8 красавіка

8 красавіка́ — 99-ы дзень году (98-ы ў невысакосным годзе) паводле Грыгарыянскага календару. Да канца году застаецца 268 дзён.

Падзеі

1525 — пераўтварэньне Тэўтонскага ордэна ў герцагства Прусія

1766 — у ЗША запатэнтавалі пажарную драбіну

1783 — Кацярына II выдала маніфэст аб далучэньні Крыму да Расеі

1820 — грэцкі селянін з выспы Мілёс адкапаў славутую статую Вэнэры (на выяве)

Вэнэра Мілёская

1848 — абвяшчэньне роўнасьці моваў у Аўстра-Вугоршчыне

1861 — імпэратар Франц Ёзэф I выдаў талеранцыйны патэнт, які ўраўноўваў пратэстанцкія цэрквы ў Аўстрыі з каталіцтвам

1904 — Вялікабрытанія і Францыя падпісалі пагадненьне аб Эгіпце, Марока і іншых каляніяльных уладаньнях, якое атрымала неафіцыйную назву «Сардэчная згода» (Антанта).

1924 — утварэньне Беларускае вайсковае акругі

1944 — пачатак Крымскай апэрацыі, у ходзе якой Крым быў вызвалены ад нямецка-румынскай акупацыі

1946 — у Жэнэве прайшло апошняе паседжаньне Лігі Нацыяў

1956 — адкрыцьцё Беларускага дзяржаўнага тэатра юнага гледача

1986 — кіраўнік СССР Міхаіл Гарбачоў у часе свайго візыту ў Тальяці ўпершыню ўжыў слова «перабудова»

2010 — ЗША і Расея падпісалі ў Празе дамову аб скарачэньні наземных ядзерных узбраеньняў

Нараджэньні

• 563 да н. э. — Сідхартха Гаўтама, індыйскі прынц, пасьля пераўвасабленьня Буда
• 1320 — Пэдру I, кароль Партугаліі
• 1938 — Кофі Анан, генэральны сакратар ААН (1997-2006), ляўрэат Нобэлеўскай прэміі міру 2001 году
• 1947 — Валер Башметаў, беларускі навуковец, доктар тэхнічных навук, рэктар Віцебскага дзяржаўнага тэхналягічнага ўнівэрсытэту
• 1950 — Яўген Саўчанка, губэрнатар Белгародзкай вобласьці Расеі
• 1958 — Віктар Зінчук, расейскі гітарыст-віртуоз, кампазытар, аранжоўнік, Заслужаны артыст Расеі
• 1958 — Сяргей Чарановіч, беларускі графік

Сьмерці

• 1909 — Гэлена Маджэеўская, польская акторка
• 1922 — Эрык фон Фалькенгайн, нямецкі генэрал, ваенны міністар Нямеччыны, начальнік генэральнага штабу Нямеччыны падчас Першай сусьветнай вайны
• 1931 — Канстантын Пілінкевіч, праваслаўны сьвятар, протаярэй
• 1973 — Паблё Пікаса, гішпанскі мастак і скульптар
• 2008 — Надзея Румянцава, савецкая і расейская акторка тэатру і кіно
• 2011 — Станіслаў Галактыёнаў, беларускі савецкі і амэрыканскі навуковец, адзін з заснавальнікаў малекулярнага мадэляваньня
• 2011 — Антон Лабуда, беларускі фізык, доктар фізычна-матэматычных навук, прафэсар

Сьвяты

• Японія, Фэстываль кветак, Дзень нараджэньня Буды.