Перайсьці да зьместу

Шакіл О’Ніл

Зьвесткі зь Вікіпэдыі — вольнай энцыкляпэдыі
(Перанакіравана з «Шакіл О'Ніл»)
Шакіл О’Ніл
Пазыцыя: цэнтравы
Рост: 2,16 ± 0,01 м
Вага: 147 кг
Грамадзянства:
Нарадзіўся: 6 сакавіка 1972(1972-03-06)[2][3][1] (53 гады)
Альма-матэр:
Драфт

1, драфт НБА 1992 году
Арланда Мэджык

Клюбы
Гады Клюб
1989—1992 ЛСЮ Тайгерз[d]
1992—1996 Арланда Мэджык
1996—2004 Лос-Анджэлес Лэйкерз
2004—2008 Маямі Гіт
2008—2009 Фінікс Санз
2009—2010 Кліўлэнд Кавальерз
2010—2011 Бостан Сэлтыкс
Асабістыя ўзнагароды і дасягненьні
зборная навічкоў НБА[d] (1993) NBA Rookie of the Year Award[d] (1993) зборная ўсіх зорак НБА[d] (1998) Узнагарода самаму каштоўнаму гульцу НБА[d] (2000) найкаштоўнейшы ігрок Матча ўсіх зорак НБА[d] (2000) зборная ўсіх зорак НБА[d] (2000) самы каштоўны гулец фіналу НБА (2000) зборная ўсіх зорак НБА[d] (2001) самы каштоўны гулец фіналу НБА (2001) Best NBA Player ESPY Award[d] (2001) самы каштоўны гулец фіналу НБА (2002) Best NBA Player ESPY Award[d] (2002) зборная ўсіх зорак НБА[d] (2002) зборная ўсіх зорак НБА[d] (2003) зборная ўсіх зорак НБА[d] (2004) найкаштоўнейшы ігрок Матча ўсіх зорак НБА[d] (2004) BET Award for Athlete of the Century[d] (2005) зборная ўсіх зорак НБА[d] (2005) зборная ўсіх зорак НБА[d] (2006) найкаштоўнейшы ігрок Матча ўсіх зорак НБА[d] (2009) Заля славы Нью-Джэрзі[d] (2009) Southeastern Conference Men's Basketball Player of the Year[d] Зала славы ФІБА[d]
Статыстыка на NBA.com

Шакіл Рашоўн «Шак» О’Ніл (па-ангельску: Shaquille Rashaun "Shaq" O'Neal; нар. 6 сакавіка 1972 году, Ньюарк, Нью-Джэрзі, ЗША) — амэрыканскі прафэсійны баскетбаліст. Цягам 19 гадоў сваёй гульнёвай кар’еры выступаў за 6 каманд у Нацыянальнай баскетбольнай асацыяцыі. Алімпійскі чэмпіён 1996 году ды чэмпіён сьвету 1994 году. Таксам чатыры разы станавіўся чэмпіёнам НБА. У 1996 годзе быў улучаны ў сьпіс 50 найвялікшых гульцоў у гісторыі НБА, прычым быў наймаладзейшым з усяго сьпісу. Разглядаецца як адзін з найвялікшых баскетбалістаў у гісторыі.

Кар’ера

[рэдагаваць | рэдагаваць код]

О’Ніл быў абраны клюбам «Арланда Мэджык» на драфце 1992 году пад першым нумарам. У сваім дэбютным сэзоне гулец зьбіраў у сярэднім 23,4 пунктаў, рабіў 13,9 падбораў і 3,5 блёк-шоты за гульню[7]. Дзякуючы гэтаму ён быў прызнаны пачаткоўцам году і стаў першым пасьля Майкла Джордана, абраным на Матч усіх зорак НБА ў сваім пачатковым сэзоне[8].

О’Ніл у складзе «Бостан Сэлтыкс».

