Кобі Браянт

Зьвесткі зь Вікіпэдыі — вольнай энцыкляпэдыі

Кобі Бін Браянт (па-ангельску: Kobe Bean Bryant; 23 жніўня 1978, Філадэлфія, Пэнсыльванія, ЗША — 26 студзеня 2020) — амэрыканскі прафэсійны баскетбаліст, які скончыў кар’еру. На працягу ўсіх 20 гадоў сваёй гульнявой кар’еры выступаў за Лос-Анджэлес Лэйкерз у Нацыянальнай баскетбольнай асацыяцыі. 18 разоў трапляў на гульню ўсіх зорак НБА, 15 разоў станавіўся чальцом сымбалічных зборных НБА і 12 разоў станавіўся чальцом абарончых зборных НБА. На працягу двух сэзонаў быў лідэрам НБА паводле колькасьці набраных пунктаў і на сёньняшні дзень займае трэцяе месца паводле пунктаў, набраных у рэгулярным сэзоне, і чацьвёртае месца паводле пунктаў, набраных у плэй-оф, за ўсю гісторыю лігі. Шырока разьглядаецца як адзін з найвялікшых баскетбалістаў у гісторыі.