роду Тышкевічаў гербу Ляліва, сын Яна Яўстаха, ваяводы берасьцейскага, і Соф’і зь Вішнявецкіх. Меў братоў Антонія Яна, Казімера, Крыштапа і Фэліцыяна.

Навучаўся ў езуіцкіх акадэміях у Вільні, Любліне, Познані й Кракаве. Канонік кракаўскі, ад 1626 году віленскі. Ад 17 траўня 1627 году біскуп тытулярны Мэтонэ й суфраган віленскі. Ад 19 сьнежня 1633 году ардынары жамойцкі, біскуп — ад 25 чэрвеня 1634 году.

Дбаў пра разьвіцьцё школьніцтва на Жамойці, праводзіў візытацыю дыяцэзіі, чатыры разы праводзіў дыяцэзіяльныя сыноды (1636, 1639, 1643, 1647 гады). У 1637 годзе стварыў кальварыю ў мястэчку, названым Жамойцкая Кальварыя, заснаваў там кляштар дамініканаў. У 1632 годзе кансэкраваў касьцёл дамініканаў у Сейнах.

У 1638 годзе быў легатам караля і вялікага князя Ўладзіслава Вазы да папы Урбана VIII, ад якога атрымаў тытул прэлата дамовага. У 1644 годзе кіраваў каталіцкай дэлегацыяй у Торуні на Colloquium Charitativum — дыскусіі пратэстантаў і каталікоў пра яднаньне вызнаньняў.

Ад 9 сьнежня 1649 году^[4] біскуп віленскі, зладзіў сынод дыяцэзіяльны, правёў візытацыю парафіяў. У вайну з Швэцыяй знаходзіўся ў Караляўцы.

Галерэя

Іканаграфія Юрыя Тышкевіча
Невядомы мастак, XVII ст.
Невядомы мастак, XVII ст.
Е. Фальк, XVII ст.
Е. Фальк, XVII ст.
Невядомы мастак, 1794 г.
Невядомы мастак, XIX ст.
Я. Шырма, каля 1873 г.
Надмагільле. Невядомы мастак, XIX ст.

Крыніцы

^ Jerzy Tyszkiewicz // NUKAT — 2002.
^ Jerzy Tyszkiewicz // MAK (пол.)
^ Wurzbach D. C. v. Tyszkiewicz, Georg (gest. 1656) (ням.) // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben — Wien: 1856. — Т. 48. — S. 197.
^ Hierarchia Catholica medii et recentioris aevi. T. IV. — Regensberg, 1935. S. 370.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
Nitecki P. Biskupi Kościoła w Polsce: w latach 965—1999 // Słownik biograficzny. Wyd. 2. — Warszawa, 2000. ISBN 83-211-1311-7. — S. 458—459.
Wileński słownik biograficzny. — Bydgoszcz, 2002. ISBN 83-87865-28-1. — S. 412.

[_34a12dacf13ba090-1] Jerzy Tyszkiewicz // NUKAT — 2002.

[_76f74865ada635f8-2] Jerzy Tyszkiewicz // MAK (пол.)

[_c3c02c37c18df82d-3] Wurzbach D. C. v. Tyszkiewicz, Georg (gest. 1656) (ням.) // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben — Wien: 1856. — Т. 48. — S. 197.

[4] Hierarchia Catholica medii et recentioris aevi. T. IV. — Regensberg, 1935. S. 370.

[1]

[2]

[3]

[4]