У сэзоне 1993—1994 гадоў О’Ніл стаў другім у НБА паводле колькасьці назьбіраных пунктаў і першым паводле адсотку кідкоў. 20 лістапада 1993 году, назьбіраўшы 24 пункты, зрабіўшы 28 падбораў і 15 блёк-шотаў за гульню, ён аформіў свой першы ў кар’еры трыпл-дабл. У сваім другім сэзоне ў НБА дапамог «Мэджык» упершыню ў гісторыі франшызы прасунуцца ў плэй-оф. Праз год О’Ніл стаў самым выніковым гульцом НБА. Ён заняў другі радок у галасаваньні за самага каштоўнага гульца НБА. Баскетбаліст упершыню ў сваёй кар’еры дайшоў да фіналу НБА, але «Мэджык» саступілі «Г’юстан Рокетс». Сэзон 1995—1996 гадоў быў для О’Ніла расчаравальным, бо ён прапусьціў 28 гульняў праз траўмы. Яго абмянялі ў «Лос-Анджэлес Лэйкерз» на сэзон 1996—1997 гадоў[9]. У сваім першым сэзоне з новай камандай рабіў у сярэднім дабл-дабл за гульню, але прапусьціў больш за 30 гульняў праз пашкоджаньні[10]. Сэзон 1997—1998 гадоў быў першым зь пяці запар, у якіх О’Ніл быў лідэрам у НБА паводле адсотку трапнасьці з гульні. Ён зноў рабіў у сярэднім дабл-дабл за гульню.

14 ліпеня 2004 году спартовец далучыўся да «Маямі Гіт» , зьмяніўшы свой нумар з 34, які меў у «Лэйкерз», на 32, які быў ягоным у «Мэджык»[11]. 11 красавіка 2006 году ў матчы супраць «Таронта Рэптарз» О’Ніл зрабіў свой другі ў кар’еры трыпл-дабл, назьбіраўшы 15 пунктаў, зрабіўшы 11 падбораў і 10 галявых перадач[12], што стала ягоным асабістым рэкордам. У тым сэзоне ён далучыўся да Ўілта Чэмбэрлена як другі гулец у гісторыі НБА, які дзевяць разоў быў лідэрам лігі паводле адсотку трапнасьці кідкоў з гульні. У 2008 годзе гулец быў абменены ў «Фінікс Санз», а 29 чэрвеня 2009 году прыяднаўся да «Кліўлэнд Кавальерз»[13]. О’Ніл гуляў за «Кавальерз» пад 33-м нумарам. 20 студзеня 2010 году цэнтравы паклаў на свой рахунак 28 000-ы пункт у кар’еры ў НБА, стаўшы пятым гульцом у гісторыі НБА, які дасягнуў гэтага. У 2012 годзе О’Ніла абышоў Кобі Браянт. Па заканчэньні сэзону 2009—2010 гадоў баскетбаліст стаў вольным агентам. 4 жніўня 2010 году ён склаў угоду з «Бостан Сэлтыкс».

1 чэрвеня 2011 году О’Ніл абвесьціў аб завяршэньні сваёй баскетбольнай кар’еры ў сацыяльнай сетцы[14][15]. 3 чэрвеня 2011 году афіцыйна пацьвердзіў гэтую інфармацыю на прэсавай канфэрэнцыі.

Крыніцы

[рэдагаваць | рэдагаваць код]
  1. ^ а б в г д Shaquille O'Neal // FIBA database
  2. ^ а б в http://espn.go.com/nba/player/gamelog/_/id/614/shaquille-oneal
  3. ^ а б в Shaquille O'Neal // Энцыкляпэдыя Бракгаўза (ням.)
  4. ^ а б http://espn.go.com/nba/player/_/id/614/shaquille-oneal
  5. ^ а б http://espn.go.com/nba/player/stats/_/id/614/shaquille-oneal
  6. ^ а б College Basketball at Sports-Reference.com
  7. ^ «Shaquille O’Neal Stats, Height, Weight, Position, Draft Status and more». Basketball Reference.
  8. ^ «MAGIC: Magic History». NBA.
  9. ^ «Shaq signs multi-million contract with LA Lakers». Manila Standard.
  10. ^ Brown, Clifton (14.02.1997). «Injury to O’Neal is a Blow to Lakers». New York Times.
  11. ^ «Heat to retire Shaq's No. 32 jersey next season». ESPN.
  12. ^ Kraczkowski, Kevin. «Miami Heat Player Countdown: 15. Shaquille O’Neal». Hot Hot Hoops.
  13. ^ «Cavaliers Acquire 15-Time NBA All-Star and Four-Time NBA Champion Shaquille ONeal». NBA.
  14. ^ MacMullen, Jackie (1.06.2011). «Shaquille O’Neal announces retirement». ESPN.
  15. ^ Olivarez-Giles, Nathan (1.06.2011). «Shaq announces NBA retirement on Twitter, using Tout iPhone app <Updated>». Los Angeles Times.
Атрымана з «https://be-tarask.wikipedia.org/w/index.php?title=Шакіл_О’Ніл&oldid=2622454»